البارت الثالث عشر.
ياسين: ماشي. يله كومي براء
براء: من رخصتج خاله
ام ياسين: غاليه حبيبتي
ياسين: اني راح اشوف براق حتى ادليج بغرفتج واني اصعد الجنط مالتج
براء: اني اصعدهن وياك
ياسين: هاي شنو وين تكدرين تشيليهن. انتظريني ثواني. براق وينج براااق
براق: هاا ياسين اني بالمطبخ
ياسين: روحي دلي براء بغرفتهه ولاتضلين تحجين حجي زايد تره ماتدري بمشاعري اتجاهه
براق: يااااا واني جفصت بيهه قبل شويه
ياسين: شنو الجديد انتي ع طول اتجفصين
براق: عابت والله زعلت
ياسين: هههههه يله روحي ساعديهه خطيه
براق: ماشي. رحت لكيتهه واكفه يم الدرج. يله بروءه ادليج بغرفتج
براء: ماشي شكرا راح اتعبج
براق: ياتعب يمعوده اني فرحانه بجيتج راح تصير اليه اخت واخيرا
براء: انشالله اكون عد حس ضنج
براق: تحجي بهدوء وبرود بدون لا ضحك ولا حتى ابتسامه حيل انقهرت عليهه الله يصبرهه مو هين فقدان الاهل.
براء: دلتني براق بغرفتي ونزلت وياسين جابلي غراضي. طبيت سبحت وبدلت لبست تراك اسود وضفرت شعري ع صفح ونزلت.
ياسين: اجت براء من اشوفهه حيل ارتاح اوف لو تدرين بمحبتج بكلبي. يله براق هاي اجت براء خلي نتغده
براء: اسفه خليتكم نتظرون
ام ياسين: يا حبيبتي مستعدين نتظرج لليل.
براء: تسلمين خاله. تغدينه وصعدت لغرفتي اني وبراق رتبنه. ملابسي وغراضي بس ماجبت ملابس الوان وياي ابد
براق: بروءه انتي هم درسين
براء: تركت الدراسه بس جنت مقدمه خارجي ووره وفاة اهلي حركت كل الكتب ماريد ادرس بعد
براق: هيج غلط الحياة متوكف لازم تمشي حتى اهلج يرتاحون بكبرهم لاتعذبيهم همه هسه يحسون بيج واحتمال يشوفوج وانتي دا تأذيهم حرام والله حرام
براء: الله كريم.
براق: اني حروح حتى تنامين وترتاحين
براء: يسلمو براق لان ساعدتيني
براق: ولوو احنه خوات. باي
براء: مر ع جيتي لبغداد شهرين اني وياهم بالبيت حيل مرتاحه ام ياسين تعاملني مثل بنتهه حسيت بحنان الام بعد ماجنت فاقدته من سنين. وياسين مرات اشوفه ومرات بالدوام فعلا ثبتلي ان هو رجل بمعنى الكلمه قدملي اشياء ممكن اقرب الناس اليه ميقدمهن حيل كبر بعيني واخذني للمقبره شفت اهلي بالاربعين رحنه كلنه لان همه هم زارو والدهم. وبراق حسيتهه حيل قريبه مني واني دا احاول بناء نفسي من جديد.
ياسين: براء صارلهه شهرين ويانه بالبيت مثل النسمه هادئه واسلوبهه حيل حلو ويه امي وبراق اني احاول مالتقي بيهه واحاول ماتواجد هواي بالبيت حتى تاخذ راحتهه بس
حيل اشتاقلهه مرات من اسمع صوتهه لو بالمطبخ او بالصاله بلبوكه اطلع من غرفتي واضل اباوعلهه بدون متدري حيل حبيتهه واحب كلشي بيهه شلون احسسج بحبي يابراء.
براق: براء براء وينج.
براء: هاا تعالي اني بالمطبخ
براق: خابرني ياسين عازمنه ع العشه اني وياج وكلي منروح اذا انتي مو ويانه
براء: صدك ياريت اني ضايجه.
براق: لعد يله هسه ع جيه حتى نلحك نبدل.
براء: اوك يله. سبحت وبدلت وحطيت مكياج خفيف وفتحت شعري وخليته صفح ونزلت لكيته جوه من شفته حسيت نفسي مشتاقتله حيل يمكن جان الحزن غالب عليه فمانتبهت عليه بس هيبته وشخصيته تسوه الدنيه.
ياسين: نزلت ضليت صافن عليهه ماكدر اوخر عيوني عنهه اول مره اشوفهه حاطه مكياج باوعتلي وبتسمت. كلبي كام يركص ابتسامه هيج سوت بيه لعد لو تكلي احبك شيصير بيه.
براء: هاا ياسين لعد وين براق
ياسين: هاا مادري هسه تجي. براء
براء: نعم
ياسين: طالعه حيل حلوه.....
البارت الرابع عشر.
براء: حيل خجلت دنكت من كلي هيج. شكرا من ذوقك.
