قلوب مائله لعشق

قلوب مائله لعشق17/18

البارت السابع عشر.

ياسين: تخبلت من هيج كلتلي. يعني انتي ماعندج اعتراض?
براء: سويت نفسي خجلانه. من بعد رأيك ماكو رأي اذا انت تشوفه مناسب اليه انت اعرف بمصلحتي
ياسين: ليش طفله انتي مثلا حتى متعرفين مصلحتج.
براء: انت اعرف بهذا الولد. رجاءا لاتخجلني اكثر
ياسين: تحجي وياي وهي خجلانه مابقه دين براسي. هذه من كل عقلهه يعني ماتحبني ومالي مشاعر بكلبهه. تدرين انتي وحده ماعدهه احساس وكلبج صخر
براء: اني امثل عليه وهو دمه فاير كلش حبيت غيرته عليه وحبه اليه فاضحه. بس من كلي انتي ماعندج احساس ماعرف ليش ضجت.
ياسين: عفتهه ومشيت. رجعت كتلهه راح اخابره الولد اخلي باجر يجيب اهله ويجي وعفتهه ومشيت
براء: ياسين اوكف خلي افهمك ياسين صحت وراه مجاوبني. عزه اني شسويت😓. حاولت اتصل عليه تلفونه مغلق خاف صدك يخابر هذا الولد ويكله موافقين.
ياسين: طلعت من يمهه اني متخبل اول مره احب بحياتي لا شنو احب كول اعشق اني اعشقهه ماتخيل حياتي بدونهه. بس ماريد اصير اناني سعادتهه فوك كلشي اذا هي متحبني اني شنو بيدي اسوي. خابرت اياد
اياد: هاا يخوي بشر
ياسين: ضليت ساكت ماكدر حتى انطقهه
اياد: ياسين الووو تسمعني
ياسين: هاا اي اكلك الجماعه موافقين تكدر تجي باجر
اياد: الله يبشرك بلخير الك الحلاوه
ياسين: ماتحملت سديته بوجهه وغلقت التلفون. اني مادخن اشتريت باكيت جكاير مابقه عندي نص ساعه كمت اورث واشرب بدون وعي واحجي ويه روحي. براء راح تصيرين لغيري وذني عيونج راح يشوفن غيري وهم غيري راح يلمسج كله غيري غيري اوف يابراء دمرتيني كمت اسوق بسرعه واصيح برااااااااء.
براء: ضليت الليل كله مانمت بس ادك وهو مغلق اتخبلت كمت ابجي بدون وعي. ربي مروتك مبقالي غيره والله احبه ماعبالي راح ياخذهه بجدبه جنت اشاقه. بعدهه قررت ادزله رساله ومن يفتح التلفون يلكاهه بلكي يكدر ينقذ الموقف قبل فوات الاوان. اعترفتله بالرساله ان اني احبه وعجبني من اول مره شفته وجذبني وكتله بالرساله ان جنت اشاقه وردت اشوف غيرته عليه. صبح الصبح واني منايمه كمت غسلت ونزلت صادف جمعه وعطله لكيت براق وخالتي كاعدات. صباح الخير😔
ام ياسين. براق: صباح النور
ام ياسين: شبيج يمه ضايجه
براء: هاا لا مابيه شي. بس دايخه شويه
ام ياسين: تريكي يمه خاف ضغطج هابط
براق: اي خاف هابط راح اسويلج عصير حبي
براء: تسلمين عمري. ضليت كاعده وعيني ع الباب لا اكل ولا شرب حتى ريوك مقبلت اتريك بس عصير شربت شويه. وبس ادعي وخايفه.
براق: هذا يمكن تلفوني يدك
براء: كلبي طار بلكي هذا ياسين قره الرساله وحتى اطمئن عليه كلبي نار عليه. ضليت انتضرهه تنزل
براق: هذا ياسين يكول راح يجون ناس علينه العصر
براء: من كلتلي هيج وجهي صار اصفر كمت ابجي ماحسيت غير وكعت.
براق: ولج عزه براء شبيج جبتلهه مي اغسللهه
ام ياسين: ولج خابري اخوج خلي يجي بسرعه
براق: رحت ركض ادك عليه تلفونه مغلق اوف يربي شلون شسوي.
ياسين: صار نص الليل واني افتر بلسياره بعدين طبكتهه قريب ع المركز ونمت بيهه. كعدت الصبح فتحت تلفوني خابرت هم كتلهم اريد اجازه الوالده مريضه وبعدين خابرت ع براق كتلهه اكو ناس راح يجون علينه بس الاحساس الاني بي لا احسد عليه ان تزوج حبيبتك لواحد ثاني حيل صعب. بعدهه واني دا اغلقه اجتني رساله بس ملحكت انغلق التلفون عفته وره شويه صار عندي فضول هذه من منو الرساله رجعت فتحته شفت الرساله من براء......

