I Just Loved Too

IJLT 33 - Hots

Lunes. Lunes na lunes, absent si Hanson. Absent din daw ito kahapon sa CAT. Hindi niya alam kung paano ito nakakalusot. Para kasing hindi naman ito pumapasok tuwing linggo.

Kadalasan ay nasisira ang umaga niya dahil dito. And she should be glad dahil wala ito sa klase. Pero ewan ba niya kung bakit maya't maya siyang napapalingon sa may pintuan sa tuwing may dadaan o papasok sa classroom.

"Hi, can I sit here?" tanong ng isang lalaking hindi niya kilala.

"Uh, sure."

Usually, si Hans ang nauupo sa tabi niya. Pero wala ito ngayon.

"I'm Mico," pakilala nito, sabay lahad ng palad. "Nakiki-sit in."

Tinanggap niya iyon. "Iya. Bakit ka nakiki-sit in?" she asked out of politeness, not curiosity.

"Sabi kasi ng kaibigan ko, may maganda raw syang classmate na gusto nyang ipakilala sa 'kin."

Sa titig pa lang nito sa kanya, alam na niya ang tinutukoy nito. Syempre, hindi naman na sa kanya bago iyon. She have heard worse pickup lines.

"A, ganoon ba?"

She tried to ignore Mico to focus on the lectures pero kung anu-anong papansin ang ginagawa nito sa kanya. At a time like this, magpapasalamat siya kung present si Hanson. At least ito, kaya nyang bara-barahin.

Tiniis na lamang niya ang ilang oras na torture kesa patulan pa ito at mapagalitan siya. She felt relieved when the class before lunch finally ended.

"Uhm, okay lang makisabay pagla-lunch?" alangan nitong tanong sa kanya.

"Sorry, she's going to have lunch with me." Nagulat siya nang biglang umangkla sa braso niya si Aubrey.

"A, ganoon ba? Can I join you?"

"Hindi e. Magagalit kasi ang kakambal nya," sagot ni Aubrey. "Una na kami ha. Naghihintay na kasi sya."

"Thanks, Aubrey," sabi niya rito nang makalabas sila ng classroom.

"You're welcome," nakangiti nitong sagot. Kumalas ito sa kanya. "I'll go ahead. Paki-hi na lang ako kay Ken."

"Hindi ka sasabay sa 'min?"

Umiling ito. "Hindi na."

--

When she came back for the next class, nakita na naman niya si Mico. At mukhang maghapon pa yata nitong balak maki-sit in. Nakikipagkwentuhan ito sa isa nyang kaklase nang pumasok siya ng classroom. When he saw her, agad itong tumigil sa pakikipag-usap at kumaway sa kanya.

"Naghahanap yata talaga sya ng sakit ng katawan," narinig niyang bulong ni Aubrey, na noo'y kapapasok lang ng classroom.

Hindi niya ito pinansin. Naupo na lang siya sa bandang likuran. Dati ay madalas syang sa unahan maupo. Kaso, hinihila sya ni Hans papunta sa likod. Kaya lately, doon na lamang siya umuupo para hindi palipat-lipat.

"Dito ulit ako ha," maya-maya'y sabi ni Mico. Wala syang nagawa kundi ngumiti ng pilit. Nagbukas siya ng libro at nagbasa kunwari, para hindi nito maisipang daldalin siya.

"At sino naman ang may sabi sa 'yong pwede mong tabihan ang girlfriend ko?"

She felt a rush when she heard his voice. Akala kasi niya ay maghapon na itong hindi papasok. She looked up to find Hans glaring at Mico. He has his one hand on the strap of his bag, the other on the pocket of his acid-washed pair of jeans.

He looked cold. Naka-sweater kasi ito. Tapos sa ilalim noon, may buttoned-down polo shirt. Four buttons from his neck were open, revealing a white tee. Naka-beanie pa ito na kulay gray.