البارت الثالث.
ياسين: هاا سامر شونك
سامر: حبيبي صح النوم
ياسين: اي والله جنت تعبان كاعد من 5 الصبح
سامر: خلي اسويلك جاي يعدل راسك
ياسين: اي والله عاشت ايدك. لعد حسام وين صارلي هواي مشايفه
سامر: حسام تدري يداوم بالحشد ويتاخر ياله ينزل حتى احنه منشوفه. بلكي هلايام يجي. عدهم انذار
ياسين: هو عايش وياكم هنا
سامر: لا بيته بصفنه بس اني وابوي واختي عايشين هنا
ياسين: اهاا ربي يديم هلمه الحلوه. من كلي اختي مادري بس رتاحيت جنت شاك بيهه مرة اخو.
سامر: لعد انت ليش لسه مازوجت شمنتظر
ياسين: انت تعرف شغلنه متعب واكثر وقتي بالدوام وين الكه وقت للمره والزواج. وبعدين اتزوج انت وبعدهه اني ازوج ههههه
سامر: اني طريقي طويل يخوي ههههه
ياسين: اني عندي شغل راح اروح انشالله ماتاخر
سامر: حبيبي ع راحتك هذا بيتك.
ياسين: بعد كلبي. خلي اصعد ابدل من رخصتك
سامر: غالي وغالي ع راحتك
ياسين: صعدت لغرفه لا ارادي باوعت ع غرفتهه تذكرت عيونهه وملامحه حيل حلوه وناعمه ابتسمت وطبيت للغرفه بدلت لبست عسكري واشتميت العطر الي بالغرفه اخذت نفس قوي كأن اريد اشبع انفاسي من هذا العطر طلعت من الغرفه هم باوعت لغرفتهه ونزلت سلمت ع سامر وطلعت رحت للمركز عندي شغل.
سامر: كاعد اراجع اوراق قضيه عندي المغرب جان يدك تلفوني عمي ضاربته جلطه وبلمستشفى كبل اخذت ابوي ورحناله.
براء: عبر المغرب واني اختنكت من كعدة الغرفه ومن القرايه فتحت باب غرفتي ع كيف ودا انزل ع كيفي واتلفت اخاف يطلع هذا الولد نزلت رحت للمطبخ البيت صنطه صحت سامر ماكو بابا هم ماكو ذوله وين راحو. احتمال سامر طلع ويه هذا الولد وابويه خاف راح للجامع يصلي مرات يروح. خلي اصعد لغرفة الخطار هم ازعلهه وهم اشوف شنو بيهه. طبعا ماعرف بس اكو شعور سيطر عليه وكلي اصعدي. صعدت فتحت الباب ع كيفي شتميت عطري لسه موجود بالغرفه باوعت ع غراضه مرتبات ومبين عليه شخص نظامي لان كل شغله ابمكانهه. دا احجي بصوت عالي واكول. هذا شلون متحمل نفسه حيل يخوف بمجرد ماشوفه اكوم ارجف اوف. التفت اريد اطلع جان اشوفه واكف ومنتجي ع الباب ومبين عليه سمع كل الكلام بس ماكو اي ردة فعل ع وجهه. بس حسيت من الخوف رجليني ماحاملاتني.
ياسين: خلصت شغلي ورجعت للبيت طبيت صحت سامر ماكو احد كلت احتمال طالعين صعدت للغرفه لكيت الباب مفتوح ع النص شفتهه واكفه بالغرفه ودا تحجي ويه نفسهه اني مخليتهه تحس بوجودي وعفتهه ع راحتهه بس من شافتني بين عليهه الخوف وضلت مرتبكه وعيونهه دمعن جنت ناوي اخوفهه اكثر بس من شفتهه دمعت تراجعت. انتي شسوين هنا
براء: هاا😯 اني بس ردت انظف الغرفه. احجي واني مرتبكه وكلامي متقطع من الخوف ولا عبالك هو ابيتنه
ياسين: بس ماعتقد هي محتاجه تنظيف
براء: اي ممحتاجه راح انزل جوه. فتت من يمه واني مدنكه وجسمي وكلبي كلشي بيه يرجف.
ياسين: لحظه اشو ماكو احد بالبيت سامر او ابوج وينهم
براء: من كلي لحظه جمدت بمكاني هو واكف بالباب واني اريد اطلع من الباب صرت قريبه منه. مادري طلعت من غرفتي ملكيت احد بالبيت
ياسين: صارت قريبه مني شتميت عطرهه نفس العطر الي بالغرفه اوف يموت. تحجي بخوف وبنفس الوقت بهدوء وبهمس دوختني بخجلهه وهدوءهه. انتي شنو اسمج
براء: اسمي براء
ياسين: امممم ماتحملت قربهه كتلهه تكدرين تروحين
براء: من كلي تكدرين تروحين عبالك اطلق سراحي نزلت ركض ليجوه. كعدت بالمطبخ وكوه اخذ نفسي شربت مي وكلت خلي اسوي عشه. بس تفكيري كله يمه اشتغل واتذكر عيونه ونظراته وكلامه.
البارت الرابع.
