The Dimple On His Cheek ( Completed ) Z+U

Part - 20

ထိုမိန်းကလေးသည် သူဆွဲထားသဖြင့် ရှုပ်ပွနေ
သော ဆံပင်တွေကို ပြန်သပ်တင်နေရင်း ပါးစပ်
ကလည်း ပွစိပွစိပြောနေသေး၏။ အဲတာကိုပင်
သူ မကျေနပ်နိုင်သေး။ ညီ ဟန်ဆောင်ထားတာ ဟုတ်မဟုတ် ဒီထက်ပိုသေချာအောင် အတည်ပြုချင်သေးသည်။

"ညီ..... ဘာလို့ ပီပီရိရိ ဟန်ဆောင်နေရတာလဲ
ကိုယ့်ကို အမှန်အတိုင်း ဝန်ခံစမ်းပါ မင်းက ညီ
မလား "

ထူးထက်ခေါင်က ရွှန်းရွှန်း ရဲ့ ပုခုံးတွေကိုသူ့လက်နဲ့ ခပ်ကြမ်းကြမ်း ဖိကိုင်လျက်ပြောလိုက်တာမို့ ရွှန်းရွှန်းက ကြောင်အမ်းအမ်းဖြစ်သွားရင်းမှ ကိုယ်ကိုအနောက်သို့ဆုတ်လိုက်ကာ

"ဘယ်က ညီလဲ ဘာတွေလာပြောနေတာလဲ ကျွန်မ မိန်းကလေး စစ်စစ်ပါ ဦးလေးကြီးရယ် ရွှန်းမြတ်နိုးပိုင် စစ်စစ်ပါ "

ထို မိန်းကလေး၏ မျက်လုံးတွေမှာ လိမ်ညာနေတဲ့အရိပ်အယောင် နဲနဲတောင် မပေါ်တာမို့ သူခေါင်းစားသွားရပြန်သည်။

ဘာတွေဖြစ်ကုန်တာလဲ သူ မသိတော့။

ညီ့ အကြောင်းစဉ်းစားလိုက်ရုံနဲ့ အရာရာတိုင်းကိုဝေဖန်ပိုင်းခြားနိုင်တဲ့ အသိဉာဏ်တွေ သူ့မှာပျောက်ဆုံးကုန်ပြီလား?။

သေချာတာတစ်ခုကတော့ အခု သူ့ မျက်စိရှေ့မှာရှိနေသော မြတ်နိုးသည် သူ ချစ်ရေးဆိုခဲ့သောမြတ်နိုးမဟုတ်တာကိုတော့ သူ့စိတ်ထဲက အလိုလိုကို သိနေလေသည်။

~~~~~~~~~~~~~~~~~~~~~~~~~~~~~

"One two three four, Five six seven
Go..... One two three four တော်ပြီကွာ
နားတော့မယ် "

ချမ်းမြေ့သည် မှန်ရှေ့တွင် ထပ်ခါတလဲလဲ အက
တိုက်နေရင်း ရှင်းလေးကို ကြိုရမယ့်အချိန်နီးလာ
တာမို့ လူက ဂဏှာမငြိမ်ဖြစ်လာလေသည်။
တစ်နေ့လုံးနီးပါး အကတိုက်ထားရတာကြောင့်
ညောင်းကိုက်နေသော ခန္ဓာကိုယ်ကို အကြော
လျော့လိုက်ရင်း စားပွဲပေါ်ကရေသန့်ဘူးကို ယူ
ကာ လက်ကျန်ရေလေးကိုမော့လိုက်လိုက်သည်။
ထို့နောက် ဝုန်းခနဲ ထရပ်လိုက်လျက် တဘက်နဲ့
ချွေးစတွေကိုသုတ်လိုက်ကာ

"ငါ သွားနှင့်မယ် ရှင်းလေးကို သွားကြိုရဦးမှာမို့
မင်းတို့ကျန်တာ အပြီးတိုက်ထားလိုက်တော့ "