سجن بلا اسوااار

ج١٧

دائما أسأل روحي لحظات السعادة ليش تمر بسرعة .. مع اني مافرحت فرحة من گلبي ورا مامات طالب..

بس لحظات الي كنت اعيشهة ويا عمار تنطيني امل بمستقبل حلو مرسوم لااولادي والله مكنت افكر بشي الي..

لمن أفكر بيني وبين روحي ..هي امي شجانت تريد من الدنيا عدهة زوج يحبهة وكان يبديهة عالكل...
حتة جدي جان يدافع عنها لان هي غريبة وجديتي جانت علاقتها  قوية بجدي ..عدهة اولاد ليش فكرت تخرب كل هاي السعادة..بلحظة ضعف ممعقولة هي البدت لازم اكو بوادر أولية زلت رجلها بالوحل ولمن انكشفت دارتها ع شخص بريئ مالة علاقة بالقصة والغريب بالموضوع لمن أبوية سألها انتي ليش هيجي سويتي كالتلة مو هي هاي الي ردت تاخذهة علية يعني مشاعر غبية ومتناقضة غيرة وخيانة ..
محد سأل امي انتي ليش خنتي زوجج ..
اني اشعر بالخيانة كل ماسالني عمار انتي تحبيني..
ومااگدر اكذب علي ..ولااگدر أتقبل حبة الي ..
حاسة هواي بالنقص لمن سمية موجودة
آلهة الأولوية بأسمة واهتمامة واللي اخذة هو المتبقي أن وجد من عمار..

حتة بنجاحة هو جانت سمية هي المتفاخرة والمشجعة صح الكل يعرف منو وصل عمار لهالمكانة بس سمية هي الي تحجي بعلو الصوت وتگول بفضلي وفضلي..
والكل ساكت ..
وإني مو كادرة ..
جانت حفلة مال عرس ابن عمهم ..
وكلنا لازم نروح..لهذا قررت هالليلة تكون خاصة الي أهنئ روحي ومااهتم واتخيل طيف طالب هو المرافقني .
صار ٣اشهر ع اتفاقنا اني وعمار ..لو يعلن زواجي لو ميحصل مني شي ..
كلها يومين شب نار وبعدين انطفت شرارة حبة الي ولهفتة وسمية بعد ماصار بهالمكان گامت تتباهى وتهتم وتسوي اشياء مجانت تسويهة ابد..
وعمار.. فرحان وممهتم رغم  فرح لمن عرف انو الجاي ولد ..
وسمية مطمنة محد يگدر يطخها ..

خزنت وظليت افكر طول هاي الفترة شسوي..
وشهلة كانت وياي رفيقة رغم رفض امهة..
بيوم العرس ..طلبت من شهلة تمكيجلي ..
وشعري برمن ..وممحتاجة مكياج هواي..
لبست ثوب جويتي طويل واردان ..وبس تصميم حلو مغربي رغم حامل بس ماعندي لحد هسة بطن ومحد يصدگ اني حامل بشهر الرابع..

شهلة: الله شهالحلة لج طالعة من صدگ انكليزية..
نغم: صدگ..خل اشوف..
الله ..شحلاتي صدك عاشت ايدج حبيبتي..
شهلة:ولج الثوب بداعة عليج..
نغم: تسلميلي شهلة بس خاف ادمرة..

شهلة: مدمري ومن اليوم صار الج..
نغم: لا شهلة شكلة غالي ..
شهلة: هاي هدية من زوجج..
نغم: عمار جاب الثوب...مااصدك تواضع وتفرغ الي..
شهلة: هو كلي وإني اختاريتة الج ..
كولي هيج مو اعرف اني العندي متطلع منه..
شهلة: بس گليلي انتي هذا لسانج الطويل بيش متگوية بلة..ولج خطية اخواني المساكين...

من أيام طالب جان يحير شيحجيلي عن سواياتج..

نغم: گعدت.. ع سيرة طالب....
طالب جان يحجيلج عني شجان يحجي..

شهلة: نغغغم انتي بعدج تفكرين بطالب .ولج نغم..

نغم: سكتت..وانتبهت هاي مو فردوس هاي شهلة اخت عمار وإني مناقصة مشاكل..
بس گوة لازمة دمعتي لاتنزل..