ياسين: نزلت جوه واني طبيت للغرفه وسديت الباب وكعدت ع الجربايه غمضت عيوني وافكر بكل تفصيل بيهه صحيت ع نفسي. هاي شبيك من كل عقلك تفكر هيج وحده زعطوطه هيج تسوي بيك. خلص طلعهه من راسك. بدلت ونزلت جوه باوعتلهه لابسه صدريه مال مطبخ فوك التراك وشايله شعرهه ونازل منا ومنا ع وجهه مزيدهه جمال وانوثه ضليت بس صافن عليهه وهي تشتغل وماتدري بيه. احم احنه شكله مو كلنه شيلهه من بالك. انتي شدا تسوين
براء: هاا دا اسوي عشه😮
ياسين: اوك مراح ازعجج
براء: اف فوك مابيتنه فوك مادا يتصرف وماخذ راحته.
سامر: رحنه لعمي صايره بي جلطه وحالته تعبانه ماقبلو نشوفه لان بالانعاش وكرايبنه كلهه هناك ولتهيت فجاه اجه ع بالي ياسين. شلون نسيته شكد عيب خلي اخابره. هاا ياسين اعذرني يخوي عفتك
ياسين: صافن عليهه وهي تشتغل ومرتبكه جان يدك تلفوني باوعتله هذا سامر جاوبته. هلا بالضلع لا حبيبي ماكو مشكله بس صاير شي ضل بالي
سامر: اي والله عمي ضربته جلطه ورحنه نشوفه تعبان حيل
ياسين: حمدلله ع سلامته حبيبي. لاتحط ابالك عادي اروح اكعد بفندق
سامر: لا والله ماصارت هذا بيتك احنه نطلع وانت تكعد.
ياسين: بعد كلبي الضلع
سامر: احنه مانبات ساعه او ساعتين وراجعين اخذ راحتك
ياسين: ماشي حبيبي اذا تحتاجني اجيك
سامر: ماتقصر يخوي صاحب واجب. مع السلامه
ياسين: الله وياك. سديته من سامر رفعت راسي باوعتلهه شفته صافنه عليه وتبجي. شفت دموعهه حسيت نار اشتعلت بكلبي. ليش تبجين😮?
براء: سمعته يحجي ويه سامر بس كام يكول عنده العافيه وبعد حجي كلبي نقبض كلت اكيد هذا عمي لان ندري بي تعبان حيل مكدرت اسيطر ع نفسي كمت ابجي. كتله هذا عمو راح يموت مو وكمت ابجي واشهك. هذا عمي مقرب علينه حيل
ياسين: مابي شي صار زين هسه حجيت ويه سامر تقربت عليهه لاتبجين كافي ماتحملت اشوفه تبجي خدودهه وخشمهه صارن حمر من البجي. مديت ايدي ع وجهه اريد امسح دموعهه جان تبتعد مثل الخافت باوعتلهه متفاجأ من ردة فعلهه عفتهه وصعدت لغرفتي. ضليت افكر انت شكاعد تسوي انت بحياتك مالفتت نتباهك بنيه شمعنه هذه هيج خربطت كيانك ودا تتصرف وياهه كأن مو انت شنو المميز بيهه انت شفت احلى منهه وماعبرتهن اوف ضليت فوك النص ساعه افكر جان اسمع باب الغرفه اندك.
براء: شفته تقرب عليه ضربات كلبي زادت بس ضليت مدنكه ومرفعت راسي حسيته مد ايده لوجهي باوعتله كبل بتعدت وخفت لا يسوي شي اكبر. شفت بعيونه علامات ستفهام بسبب ردة فعلي محجه اي شي عافي وصعد للغرفه. اف وفوكاهه متفاجأ من ردة فعلي ع اساس يوميه نايمه بحضنه عشتووو😏. دك تلفوني هذا سامر. هاا سامر وينكم لسه
سامر: هلو اكلج هذا عمي ضاربته جلطه
براء: عزه وهسه شونه. سويت نفسي مادري
سامر: ماندري حالته لسه مامستقره. اكلج انتي باتي بيت حسام خاف نتاخر.
براء: اوك . ميصير نبقه اني وصديقك نفس البيت شنعرف عنه
سامر: لا تمسلتين هذا صديق العمر واني واثق منه لو ع كص ركبته مايتقربلج. بس علمودج حتى متبقين كاعده بوحدج
براء: 😒 ماشي اكو اوامر ثانيه
سامر: وسوي عشه لياسين قبل متروحين لبيت منذر فشله يبقه بدون اكل
براء: امممم اسمه ياسين بكلبي كلت. اوك. عود طمني
سامر: اوك مع السلامه
براء: بتسمت لا ارادي كملت العشه وصعدته لياسين. دكيت الباب.....
وللحكايه بقايه😉
توقعاتكم عمها شنو حيصير بي وهي شنو حيصير
أنت تقرأ
قلوب مائله لعشق
Romance🔞🔞🔞 القصه شويه جريئه 🔞🔞🔞🔞 #قلوب_مائله_للعشق اني براء عمري21 سنه ادرس سادس علمي خارجي من بابل مواصفاتي حنطاويه ع بياض وعيوني خضر واكبار شعري واصل لنص ضهري مجعد او اني سويته مجعد لان حلو عليه لونه اسود مامحجبه طولي 159 ووزني 55 جسمي رشيق واحيان...
