سجن بلا اسوااار

ج٢٤

الارض..اي نعم الارض ..الارض بالنسبة للبعض سلعة تنباع منو اكثر يدفع مو مهم شرح تكون وشرح تصفى المهم تستفاد ونخلص من هوسته. ودوخة مداراتها..
الارض للبعض..أم ماينفع بعد ماغذتنا وكبرتنا نتركها وهي خاوية ومريضة..
والبعض الارض عندة محطة شوكت ماضاگ علي الوقت سافر وتركها ،،

الارض للبعض سلوة نلعب ونكمز عليها وبالتالي ننسى ذكرياتنا القديمة اللي لمتنا وطبعت بدماغنا اجمل الذكريات..
ننساها ..وندور غير مرسى نحط رحالنا ونظل متنقلين لان فرطنا باارضنا وظلينا اغراب..

واكو ناس عدهم الارض عرض وميصير الانسان يفرط بعرضة والا يظل ذليل طول عمرة وبحياتة مايرفع ..

اكو ناس ماتت وهي دافع عن هاي الارض ..وناس لازالت دافع عنها وحطو حياتهم ع كفوفهم ..وبيهم الفقدو حياتهم عمود نعيش بعزة نگول عليهم اغبياء مو بعقلهم نظلمهم بكلامنا الجارح ونستهين بتضحياتهم عمود. هاي الارض تظل واگفة ع حيلها وتنقل من جيل لجيل وتكون مخضرة ومليانة رزق لااولادنا .. لكل شخص گالي عوفي الارض وحيري بروحج ..أو طلعي الحياة المرفهة باانتظارج شكرا لقلوبكم ..بس الارض عندي وطن وإني عمري ماافرط بوطني ..يكفي طالب مات وهو يدافع عن حبة وانتماءة الي وهذا اهم درس انطانيا..
نغم لطالب ..
عمري مرح انسى تضحيتك ولاانكث بعهدي الك..

تركني عمار مرمية عالارض وطلع ..مكان عقل براسة ..

عذرتة وگلت مو سهلة رجال يشوف مرتة بااحضان غيرة ويسكت بس الماعذرتة بيه انو ساواني ببنات الشوارع ..
وتركني وطلع ..
نسى كل كلمة كل وعد وعدهم الي...
جرحني , طعني ،اخذ كل شي حلو ويا ..
بس ضربتة قوتني ..
صار عندي إصرار اكمل المشروع بدأ يثمر ويبين جهودنا وتعبنة حاسة داخلي فرح هاي الارض جانت خاوية هسة الخضار تشوفة وانت بعد الف..
والمزرعة مال دواجن شكلها يشرح ..
جتي شهلة گومتني من الكاع ..
هذا شبي عمار شصار علي..

نغم:بس گوميني ..
كمت كعدت ع الجرباية وشهلة تسالني..
شبيكم ..مصدكت تصافيتو يمعودة..
اخذت نفس ..اشرتله. ناوشيني مي ..

انطتني ..ورجعت گعدت يمي ..
نغم ..شبي عمار وياج..
اروح اگول لاابوية علي ميصير هيج يعاملج انتي مرتة والبطنج ابنة شون يسخي بيكم..

نغم: جنت مهدودة حيل ماااعرف شأكول ..
تعبانة وحاسة روحي رح انطرد ..وعادل ورغباتة يريد يكوش عالحلال كلة..
وعمار چنة واحد مضروب ع راسة حتة اكل ويانا مدا يأكل ..
وأمة ..ميسأل عليهة..

نغم: شهلة..منو يم خالتي..
سمية ..گالت رح اگعد شوية ويا خالتي روحي ارتاحي..

وانتي شون تأمنين بيهة شهلة نسيتي شسوت بخالتي قبل ..
بس نغم ..عمار گال يدري ..

نغم: عمار شفهمة بكيد النسوان ..ولج سمية حاسني گلبي ظامة مصيبة جبيرة..
وخالتي اكو حجي مو گادرة تحجي..