وككل صباح تستيقظ عائلتنا الجميلة على غناء الام الحنون برقصاتها الغربية والمثيرة لتقبل ابنائها بحنان ....😂😂
ههههه واقيلا آمنتو متنساوش الام جزائرية ارواحو نجو للواقع
كل يوم صباح وفي دار بلال كاليلي(اللقب مقتطف من مسلسل البحر الاسود) تنفجر مدافع فتاكة بجميع شتائم الارض مع اسلحة ممنوعة ومهربة من طرف السيدة سليمة كاليلي
سليمة : يالحمير يالبڨورا الناس عندهم بنات وانا عندي حيوانات امنيتي نوض صبح نلقى قهوتي جاهزة وواجدة ولماعن مغسولين ملي نشفا لروحي وانا نوض نعيط اني حايرة كيفاش لاطونسيون مجاتنيش 💣
مريم: يا ربي راي بدات قتلك روحي اغسليهم قبل مترقدي وزعما نسيتي لبارح كانت دالتك😒
نور : اسكتي نتيا بلعي ، اليوم الجمعة يا ربي قلت نوض صبح نغسلهم
مريم: ايه كون نظتي شمرتي على يديك وغسلتيهم وطيبتي القهوة لمك
نور: الديفو ماشي فيا فمك نايظتلي على الستة تقول نايظة تأدن الفجر 😑 بابا ومزال مناظش
سليمة : هجالات نهار كامل وهوما الزنق والتيليفونات والماكلة والرقاد يا ربي وقتاش نتهنى منهم اقسم بالله غير الطلاب اللول نمدكم
مريم : اي والله اي بدات تخلط فالهدرة
نور :ههههه مك وتعرفيها كون متكلاشيناش نهار معلاباليش واش يصرالها هههه ايا نوضو ايا
حبطو البنات ليماهم وراحت مريم تغسل لماعن ولخرى تطيب القهوة ، ناظت سليمة باش تكمل تبخاسها عند ولادها ليكانو راقدين ديك الرقدة الحلوة
فتحت الباب و نحاتلهم الغطا واعطيييي للمصاصتهم ديراكت بسلاحها الفتاك المعروف عند كل ام جزائرية بليغة تاع نيلو تبان تاع زجاج
سليمة : نوضو يالكلاب.....الخ
وفي الأخير جرت الحرب العالميه الثالثه دون ضحايا ولا مخلفات مادية
المهم نادو اولاد مع باباهم راحو صلاو وكملت البنات الماعن والقهوة وحطو الطابلة واجتمعوا بيها بفرح وسرور لكن تأتي الرياح بما لا تشتهي السفن وهوما قاعدين يڨسرو ويضحكوا حتى طاح بلال وتغاشا
بعد نديب وتحنديب والصدمة ليدات عام كومبلي باش تفكرو بلي لازم يرفدوه للسبيطار
رفدوه للسبيطار و دارولو الفحوصات اللازمه لكنها كانت سلبية
خرج الطبيب من عند بلال ووجهو ميبشرش بالخير
الطبيب : نتوما عايلة السيد كاليلي؟
ندير: ايه هنا ، اهد مجبيه بابا !!😡
الطبيب: للأسف باباك يا وليدي راو في حالة حرجة وعلى حساب ماشفنا انو عندو سرطان فالدم (عافانا الله وعافاكم _ واشفى مريضه) وكيما تعرفوا بلي هاد المرض بزاف صعيب وخصوصا ادا جا فالدم يعني نهايتو مأساوية
نزل هاد الخبر على العايلة كالصاعقة وبداو يتباكاو ويندبو لأنو باباهم هو كلشي فهادي الدنيا ، اما مريم فكانت مصدومة وفنفس الوقت كانت مخنوقة وحابة تعيط ومتنساوش بلي هي الكبيرة تاع الدار تسما هي المعزة والمتعلقة كتر من باباها ، فراحت تجري خرجت جا موراها رمزي ليكان يبكي وكلش دارت ليه مريم وقاتلو بالقنطة والعياط : اخطينيييي مجيش معايا روح
خرجت للجنينة وبداااات تبكي وتفتح فالخيمار تاعها
مريم : يا ربي علاه علاه ، كيفاش نتخيل نجوز حياتي بلا بابا يا ربي هو كلش فحياتي 😭😭😭 يا ربي علاه هكدا علااااه، عمبالي بلي هدا قضاء وقدر بصح قاسي بزاف يا ربي اهئ اهئ اهئ ، غمضت عينيها وطلعت راسها للسما وقالت بصوت مرتجف : اعطينا الصبر وكون فعونا يا ربي
ومسحت دموعها بيسك هي متحبش ناس يشوفوها ضعيفة جامي بكات قدام كاش عبد كانت ديما قوية بيسك ايمانها قوي بأنو ربي محش يخليها راحت لعائلتها باش تواسيها وتوقف معاها لقات يماها دايخة وكانو مدخلينها للبيت باش يفحصوها راحت تجري وعرفت بلي يماها هبطلها السكر ولازم يطلعوهولها خرجو خاوت مريم باش يخلو يماهم ترتاح
نروحو لجيهة واحدوخرة فدار محمد ديفيت ( اللقب مقتطف من مسلسل الطائر المبكر ) ليكان هو ومرتو يستناو فوليدهم يجي وهو قاعدين سمعو طبطيب فالباب راحو يجرو باش يفتحو لالياس .فتحو الباب سوطات صبرينة على الياس بتعناق والبوس ونفس الشي باباه ههه فرح الياس بزاف بباباه ويماه .دخلو للدار وهوما قاعدين يضحكو ويحكو مع وليدهم على انجازاتو...الخ صونا تيليفون محمد