ياسين: اصلا سويت هذه الطلعه على مودهه حتى تغير جو وبلكي تحس بيه كلبي خلص
براق: يله اني خلصت
ياسين: بعد وكت كل هذا تبدلين وفوكاهه جهرتج نفسهه
براق: هاي عليه احلى من خشمك
براء: لا ياسين براق حلوه
ياسين: ههههه يله امشو تاخرنه. طلعنه رحنه تعشينه وبعدهه اخذتهن لمول الحارثيه افترينه وبراق اشترت ملابس وشغلات بس براء ابد مشترت ولا طلبت شي. براء معقوله ماكو شي عجبج
براء: لا مامحتاجه شي شكرا. اني عندي فلوس بس ستحيت اشتري شي واكيد مراح يقبل اني ادفع رغم اني محتاجه هواي شغلات وملابس.
ياسين: والله ازعل اذا ماشتريتي شي اشتري حالج حال براق ولو هي كعدتني ع الحديده ههههه
براق: ياسين شبيك وياي اليوم تره ارجعهن وربي
ياسين: فنج ترجعيهن غير تموتين.
براء: ياسين خطيه لتضوجهه
ياسين: مو تؤمرين خلص بعد ماحجي.
براء: يربي شبي هذا اليوم بس يخجل بيه.
ياسين: دا نفتر وجان اشوف ثوب حيل حلو طويل ولونه اسود حيل عجبني. براء
براء: هاا ياسين
ياسين: تعالي شوفي هذا الثوب يخبل
براء: اي حيل حلو
ياسين: تعالي اخذي
براء: لا ماريد شكرا
ياسين: ولا كلمه تعالن وراي
براق: ولج حيل حلو هذا الثوب اخذي
براء: خاف غالي وعيب
براق: ميغله عليج حبيبتي يله تعالي
براء: طبيت للمحل خجلانه فعلا الثوب حيل حلو. وطبعا اصر ناخذه. ومحبيت اخجله.
ياسين: دا نمشي نريد نطلع لاكاني واحد من جماعتي وياي بالدوام.
اياد: هلو ياسين شونك
ياسين: شوني يعني تره قبل شويه جنت وياك بالدوام
اياد: اكلك هذه منو الحلوه ام عيون الي وياك
ياسين: من كلي هيج فار دمي عرفته قصده ع براء. انت شبيك تخبلت
اياد: لاتفهمني غلط اريد اتقدملهه
ياسين: وانت شعرفت منهه حتى تتقدملهه حضرتك.
اياد: شبيك يمعود عصبت ما دام من معارفك اني واثق من اخلاقهه
ياسين: روح اياد بعدين نحجي بلموضوع. عفته ومشيت وصحت بيهن يله فضنهه متمشن
براق: عزه هذا شبي انكلب هيج
براء: اول مره اشوفه هيج عصبي
براق: مادري يله امشي بسرعه
ياسين: رجعنه للبيت
بس روحي طافره ومخنوك خاف هذا صدك يجي يتقدملهه وهي توافق.
براق: اني حصعد انام. تصبحون ع خير
براء. ياسين: وانتي من اهلو
براء: محجه اي شي عافني وصعد لغرفته حسيته حيل ضايج. معقوله اني احبه لياسين وليش لحتى ماحبه اشو كلشي بي ينحب ماعرف شسوي اني ضايعه اوف. صعدت وراه رحت لغرفتي بدلت وضليت اتكلب ماكدرت انام طلعت من غرفتي رجليه ودتني لغرفته
فتحت باب الغرفه ع كيف لكيته نايم واني حسب معرفت من براق نومه ثكيل. تقربت عليه ضليت اباوع لملامحه ومن هو نايم عبالك غير واحد ياريت لو ياخذني بحضنه محتاجه حيل هلشي بعدهه طلعت من الغرفه رجعت لغرفتي ونمت.
ياسين: كعدت الصبح تريكت اني وبراق بس براء ماكو هي تكعد ويانه بالعاده. اكلج براق اشو براء ماكو اليوم
براق: مادري عوفهه نايمه جوز عاجبهه تبقه نايمه.
ياسين: اوك. بس كلبي مامرتاح. تريكت وصعدت لغرفتهه دكيت الباب ماكو طبيت ع كيفي هي نايمه تقربت عليهه رتاحيت من شفتهه مابيهه شي اريد اطلع سمعتهه تون تقربت عليهه حطيت ايدي ع كصتهه مصخنه مشتعله نار تخبلت.....
توقعاتكم شنو حيصير
CITEȘTI
قلوب مائله لعشق
Dragoste🔞🔞🔞 القصه شويه جريئه 🔞🔞🔞🔞 #قلوب_مائله_للعشق اني براء عمري21 سنه ادرس سادس علمي خارجي من بابل مواصفاتي حنطاويه ع بياض وعيوني خضر واكبار شعري واصل لنص ضهري مجعد او اني سويته مجعد لان حلو عليه لونه اسود مامحجبه طولي 159 ووزني 55 جسمي رشيق واحيان...