البارت الثامن عشر.

ياسين: شفت الرساله من براء استغربت بسرعه فتحتهه وياريتني مافتحتهه تخبلت اني شسويت خرب. بسرعه شغلت السياره ورحت للبيت. طبيت من باب الصاله سمعت براق تبجي. شبيج تبجين
براق: وينك ياسين براء مدري شبيهه
ياسين: 😯شبيهه هي وين
براق: بلمطبخ😢
ياسين: رحت اركض. شلتهه بسرعه اخذتهه للمستشفى. وصلت خليتهه ع السديه الدكتور فحصهه. هاا دكتور شبيهه
الدكتور: السكر هابط راح انشدلهه مغذي ونضربهه ابره وتصير زينه لاتخاف
ياسين: مشكور دكتور
الدكتور: واجبي هذا
ياسين: حطولهه مغذي وضربوهه ابر كعدت يمهه. اوف يابراء تعبتيني حيل. هي هاي سوايه تسويهه الشقه مالتج جان ممكن يحرمج مني ويحرمني منج.
براء: فتحت عيوني شفت ياسين يمي. باوعتله كبل نزلن دموعي
ياسين: لخاطر الكعبه لاتبجين انتي ماتدرين ذني دموعج شيسون بيه.
براء: اني اسفه والله مو قصدي
ياسين: تقربت عليهه ولا يهمج. المهم طلعتي تحبيني
براء: 😊دنكت. اي حيل احبك والله
ياسين: اويلي ع الكعبه واني اعشقج. ماتتصورين شكد جنت منتظر هذه اللحظه. كمشت ايدهه بستهه يله خلي نرجع للبيت كافي دلع ورانه خطار راح يجون.
براء:😟 وين يجون
ياسين: يخطبوج غير اني بعد نطيتج الهم مو كلتي اهم شي رأيك
براء: ياسين والله لو اموت مازوج غيرك
ياسين: فديته اليحبني وميريد غيري. ولج من كل عقلج اخلي احد يتقربلج غيري.
براء. فديته حبيبي
ياسين: دك تلفوني. هاا براق
براق: ياسين امي تخبلت تكول براء شونهه
ياسين: لا صارت زينه شويه ونجي
براق: عليك الله صدك. هذه امي وياك
ياسين: هاا يمه شبيج والله مابيهه شي عدهه هبوط وهسه صارت زينه
ام ياسين: بعد كلبي طمنتني كلبي نار عليهه
ياسين: شويه ونجي لا يضل بالج. مع السلامه. امي طلعت تحبج اكثر مني
براء: ليش هو انت منو ميحبك
ياسين: خرب بعمي شنو هذا اللسان الي ينكط عسل.
براء: كافي ياسين خجلتني هواي. يله خلي نروح للبيت
ياسين: انتي تؤمرين يروحي.
براء: انطاني ايده وكومني وضل كامش ايدي ويمشي حيل خجلت احس الناس كلهه تباوعلي بس حيل حبيت هذا الاحساس حسيت نفسي ملكه وحسيت بفرحته معقوله هلكد جان يحبني ومادري. وصلنه للبيت سلمت ع خالتي وبراق وصعدت لغرفتي مددت ع الجربايه.
ياسين: خابرت اياد وكتله البنيه غيرت رأيهه متريد تتزوج. هو عصب شويه بعدين كتله هي قسمه ونصيب. طز بي شيسوي خلي يسوي. اهم شي حبيبتي اليه.
براء: كمت سبحت ولبست تراك اسود عفت شعري بي مي احبه يبقه هيج. خلي اروح لياسين اشتاقيتله. دكيت باب غرفته ماكو طبيت. هذا وينه
ياسين: طبيت سبحت طلعت لابس كيمونه وشورت شفت براء واكفه. هاا حبيبي
براء: شفته طلع من الحمام لابس شورت وكيمونه حيل خجلت درت وجهي. اسفه مادري بيك بلحمام. بعدين اجي اريد اطلع جرني
ياسين: وين رايحه جريتهه عليه صارت بحضني. حضنتهه حيل وبستهه من ركبتهه افيش شنو من ريحه تموت.
براء: استسلمت بحضنه مكدرت اسيطر اكثر من هيج فقدت السيطره ذبت بحضنه ونوب باسني من ركبتي كوه ضليت واكفه ع رجليه ورجع تقرب باسني من شفايفي وانفاسه قريبه مني اني تجاوبت وياه. جان اطب براق وشافتنه....