The dimple on his cheek
Unicode
ပစ္စုပ္ပန် ကာလ
ကလောမှ တောင်ကြီးသို့
တောင်ကြီးတန်ဆောင်တိုင်ပွဲတော်
တောင်ကြီး တန်ဆောင်တိုင်ပွဲတော်သည်
ရောင်စုံမီးများ ၊ မီးပုံပျံ လွှတ်သူများ ၊
တောင်ကြီးမြို့ခံ တိုင်းရင်းသားများသာမက
ခရီးသွားဧည့်သည်များနဲ့ စည်ကားလှပေသည်။
ဘုရားကုန်းပေါ်နှင့် အဝေရာ မီးပုံးပျံကွင်းပွဲဈေးတန်းတစ်လျှောက်တွင်လည်း ဒေသခံ အစားအစာ ရောင်းချသူ ဈေးရောင်းဈေးဝယ်များနှင့် ရှုပ်ယှက် ခပ်နေပေသည်။
" ဟူး...... "
အေးလွန်းသဖြင့် လက်နှစ်ဖက်ကို ဂွမ်းကပ်အနွေးထည်ထဲ ထိုးထည့်ထားပြီး တစ်ကိုယ်လုံး တုန်နေကာ ပုခုံးများကို ကျုံ့လိုက် ပါးစပ်ကနေ
လေငွေ့များ မှုတ်ထုတ်လိုက်နဲ့ ခုန်ဆွ ခုန်ဆွ
လုပ်နေသော ရှင်းလေးကို ကြည့်ပြီး ချမ်းမြေ့
က ပြုံးနေလေသည်။
" အေးလား.... ရှင်းလေး "
ချမ်းမြေ့က လည်သာ ဂျာကင်အညိုရောင်
အိတ်ကပ်ထဲ ထည့်ထားတဲ့ အေးခဲနေသော
သူ့လက်နှစ်ဖက်ကို ထုတ်ကာ ရှင်းလေး
၏ ပါးဖောင်းဖောင်း နှစ်ဖက်ကို အုပ်ကိုင်လိုက်
တာမို့ ရှင်းလေးက တွန့်ခနဲ ဖြစ်သွားသည်။
" ဟာ... ခွေးကောင်.. လက်အေးကြီးနဲ့ "
ရှင်းလေးက နှုတ်ခမ်းကြီးဆူ မျက်လုံးကြီး
ပြူးပြီး အားရပါးရ ဆဲလိုက်တော့ ချမ်းမြေ့က တဟားဟား ထရယ်လေသည်။ ရှင်းလေး ပုံစံဟာလည်းစချင်စရာ ကောင်းလောက်အောင်ကို ချစ်ဖို့
ကောင်းနေတာပဲ ကြည့်။ သူ့ကိုဆဲနေတာတောင် ချစ်စရာကောင်းသည်ဟုထင်နေမိသည့်အထိ အချစ်မှာ အရူးအမူးပင် ပျော်ဝင်နေမိသည်။
ရှင်းလေးရဲ့မျက်လုံးမှေးမှေးလေးတွေက ပုတ်ခတ်ခတ်ဖြစ်နေကာ လေများထုတ်နေသော နှုတ်ခမ်းကိုလည်းဆူထားသေးပြီး ယုန်ပုံစံခေါင်းစွပ်ပါသော
ဂွမ်းကပ် Hoodie ပန်းနုရောင်ကြီးနဲ့ တကယ့်
ကလေးကြီးတစ်ယောက်အတိုင်းပင်။
YOU ARE READING
The Dimple On His Cheek ( Completed ) Z+U
Poetryယောကျ်ားတစ်ယောက်ကို ချစ်မိတာက အပြစ်ဆိုရင် ကျွန်တော့်မှာ သူ့ကိုချစ်မိတဲ့ အပြစ်တစ်ခုပဲရှိတာပါ ရှင်းမြတ်နိုးပိုင်
