"حب من أول نظرة "
لطالما سمعنا هذه الجملة كثيرا وشاهدناها علي الشاشة أكثر
فهل تتحقق يوما ونراها علي الواقع
ربما ........ كل مكتوب وما علينا سوى التمني فقط والباقي علي مجيب دعوات القلوب قبل اللسان
وبالنهاية "قلبي لك "
اتجهت إبان مسرعة نحو الطاولة وبدون أي كلام جلست علي المقعد المجاور لفريدة والمقابل لإياس وبدون مقدمات أخذت طبق إياس وبدأت تأكل تحت نظرات فريدة وإياس المصدومة والتي ألجمت لسانهما لبعض الوقت
ازدرد إياس ريقه وأفاق من صدمته المؤقتة
إياس : أنتي مين ... وبتعلمي إيه؟؟؟؟!!
بلعت إبان ما بفمها : هو محدش علمك أن الكلام علي الأكل ممنوع ولا إيه
فغر فاه من الصدمة تحت نظرات أمه المتعجبة ومتسائلة عن هوية تلك الفتاة الدخيلة
بقيت فريدة و إياس صامتين تحت محاولات إياس للتحدث معها لتقاطعه هي كل مرة قائلة " ممنوع الكلام علي الأكل :
وأيضا حاول أن يأخذ طبقه منها تلك الشرهة الجالسة معهم حتى أنها ضربته علي يده مثل الأطفال "وكل من اللي قدامك بس مش تبص لطبق غيرك " في تلك المرة لم تستطع فريدة منع ابتسامتها علي منظر ابنها الذي يوحي بالغضب والحيرة معا ... كيف تجرؤ؟؟؟!
وبعد مدة انتهت إبان من طعامها بعد أن طلبت الحلوى " هي بتول بتعمل إيه ده كله في الحمام "..
إبان : الحمد لله .. بألف هنا علي قلبي
التفتت إلي فريدة قائلة : بصي يا حاجة من الأخر كده أنا مش هأتجوز ابنك ولو قعدت في البيت حتى .. أنا منفعش ست بيت ..أنا واحدة فاشلة لا بتعرف تطبخ ولا تغسل ... وحتى تربية الولاد أنا مش متربية أصلا عشان أربي حد ... وهي تشير إلي إياس : أما الاهتمام بالبتاع ابنك ده فأنا أصلا بلح وعلي رأي المثل "فاقد الشئ لا يعرفه " فأنا متدلعتش عشان أدلع . وعلي رأي اللي قال "الاهتمام مبيطلبش " فأنا منفعش لأي حاجة أصلا
اهتماماتي بقا افتح قوس يا معلم أشي " شوبينج ومانيكير وspa وممكن أسافر السخنة من غير ما أقولك ... ولو أنت جيت البيت مش لقتني فيه أوعي تتصل بيا عشان منزعلش من بعض صحابي يقولي عليا عيلة لا طبعا ميرضكش الكلام يتقال علي مراتك كده
عند ذكرها كلمة" مراتك" حاول أن يقاطعها لكن أمه هذه المرة هي من قاطعته ليتركها تكمل
إبان مكملة : ونيجي بقا للشبكة فأنا مش هأقبل أقل من ألماظ وخاتم سولتيير والشقة .أنا مش هأسكن في شقة أنا عايزة فيلا بحمام سباحة وأوعي تنسي الجنينة لازم تكون كبيرة وفيها ورد ... بالنسبة لشهر العسل ممكن نختار باريس أو لندن أو أسبانيا وهتبقي مفأجاة لو رحنا روما هيييييح حلووو
وأكملت وهي تعد علي أصابعها : إحنا كده قولنا الشبكة والشقة وشهر العسل .. نسيت الفرح يا أهبل ... الفرح هيكون علي النيل "في نفسها :عشان أرميك للقرش أنت وأمك " ... احم عايزاه حاجة كده تجنن
والمؤخر بقا مش معقول بعد ده كله هنكمل مع بعض هيبقي صعب متهيقألي فخليه خمسة ألاف جنيه بس مش بطال عموما
كده يبقي خلصنا اتفاقنا ؟؟؟!! إيه رأيك فيه
أمسك إياس بالطبق الفارغ الذي أنهته ليضربها ولكن دخول فتاة لتمسكها من يدها وتشدها وهي تقول بغضب : كل ده كنتي فين ساعة مستنياكي لحد م الناس مشيت أحرجتيني قدامهم ... وأنتي قاعدة هنا حضرتك مع دول
فغرت إبان فاها بصدمة واضحة : قصدك إيه بدول أنتي مش تعرفيهم
هزت كتفيها بنفي : لا طبعا أنا أول مرة أشوفهم
ابتلعت ريقها : يعني قصدك أن دول مش العريس وأمه
- أول مرة أشوفهم ... هو ده عريس أنتي جايباه
- - يا شيخه اتلهي في يومك
أنت تقرأ
قلبي لك الجزء الاول للكاتبه أميرة صلاح
Romanceجميع حقوق الملكية تخص الكاتبه أميرة صلاح الفيس بوك الخاص بالكاتبة : روايات بقلم أميرة صلاح
