قلوب مائله لعشق

قلوب♥ مائله لعشق لبارت لثاني

البارت الثاني.

براء: كمت سويت تشريب ومقبلات وحضرت الغده ورحت نظفت غرفة الخطار ورشيتهه من عطري مادري ليش هيج سويت اعتبروهه خباثه هههههه نزلت اجه سامر. هاا هلو
سامر: اكلج صبي غده تره كاتلنه الجوع
براء: ماشي راح اصبلكم انتو وابويه سوه تغدو
سامر: ماشي اصلا ابوي كاعد يمنه بالصاله
براء: ماشي. صبيت غده واجه سامر كام ينقل الاكل للميز الي بالصاله. كملت حطيت الجاي ع نار هادئه وكعدت اتغده. بعدهه اجه سامر جاب الماعين واخذ الجاي. غسلتهن وصعدت لغرفتي مددت ع جربايتي وكمت اكلب بتلفوني. خلي اروح اسبح وانام تعبانه. كمت سبحت لابسه اتراك وردي رياضي وشعري فاتحته وينكط مي ماحب اخلي منشفه ع راسي ودا اطلع من الحمام جان يلاكيني هذا الولد بوجهي جان اتصادمنه الا شويه. ضليت صافنه بوجه من الصدمه وهو هم ضل صافن بوجهي. اني كبل ركضت لغرفتي وسديت الباب بس جسمي كله يرجف ومرتبكه كعدت ع جربايتي واحس نفسي دايخه واتذكر عيونه يخوفن غمضت من الخوف ونمت.
اعرفكم اني ياسين عمري 32 سنه اني ضابط بلقسم الجنائي مواصفاتي طولي 185 ووزني 79 اني جسمي ضخم ورياضي بس مو كلش حتى طوبه العب عيوني جوزي وعندي لحيه خفيفه وشعري اسود اني اداوم بغداد بس جانت عدنه قضيه واجيت للحله فجنت بالمحكمه والتقيت بصديق الدراسه سامر بالصدفه جنه ندرس سوه قانون بس اني رحت كليه عسكريه وهو صار محامي فأصر اروح وياه للبيت وابات يمه اصلا بكل الاحوال لازم ابات بفندق لان يرادلي 3 ايام ياله يخلص شغلي بالحله فأجت عدله. رحت وياه للبيت اتغديت يمهم بس جان الاكل كلش طيب بعدهه دلاني سامر ع غرفه الي انام بيهه بلطابق الثاني لان حس بيه تعبان. فطبيت للغرفه اشتميت بيهه عطر يخبل صطرني ضليت كاعد بالغرفه شويه اشتم بي حيل عجبني بعدهه كلت خلي اسبح طلعت ملابسي ورحت للحمام لان سامر دلاني بي. هستوني وصلت للحمام جان تطلع منه بنيه تخبل شايله عيون يموتن وشعرهه كله مي وجسمهه يموت  ضليت تباوعلي وخايفه ومرتبكه وبعدهه ركضت طبت لغرفتهه. ضل ابالي هذه منو معقوله اخت سامر خاف مرت اخو لان ادري عنده اخو مزوج. طبيت سبحت وطلعت رحت لغرفتي كعدت ادخن بعدين اتذكرت خفت العطر يروح من الجكاير فطفيتهه ونمت.
براء: كعدت وره ساعه من النوم طلعت من غرفتي ع كيفي خفت اشوف هذا الولد نزلت جوه شفت سامر دا يلعب بتلفونه. هاا سامر هذا صديقك راح. اني ادري بي مراح بس تمنيت يكون رايح
سامر: لا فوك نايم باقي يمنه يومين لو تلاثه عنده شغل
براء: اوف يربي هواي. هو هم محامي
سامر: لا ضابط
براء: يحجي وياي ويلعب بتلفونه.
سامر: وبعدين انتي شعليج شكو تسألين.
براء: العفو عيني ازعجناك😏. رجعت صعدت لغرفتي ضليت اقره سمعت صوت باب انفتح عرفته هذا صديق سامر فتحت باب غرفتي ع كيف باوعتله لابس اتراك جوزي بس حيل حلو عليه دا اباوعله جان يلتفت عليه وباوعلي نظره جفلت من وراهه وكبل سديت الباب. اوف يربي شنو هذا الرعب حتى اخاف انزل جوه ضليت متمدده ع الجربايه وافكر بعيونه بمجرد مافكر بيهن اخاف الله يساعد المجرمين الي يصيرون جوه ايده.
ياسين: كعدت من النوم لبست تراك وفتحت الباب اريد انزل جوه يم سامر سمعت حركه وراي يمكن باب نفتحت عرفت هذا صوت جاي من غرفة هذه البنيه بس سويت نفسي مادري بعدهه فجأه التفتت عليهه وخزرتهه هي كبل خافت وسدت الباب ابتسمت لا ارادي ع تصرفهه نزلت جوه لكيت سامر كاعد.....

وللحكايه بقايه😉