قلبي لك الجزء الاول للكاتبه أميرة صلاح

الفصل الثالث عشر

نظرة

من خلالها تستطيع قراءة المشاعر الداخلية
تعمق
إحساسك بحالة القلب
حب
حالة نفسية سعيدة تعشها
عشق
نزيف للقلب بإعصار الفرحة
سعادة تغمرني بوجودك جانبي
فهل تغمرني أنت بعشقك
وسأقولها للأبد
" قلبي لك"

تفاجئ إياس بوجود أخر شخص يتوقعه
ماذا إنه هو بالفعل ..؟
اقترب منه محاولا رؤيته بوضوح فالتفت الأخر ليراه عن قرب
بمجرد رؤية الملامح احتضنه بقوة يبث بها مشاعر الاشتياق
إياس بفرحة : وحشتني .. وحشتني جدا يا مراد ..
مراد : وأنت كمان والله يا إياس وحشتني ..
إياس بتساؤل : أنت جيت امتي ..؟؟
مراد : جيت من شوية علي هنا علطول ..
إياس : طب تعالي بابا هنا ..
اتجه مراد مع إياس لمكتب والدهما ...
تفاجئ سيف بوجود إياس فهو خرج للتو من المكتب ..
مراد وهو يخرج من خلف إياس : مفاجأة
سيف بصدمة : مراد ..
مراد : ههههه .. هو بشحمه ولحمه ...
اقترب مراد من والده يحتضنه الأخير بقوة فهو أخر " العنقود" ولم يره منذ سنتين .
سيف بفرحة : حمدلله علي السلامة يا حبيبي ..
قبل مراد رأس ويد والده : الله يسلمك يا بابا ..حضرتك عامل إيه؟؟
سيف : أنا كويس يا حبيبي .. قولي أنت عامل إيه ؟؟ّ
إياس مازحا : إيه يا سيف باشا .. سيب شوية لفيري
ضحك مراد : آه بالله عليك تسبلي حتة من جسمي لفريدة تفعص فيها
ضحك سيف : أنت بتتريق طب هقولها .
مراد بسرعة : لا أبوس إيدك يا بابا بلاش تقولها عشان زعلها وحش ...
ضربه سيف علي مؤخرة رأسه بخفة : ولما هو زعلها وحش بتتريق ليه عليها ؟؟َ؟!
تصنع مراد الصدمة : امتي ده حصل .؟؟!
سيف :ههههه طب يالا عشان تشوفها وأنا كنت مروح ..والتفتت إلي إياس : وأنت وراك شغل ولا جاى معانا ...
إياس : لا أنا راشق معاكم طبعا ..
مراد بسخرية : راشق .. وقلد سايا : سوفاج يا حبيبي سوفاج ..
ضحك الثلاثة ..
إياس : ههههه .. هتلاقيها هناك مستنية ..
سيف : طب تمام يالا ...
" مراد سيف منصور الابن الأصغر لسيف منصور . ذو الاثنين وعشرون عاما .. ترك عالم الأعمال واتجه ليحقق حلمه الطيران ففيه يرى بعده عن قيود والده التي ربما كانت تمسكه لولا وقوف والدته بجانبه لتقنع والده بتركه يحلق في سماء طموحه ولا يوقفه شيئا .. لكن بشرط أن يتعلم بأحسن الجامعات في الخارج .. وافق علي شرطه وكان يأتي إجازات ولكن توقف منذ السنة الماضية عن النزول لسفر أمه لأخيه الأكبر "..

