I Just Loved Too

IJLT 19 - Kiss

"Paris, huwag kang lalayo ha!" paalala ng daddy niya sa pinsan. Paris just waved at them and swam further. Matigas talaga ang ulo nito. Ang sarili lang kasi nitong ama ang pinapakinggan nito.

 "Ken," his dad called him. "Keep an eye on them. Tuturuan ko lang lumangoy ang mommy nyo."

Nakita nyang hinampas ng mommy niya ang braso ng dad niya. "I don't need your lessons!" she said stubbornly.

"Matanda ka na, hindi ka pa marunong lumangoy. What if another time like this, I happen to not be here at may nalulunod?"

"Ken can save them."

"E paano kung wala si Ken?"

"E di si Iya."

"Paano kung wala si Iya, si Paris, si Rica or si Ahn?"

Tuluyan nang napasimangot ang mommy niya. "Fine!"

His dad smiled. "Good." Bumaling ulit ito sa kanila ni Iya. "Take care of the others. Dito lang naman kami sa malapit. Just shout if you need anything."

Lumayo ang mga ito ng ilang metro. Sila naman ay lumangoy na rin. Wala naman talagang kailangang bantayan dahil halos lahat sila ay marunong lumangoy. Sina Jennifer at Carmel naman, dahil hindi marunong, ay nag-stay sa mababaw. Hindi kasi hilig ng pamilya ng mga ito ang magpunta sa beach.

Hikers ang mga ito. Mahilig kasi sa trekking ang ninong JT at ninang Femi nila.

Kasama ni Iya sina Frances, Rica, Carmel, Jennifer at Vienna sa may babaw. They left him with Ahn. Nasa medyo malalim sila. Sa lampas tao. Ahn's a very good swimmer. Ito pa ang nanguna sa may lalim. Sumunod lang siya.

"Saan kayo una: sa lolo o sa lola?" tanong niya rito.

"Kina lola. Pupunta raw kami sa Hogwarts!" nakangisi nitong sagot. He could hear excitement in her voice. Fan na fan kasi ito ng Harry Potter. Recently lang niya nalaman. Kung noon pa, sana ay naibili niya ito kahit customized wand lang.

"Pasalubong ha."

"Sure. Ano'ng gusto mo?"

"Butterbeer."

Ahn chuckled. "Hindi na sya masarap pagdating dito. Order ka na lang ng Butterbeer sa Starbucks."

He wrinkled his nose. "Ayoko nun. Hindi masarap."

"Yung tuyo kasi ang hingin mo."

Nag-isip siya. May isa siyang gustong ipabili pero hindi niya alam kung ano ang tawag.

"Alam ko na. Yung beans na lang. Yung iba-iba ang flavor."

"A! Alam ko yun! Sige."

"KEN!"

Pareho silang napalingon kay Iya.

"Ano?!" malakas niyang tanong.

"Nasa'n si Paris?!"

Agad siyang lumingon sa kabila niya, to the deeper part of the sea where Paris was swimming earlier. Walang tao doon.

"PARIS!" sigaw niya.

"Pa! Si Paris, nawawala!" Iya went ballistic. Pinaahon nito sina Rica sa dagat.

"Ayun sya!" Ahn shouted, pointing at the vast sea. He saw Paris' hand. Mabilis pa sa alas kwatrong lumangoy papunta roon si Ahn. He followed. Mabuti na lang at lumutang si Paris bago ito nawalan ng malay.

They were able to pull him to the shore. He knew Iya could perform CPR. He expected her to. Pero nagpa-panic pa rin ito. It's the first time na nakakita ito ng nalulunod. Ngayon, walang pakinabang si Iya. To his surprise, Ahn did the CPR.