سجن بلا اسوااار

ج7

احيانا يرميك القدر في وسط المعركه...دون أن تعرف من
تحارب... ولماذا تحارب... وعلى من يجب أن تنتصر !...
اسوء انواع صراعتنا تلك التي نخوضها مع اقرب المقربين النا..
وفي هاي الحالة لانكدر نحاسبهم ولانحاكمهم ولايحقنا نقاصصهم بس يحقلهم ينتزعون حريتنا وكرامتنا كل هذا ينفذ تحت ستار العيب والدين..
ويغطي كل هذا خوف الناس..
اصبحت قريتنا مدينة مال موتي الكل عبارة عن دمى متحركة بيد رعد الكل خايف منة ومن جماعتة..
فجاة يسيطر الظلم ويضيع حق المظلوم.. بعد مقتل طالب دخلت بحالة هستيرية لساااعها صوت الطلقة بااذني لساتني اسمع صوتة وهو يكلي حبيبتي وياعمري..
طالب.. طالب.. وينك.. وينك لاتروح فدوة.. لاتعوفني مااكدر بلياك..
طاااااالب..
يااااقتلة.. ياقتلة.. ليش حابسيني.. ليش ماكتلتوني ويا.. كتلوني وخلصوني..

راح.. راح واكعد ابجي والطم ع رجلية لحد  مااتعب وانهد من البجي.. لحد ما َااختفى صوتي.. معاد اكدر احجي ولااصيح..
جابولي طبيب وكاللهم ودوهة أخصائي نفسي..
هي بوضع الصدمة..
كانو يحجون حوالية واني بعالم ثاني.. بعالم طالب.. ايام مكنت عصفورة مدلله بين ايديه..
هااا نغومة حبيبتي عجبتج هديتي...
يووو.. طالب.. جكد حلوة...
بس جنهة غالية..
الغالي يرخص الك ياحلو..
علكيها بهالركبة المرمر ولاتنزعيها ابد..
لساتها حلقتك باايدي ياطالب 4اشهر ممصدكة انت متت.. طبعا اهل طالب تبهذلو لما لكو جثتة بالطب العدلي..
وراهة اجو سالو عنة..
واهلي بكل برود نكرو وجودة او جيتة واهل طالب صدكو لان اخر مكالمة جان كايللهم اني بالطريق.. شب
شيعو واندفن تحت التراب.. بسبببي.. لساتها الكلمة تكتلني لهاي اللحظة مو كادرة ياربي شاانسى حتة انسى هو ملا حياتي بلهفة وحب واشتياق وبلحظة خطفو فرحتي... عذبوني.. ليتني متت ولا شفتك يابعد روحي ياطالب..
جان انت عايش ومتهني..
شجابك علية.. شجابك..

فردوس: نغم.. نغم.. حبيبتي... وين كاعدة كومي يلا.. كومي.. تعالي ارتاحي..

يلا عفية ببنيتي.. انتي تسمعيني.. تسمعين شدا اكول.. نغم.. حبيبتي وين نغومتي المشاكسة.. وين صوتج.. الي يصدح بالمكان..
يلا رجعي.. رجعي لحياتج.. هو مات.. بس انتي عايشة..
تعبت من هالكلمة تعبت اتمنى احد يكلي متي خلص رح ترتاحين..
دايما يكولولي عايشة وهم ميعرفون اني جسد مابي روح لو مو الَمغذي كان اني ميتة من زمان.. اني باقية بس نفس... فات سعد وسال فردوس باوع علية بطرف عينة..
سعد: هااا.. بعدهة.. مصارت زينة..
فردوس؛ شتريدون منها مو حتة العافيةزاعتها شتردون...
سعد: رعد  يومية يسال واني اكلة بعد.. احسن شي اكول رعد ياخذهة مثل ماهية لاتظل تنام ع گلوبنا منو ياخذها..
فردوس؛ انتو شنو.. شنو انتو.. نسيت هاي اختك ولك سعد شغيرك.. ولك ليش هيج..
سعد؛ فردوس.. بلا هذا الحجي البنية لازملهة ستر شنو ظلتها..
واني متاكد هي دتمثل عمود لاتتزوج رعد..
فردوس؛ دامك تعرف ليش تجبرهة عوفوهة بحالها.. عوفوها..
سعد: اخلي رعد يصحيها احسن.. هي من تشوفة يطلع صوتهة..
نغم: رعد.. مو بس قتل طالب وقتل فرحتي ويا قتل اخوية ويا صار الدم عندة مثل المي.. عينة گوت.. معاد ذاك السعد الحباب الفقير..
عزيز ومحمد ولد عمي رادو يعيشون بنص هاي الغابة وبعد ما موتو السمج العايشين منة ورعد صادر بحيراتهم.. سافرو سوريا لان مگدرو يتحملون العذاب هذا ومن انخطف محمد صار هذا المكان غير مؤهل عمود واحد يسكن بي..
اذكر اخر يوم اجة ودعني بي عزيز..
نغومة.. نغومة حبيبتي سمعيني.. سمعيني.. اني عزيز.. ابن عمج..
جانت اول مرة ابتسم.. يعني اذكرك..
عزيز: اي.. هااا.. هاي نغومة الاعرفهة.. نغومة اني رح اروح.. انتي لازم تگومين ع حيلج وصيرين قوية...
خليج قوية.. عمود الايام الجاية.. لاعبالج الظلم يستتمر يجي يوم مثل مااخذ الي قبل رح يجي الدور لرعد..
ولحد مايجي هذا اليوم لازم تكونين قوية.. مااااشي..
نغم: مسكت ايدة قوي.. گتلة اخذني وياك..
عزيز: والله لو اگدر اخذج جان اخذتج بس باوع حواليه..
فردوس: يلا عزيز اطلع شيخلصني من رعد وسعد.. فدوة..
عزيز: فردوس دير بالج عليها...
واني شعندي غيرها هي همي ومهمومي..
عزيز: انتي هم فردوس دير بالج ع روحج..