بعد مدة وصلوا جميعا إلي المنزل .. وجدوا فريدة ومي تجلسان في الحديقة وسايا أمامهما ترسم ..
انتبهوا جميعا علي وجودهم رفعت فريدة وجهها لتذهب تلقائيا إلي الثالث معهما .. اقتربت منه غير مصدقة وجوده أمامها ...
لمست علي وجهه بحنو وعندما تأكد لها وجوده احتضنته بقوة وكأي أم انهالت عليه بالقبلات الحارة ونزلت دموعها فرحة بلقاء حبيبها دام غيابه عامين ...
فريدة ببكاء :مراد ... يا حبيبي وحشتني أوى ..
قبل رأسها ويدها : وأنتي أكتر والله يا ماما ..
فريدة تصنعت الحزن : بس أنا زعلانة منك .. عشان الإجازة اللي فاتت منزلتش ...
مراد : تقدري تقولي كنت بودع كده ...
فريدة بدهشة : قصدك إني خلاص مش راجع تاني ..
فريدة بفرحة : بجد يا حبيبي يعني خلاص مش هتسافر تاني ..؟؟
مراد بمرح : لا خالص .. وعلي رأي إياس : أنا راشق معاكم هنا خلاص
سمعوا صوت سايا : سوفاج يا حبيبي سوفاج ...
ضحكوا جميعا علي تعليقها ونظرا مراد وإياس لبعضهما " أرأيت ؟؟!"
اقترب مراد من مي واحتضنته الأخرى بشوق : وأخيرا .. أخر العنقود رجع ..
ضحك مراد : ههههه .. أيوة رجع بقي وياريت متزهقوش أنتو منه .
مي : لا خالص .. ده حتى تدعم صفوف سيف
مراد : ههههه .. هو فين صحيح ؟؟!
رد عليه إياس : بعته مشوار شهر كده وراجع ..
مراد بعدم فهم : مشوار إيه اللي ياخد شهر ده ..
مي بضيق :مفيش ده موقف حصل بينهم فهو خلى الكابتن بتاعه يقدم المعسكر عشان المسابقة اللي هيدخلوا فيها ...
تعجب مراد : هو أنت يالا مش هتعقل وتجيبها لبر مع العيل ده ..
إياس بغضب : ده عيل ده .. ده كارثة ماشية علي الأرض ...
مراد باستنكار : هيفضل تفكيرك سخيف ...
فريدة : بقولك يا مراد شكلك تعبان اطلع خد شاور عقبال ما احضرلك الغدا ...
سايا وهي تكتف يديها : طب وأنا مش هتسلم عليا ..؟؟!!
نزل مراد إلي مستواها : لا طبعا ودي تيجي .. بس أنتي عارفة سلامنا مينفعش هنا ... تعالي اطلعي معايا وأوريكي جبتلك إيه ...
سايا بحماس : اشطا .. يالا بينا ..
ذهبا إلي الداخل ليصعدا إلي غرفة مراد ..
التفت إياس إلي والدته متسائلا : هو فين بابا ؟؟!
فريدة : أبوك رجع متأخر امبارح وملحقش يرتاح فعشان كده طلع يريح شوية عقبال الغدا ...
مي : مراد هيقعد فين وأوضته متبهدلة ,...
نظرت فريدة إلي إياس بغضب ..
فتساءل الأخير : بتبصيلي كده ليه ؟؟
فريدة بضيق : عشان حضرتك مقولتش إنه جاى .. وأوضته محدش وضبها ..
إياس بتبرير : وأنا والله معرف غير لما شوفته في الشركة واتفاجئت بيه .
فريدة : عقابا ليك هينام في أوضتك أنت بقا .. وتركته وذهبت . تبعتها مي تاركة إياس مصدوما بعقاب لذنب لم يقترفه ..
صعد إياس إلي غرفته وجد سايا تجلس علي الفراش وتقلب في علبة ما
اقترب منها وتساءل : بتعملي إيه يا سايا ؟؟!
رفعت أنظارها إليه وهي تجيبه : دى هدية جابهالي خالو مراد معاه .. علبة ألوان مائية ...
أومأ برأسه : بقولك سيبي اللي في إيدك وانزلي عند جدتك تحت يالا ..
تساءلت : ليه ؟؟؟!!
إياس : كده وخلاص عايز أتكلم مع مراد شوية ......
سايا : يعني بتوزعني .. يبقي الكلام فيه بنات صح ؟؟!!
إياس بغضب : سايا .. قولت انزلي يعني انزلي ..
قامت سايا من علي الفراش وألقت إليه نظرة غاضبة ,,
خرج بعدها مراد من الحمام وتساءل عن سبب صراخه : مالك يا بني بتصرخ كده ليه ؟؟؟!
إياس : سيبك أنت وقولي ناوي تعمل إيه ؟؟!!
مراد : مفيش في دماغي حاجة دلوقتي غير إني أشوف شركة طيران أشتغل فيها بعد ما أجيب الشهادة بتاعتي ...
إياس : وأنت فاكر إنه كده هتنجح ..
مراد : وأنا من امتي بدور علي حاجة غير إني أحقق حلمي .
إياس : اسمع يا مراد .. أنت كنت عايز تدخل كلية الطيران ودخلتها دلوقتي بقا هتعمل اللي أقولك عليه ..
مراد بغضب : وأنت فاكر إني ممكن أنفذ اللي أنت عايزه
إياس ببرود : أنت مقدامكش غير احتمالين
مراد بعصبية : مهو أنا مش هخلص من تحكم أبوك تطلعلي أنت ..
إياس وهو يضع يديه في جيوبه : والله ده اللي عندي .. وأنت حر تختار .
مراد بضيق : وإيه هما بقا الاحتمالين ؟؟!
إياس : إنك هتشتغل في الطيران بس علي حساب الشركة فقط .. والتاني إنك هتشتغل بره بس بعدين متجيش تسألني علي قرش بعد كده ..
مراد بعصبية : مش عايز حاجة منك .. وهعمل اللي أنا عايزه .
ألقي إليه نظرة غامضة وتركه ورحل
ظل مراد يزفر بقوة ويضغط علي يده بقسوة حتى يكبح دموعه .
جلس علي الأرض واستند بظهره علي الفراش ظل يفكر مليا في مستقبله وما سيفعله بعد قراره ....