سجن بلا اسوااار

ج٢٧

ست..ست ..مدام ..حبيبتي..
نغم: هاااا..
مرح تفوتين لمريضج..

نغم: شكلة متأذي هواي ..
الممرضة: اي والله ،ربي يكومة بالسلامة الج ..
نغم: رح يگوم بالسلامة يعني..ممكن..

ماكو شي بعيد عن رب العالمين..ادعيلة ربي يشافي ..
أن شاء الله..إن شاء الله..

بس انتي ليش واگفة هنا ليش مافتي وشفتي..

نغم: مسحت دموعي ..وجاوبتها:
لا ميحتاج..مااگدر...

اجة ممرض من نهاية الممر ..حجة ويا الممرضة يسألها عن اسمي لان اكو مرافقين لمريضة يگولون صعدت هنا..
بدون متسالني مشيت ...
الممرضة: ذولي وياج..
اشرتلهة اي..تلگتني شهلة..
ليش هيج نغم تسوين مو گتلج مرح تستفادين شي هو بغيبوبة..

نغم: اعرف..يلا نروح للبيت..

غالب: نغم ..انتي زينة..
اي .. الحمدلله..
مگدرت افوت للغرفة الموجود بيها عمار ..
ولاگدرت احجيلة الحاستة ..
جبنت ..وخفت اواجهة حتى وهو بغيبوبة ..
رجعت للبيت ..كان حزين وهادئ ..
استقبلني عمي ..وتحمدلي بالسلامة..
بالنهاية اني حامل بااحفادة..

نغم..تعالي ..اريدج.

حاضر عمي..جاية ..
مشيت بخطوات متعبة وداخلي شايلة وعندي فضول شلون عمي گدر ينطي وعد لعادل اتزوجة..

ابو طالب: تعالي بوية نغم ..فوتي...

شلونج ..شون صرتي..
زينة الحمدلله..مااگدر اگول غير هيج..

بنتي ..انتي بهالكم شهر صرتي بنتنا ..واللي يصيبج يصيبنا..والحمدلله الله نجاج انتي واولادج من هالحادثة والله يكتب لعمار يفرح بجهالة..
اني جنت ناوي أحجي وياج بعد الدورة مال سنة مال طالب..
بس صار الحادث ومحجيت ، بنتي اني دا اشوف انتي وعمار ممتفقين والبيت گاب من سوالف النسوان وعرايكهم احنا بيتنا مجان هيج..

نغم: قصدك عمي من جيت صارت المشاكل..
لابوية مو قصدي هيج ..القصد اني حملت ابني مسوولية مو كدهة هو ..
ومن حجيت ويا گالي اني وياها منتراهم ..وخليهة تروح لحال سبيلها ..
وبعد ماعرفنا بيج حامل ..
صرتي انتي ام اولادنا والنعم منج حافظتي ع وليداتج سولفولي الولد ..
بس يابنتي ..تعرفين شكد عزيزة انتي..
واهلج يريدون يردوج ..
وإني اعرف جكد تحبين الگاع ..
لهذا عااادل..

نغم: لحظة عمي..لحظة..
الحجي هذا صاحبة مو حاضر وإني حامل مايصير نحجي بالموضوع الا بوكتة ..
بس دام انفتح اني رح اگلك رأيي اني ماازوج ولامفكرة ازوج بعد عمار ..
اني لو ما جدي فلا اتزوج ورا طالب ..
بس طالب الله يرحمة جان رايد هالگاع تكبر ونسل بيت مسالم يزيد ويدير بالةعالگاع..

ومستحيل اقبل اطلع من ذمة عمار واروح لغيرة وهو يقرر بس يگوم بالسلامة....

واذا اكو رأي لازم انفذة ..فاني ماأبقى هنا لهذا گتلك..
تريد تگلة لعادل تريد اني اگله بكيفك..
بهالاثناء فات عادل ..استأذن وفات..