محمد : الو
ندير: الو عمي محمد( بصوت تاع قلق وبكا)
محمد : مجبيه صوتك ندير ، واش كاين، !؟؟؟
ندير: بابا يا عمي محمد بابا 😭😭😭
محمد : مجبيه باباك ، اصبر راني جاي وين راك دوكا فدار!؟؟ ( بصوت تاع خلعة وصدمة)
محمد : لالا فالسبيطااار ******
محمد بشهقة : فالسبيطااار؟؟ خلاص راني جاي
كوبا محمد وهو مخلوع وناض يجري
صبرينة: مجبيك اراجل واش صرا
محمد : امشي دوك روحو بيسك الحالة متعجبش
صبرينة: بصح واش صرا؟😦
محمد: هيااا فالطريق نحكيلك
ندير : هاي هنا طونوبيلتي امشي انا نديكم
محمد : صحيت يا وليدي بصح ازربو
راحت العايلة تجري للسبيطار دخلو لقاو ولاد سليمة وبلال في حالة ليبكي يبكي ليمحبط راسو ومزالو تحت تأثير الصدمة ومريم كانت تواسي في نور لي محبستش كامل ملبكا
راح يجري محمد لندير وقالو : ندير !! واش كاين وليدي ؟
ندير حكا لمحمد كلش شي
وصرا نفس الشي لمحمد وصبرينة بيسك كانو كيالعايلة ميتفارقو ميضاربو ماوالوا
اما الياس كان جابد روحو بيسك هو من بكري ماشي مداسرهم يعرف غير بلال
مريم كانت مدورة وجها مشافهاش الياس امبعد عيط محمد لمريم درارت فرآها الياس
محمد : مريم يا بنتي مين رام حاطين يماكم ؟ باش تروح صبرينة تشوفها
مريم : وانا تان لاباس الحمدلله عمي محمد ههه 😅 ( حبت تخفف شوية الاجواء )
محمد : هههه كيعادتك ديما تخبي داخلك 👏
صبرينة : مريم عمبالي نتي بلا ماتتوصاي فايقة سيرتو كيعدتي الكبيرة تاع الدار والله فمحنة كيما هادي غير نتي ليتقدري جوزيها بخير
مريم : صح خالتو صبرينة ايا نديك تشوفي ماما
راحو كامل لعند سليمة ليكانت هاداك وين فاقت وهو غير دخلو جا ليهم طبيب باش يقوللهم بلي سي بلال فاق
ناضت العايلة حتروح ليه بلبكا والنديب مي وقفتهم مريم
مريم: اصبرووووووا مين راكم رايحين
ندير : عند بابا باينة !!
مريم : وراك حاب بابا يشوفكم بهاد المنظر باش تسوء نفسية تاعو ، هو اصلن راهو مدمر ورايحين تزيدو تكملو عليه !!!😡 اصلن المريض الحاجة اللولة ليلازم تعملها هي تواسيها وطمئنوا ماشي تزيد تكمل عليه لازم تكون نفسية تاعو ديما مرتاحة مجبيكم لازم تكونوا قويين وتواجهو بابا بالحنانة ماشي بالنديب تاعكم لازم نخفو عليه ونسوه فهمو
العايلة ڨاع سكتت وحبطت راسها بيسك لقات فكلامها الصح اما الياس فقعد مدهوش من مريم ومن قوة شخصيتها
مريم : ايا دوكا ورولي سنانكم الصفورة هههه وامشي نروحو عندو 😅
محمد : هههه هيا يا بنتي هيا
دخلو عند بلال ليكان مسكين باين عليه بلي ماشي متقبل الامر
سليمة وهي شادة البكية : ههه بلال راك لاباس
ندير ورمزي : راك صفا بابا كاشما راو يوجع فيك
نور: بابا توحشتاااااااك ، وراحت ليه تعنقوا
بلال بضحكة مصطنعة :هههه مجبيكم تقول جيت مالحج راني لاباس وانا تان توحشتك ابنتي
مريم : مي هادي غيبة ابابا ، طال غيابك يا الغالي هههه
بلال : الله لا يغيبك ابنتي ، واش محمد لاباس ؟
محمد: والله غير لاباس اصاحبي ، هههه خلعتنا لخويا
بلال : هههه واش راكي ختي صبرينة
صبرينة : نتا ليوشراك اخويا بلال !!
بلال : والله غير الحمدلله ، يااااه شكون راه هنا !!
ودار بصبعو لإلياس باش يجي ليه
إلياس : عمي بلال وتشوف شحال توحشتك وتوحشت قعداتك
بلال : هههههه يتوحشك الخير اوليدي مي نتا لطولتها هادي المرة ههههه
كملت العايلة ضحكها , حتى نطق بلال : معليش تخرجو وتخلوني وحدي مع صاحبي محمد
العايلة باستغراب : وي ، معليش
وخرجت العايلة وقعد محمد وبلال يحكو
( ووش راح يحكو هو ليراح يبدل مجرى القصة عند مريم والياس)
ترى واش راح يحكيوا ؟
ومريم راح تتقبل الامر ؟ كلو فالبارت القادم
تفاعلو بليز
BẠN ĐANG ĐỌC
أحببت كارهي _مريم والياس( باللهجة الجزائرية)
Hài hướcحكاية شابة تحكي على طفلة اسمها مريم وشاب اسمو الياس فيها بزاف احداث شابة وهي أول كرونيك راح نكتبها نشاله تعجبكم Meriem khaoula
