سجن بلا اسوااار

ج٢٦

فتحت عيوني ..مغوشة ..فردوس فوگ راسي ..تذكرت السيارة الحادث صوت عمار ..
نغغغم ..حاوط باايدي جسمي ..
اجة صوت الطبيب ..نغم ..نغم ..دتسمعيني..
اشرتلة بصوت متعب..ايييي...
انتي تعرضتي لحادث خسرتي دم هواي..
لازم نسويلج عملية ليكون عندج كسور..

نغم: ابني..ابني..
مكان وياكم طفل بس انتي وزوجج مو ..
حطيت ايدي حيل توجعني ..ع بطني..

تفاجأ الدكتور..انتي حامل..حجة ويا اختي ..هي حامل ..
جاوبتة وهي تبجي ..اي دكتور حامل..

لا مستحيل ..لازم كورتاج .. ميبقى عايش ورا صار ..
المريضة نزفت هواي ...
وقع الطبيب وگال لااختي ..خل أحد من اهلها يوقع نفوتها عمليات وگال للممرضة شوفينة طبيبة نسائية تفوت ويانا..بسرعة..

حسيت رغم تعبي والمي صار كل الحيل بية..

نغم: لأ..ابني مميت عايش ..وخرو منا ماانزل ابني ماانزل..
الممرضة: خطية هاي بوضعية الصدمة ..
صيحي جلال خل يجي يضربها إبرة مهدئة..
بين مانحضرها للعمليات..
تعالي حبيبتي ..صاحت ع فردوس علمود تلزمني..
صحت عليهم اثنينهم دفعت فردوس والممرضة الي تريد تلزمني وجريت الكانيولا وركضت برة الردهة ..
ويركضون ورايا ..وصياح ...
وإني كل همي انقذ الروح بداخلي اني خسرت مرة ومرح اخسر مرة ثانية..

محسيت إلا انصدمت برجال ٥٠ أو اكبر...
گال شكو ..شنو السالفة ردهة لو صالة مال ركض..
لزموني وفردوس مستحية من الموقف السويتة ..
فردوس: ولج شسويتي بروحج ..ولج يااختي الله يعوض ..ليش هيج سوين بروحج..

نغم: صرت اصارع واگللهم انتظرو لاتكتلون ابني بعدة عايش اني حاسة بي والله عوفوني ..
جلال: هاا ..مخبلة احنا ناقصين تعاي جيبيها خ نشدلهة كانيولا ونضربها إبرة..

نغم: وخر ..ايدك عني لاتلزمني فهمت..
جلال: اسكتي ولج ..ترة لو مو حالتج اطردج برة المستشفى..

نغم: خلص اريد اطلع ماأبقى..
فردوس : ولج ايدج كلها مشگگة ومنعرف بعد شصاير بيج وتصيحين اطلع ..كعدي وسكتي..
كوة جروني وإني اصيح مااريد. ..مااريد سمعت صوت يصيح جلال.. اوگف..

جان هذا الرجال الجبير د. حيدر الحسني..

جلاااأاال..

اندار برهبة ..هااا دكتور..
اجة مشى بااتجاهنا ..ابجي من الوجع والألم ..
سألني شبيج بنتي...دتشوفين الحالة بيهة انتي ميصير هيج سوين بروحج..

انتي مريضة والحواليج هم مرضى..

شكيتلة بحسرة..
دكتور اني حامل ..ويريدون ينزلون ابني
وإني حاسة عايش مابي شي..

سأل الممرضة ع الحالة..

دكتور ..صارت حادثة ..وجابوهة هي وزوجها لهنا وايديهة متملخة اذا مصار عده. كسر د.غزوان كال دخلوها عمليات عمود نسويلها كورتاج..ونشوف اذا عدها كسور..