I Just Loved Too

IJLT 28 - Rejected

Paris was not satisfied with Jasmine's answer when he confronted her. Gusto man niya itong kausapin, pero hindi naman siya makalapit dito sa personal. Hindi kasi ito namamansin. Lampasan ang tingin nito sa kanya sa hallways.

Wala rin naman syang mapagtanungan dahil wala siyang ka-close na kaibigan nito. Dagdag pa na parang mainit ang dugo sa kanya ng buong klase nito.

So he turned to Facebook to seek answers. He added Jasmine as friend a few days ago. In-accept naman nito agad ang request niya. Kapag china-chat niya ito, nakikipag-usap naman ito. Nakikipag-interact ito sa comment box. Nagla-like ito ng status nya. Sa personal lang talaga ito ilag.

He looked at her profile picture, pabalik ang ginawa niyang pagtingin sa album nito. Nagulat sya nang makita ang kauna-unahan nitong picture. Jasmine had braces and she looked awful in them. Buhaghag din ang buhok nito, medyo mataba tapos ay medyo maitim.

She was right. He'd definitely not notice her with that appearance.

Tiningnan niya ang timeline nito. He looked at her old posts. Something caught his eye. It was two years ago.

Sabi nila, magpakatotoo ka lang. Let people see you for who you are so they could like you for who you are. So, I am finally going to tell him. Good luck to me!

It has one like and a comment 'Good luck, Jas!'

May isang post sa taas noon, from a guy named Adrian. Hindi ka mapapansin non, sabi nito. Huwag kang nega! kumento naman ni Jasmine. Adrian's comment made his eyebrow raise. Hindi ako nega. Nagsasabi lang ng totoo. Pangit mo kasi.

On a post above that, dated a few days later, her tone was very angry.

I was wrong. People can't accept you for who you are.

Then, there's the next one that has his name on it.

I thought you were different, Paris. Nabulagan lang pala ako dahil gusto kita. Ang superficial mo!

Pilit niyang inaalala ang mga nangyari noong panahon na iyon. Ano nga ba ang nangyari? He couldn't remember insignificant faces. Maybe she's one of those girls who confessed to him before. Pero hindi talaga niya maalala.

Binasa niya yung comments. Mukhang suportado ito ng mga kaklase.

Issa: Okay lang yan, Beb. Lalaki lang yan.

Rose: Bata ka pa naman, Jas.

Adrian: Sabi ko sayo e. Ayaw sa pangit nun.

Jasmine: Wow, salamat Adrian ha!

Adrian: Nagsasabi lang naman ako ng totoo. Sinabihan na kita di ba? O, anong napala mo? Tigas kasi ng ulo mo e.

Zanjo: Tama si Adrian. Buti nga sayo. Ayaw mo kasing makinig.

Jasmine: Kuya! :'(

 

Wow. So ganoon pala sya kasama dati? Hindi naman kasi sya ganoon mag-isip e. Ayaw lang niya na pilitin ang sariling gustuhin ang isang tao dahil lang sa gusto siya nito. Kumbaga, hindi naman niya sila pinilit na magkagusto sa kanya. Dahil lang namimili sya ng taong gugustuhin, naging masama na siya sa paningin nila?

E ano pala ang dapat ay ginawa niya? Hindi naman niya pwedeng gustuhin lahat. Saka may magagawa ba sila kung talagang ayaw niya?

Naiiling na lamang siya habang tinitingnan ang timeline ni Jasmine. After a few months na na-reject niya ito, nagtanggal na ito ng braces. And then, weeks after that, nagpa-ayos naman ito ng buhok. Habang nagiging recent yung mga status ni Jasmine, unti-unti rin itong gumaganda. Not that she's ugly to begin with. Hindi naman ito kaitiman. Hindi rin katabaan. She would have been cute, kung nagustuhan lang nito ang sarili. Siguro dahil na rin sa nireject niya ito kaya bumaba ang tingin nito sa sarili.