البارت الخامس عشر.
ياسين: من شفتهه مصخنه تخبلت رحت اريد اصيح براق لكيتهه رايحه للدوام جبت طاسه بيهه مي وخاولي صغير وكمت اسويلهه كمادات وانطيتهه دوه خافض حراره عدنه بلثلاجه بس هي كامت ترجف ماضل عقل براسي من الخوف تقربت عليهه كعدت بصفهه اريد اخذهه للمستشفى. وهي نايمه تقربت عليه ودفنت راسهه بصدري ومكمشه بيه اويلي شنو من احساس بحيث حتى اني صخنت ضليت جامد بمكاني قربهه مني يوترني حيل وره شويه حسيتهه عركت وشويه نخفضت حرارتهه بس اني ضليت قريب عليهه مابدي اعوفهه بس كلبي احسه يريد يطلع من مكانه حساس صعب اوصفه ضليت ماخذهه بحضني.
براء: قبل مانام حسيت بلاعيمي توجعني ماهتميت ونمت حسيت وجه الصبح ماكدر اشيل جسمي من الفراش ضليت نايمه حسيت اكو احد تقرب مني عرفته هذا ياسين من ريحته وجنت بردانه تقربت عليه وحضنته سمعت دكات كلبه وحسيت بخوفه عليه حسيت حضنه خدرني ضليت اشم بعطره ونمت. وره شويه حسيت نفسي احسن رفعت راسي باوعتله هو باوعلي وبتسم. كتله ياسين
ياسين: عيون ياسين
براء: اني احبك
ياسين: من كلتلي احبك احس نفسي تخربطت ولساني انربط فاجئتني ضليت صافن عليهه بس فرحتي متنوصف.
براء: ضل يباوعلي اني رجعت دفنت راسي بحضنه ورجعت نمت.
ياسين: رجعت حضنتي وغمضت. صحت ع كيفي براء براء. خرب نامت. اويلي طلعت تحبني. ضليت اشم بعطرهه وباوعلهه. والله الا اخليج اسعد انسانه بالدنيه بس عوفيلي نفسج. خليت ايدي ع كصتهه حرارتهه نزلت. سحبت نفسي منهه ع كيف وغطيتهه وكمت باوعت للساعه ب10 خابرت جماعتي اخذت اجازه رحت للغرفه بدلت ملابسي وضليت امدد ع الجربايه وافكر بعيونهه الذبلانه من كلتلي احبك اوف راح اموت من التفكير. خلي انزل اشوف امي لان اذا اضل افكر هيج اتخبل. نزلت لكيت امي بالمطبخ. هاا يمه
ام ياسين: بسم اللة الرحمن الرحيم انت مامداوم اليوم
ياسين: هههههه شنو شايفه جني
ام ياسين: يمه عبالي بالدوام فاجأتني. وبروءه اليوم لسه ماكعدت وماكدر اصعدلهه وام حسن ماجت اليوم عدهه ضرف
ياسين: براء مريضه اليوم عوفيهه نايمه
ام ياسين: ياااا عزه شبيهه يمه اخذهه للطبيب
ياسين: لا صارت احسن انطيتهه دوه وسويتلهه كمادات انخفضت حرارتهه ونامت.
ام ياسين: زين شبي وجهك يضحك اليوم
ياسين: هاا لا عادي
ام ياسين: تحبهه مو
ياسين: هاا اني راح اروح اصعد لغرفتي عندي شغل.
ام ياسين: يمه اتمنى اتصير من نصيبك خوش بنيه وتنحط بلكلب
ياسين: باوعتلهه وضحكت الله كريم يمه ادعيلي
ام ياسين: ربي يجعلهه من نصيبك.
ياسين: صعدت لغرفتي ضليت مدد والعب بتلفوني.
براء: كعدت باوعت الساعه ب11 ونص. عزه اتاخرت شفت نفسي عركانه طبيت سبحت وطلعت لبست دشداشه قصيره سوده وشعري نشفته وسويته باف ونزلت خصل منا ومنا ونزلت. هلو خاله شونج
ام ياسين: هلا يمه شون صرتي
براء: لا صرت احسن
ام ياسين: اذا تحسين نفسج بعدج مريضه خلي ياسين ياخذج للطبيب.
براء: لا خاله والله صرت زينه تسلمين.
ياسين: خلي اروح اطمئن ع براء رحت فتحت باب عرفتهه ع كيفي مالكيتهه نزلت جوه لكيتهه كاعده يم امي فدوه للخلقج جنج العافيه. هاا براء شون صرتي
براء: لا صرت احسن شكرا. حيل خجلانه منه كوه اباوعله من الخجل. خلي اكوم اسوي غده
ياسين: لا انتي مريضه راح اروح اجيب غده من بره ابقي مرتاحه.
براء: يمه فدوه يدلل بيه. من رحتلك فدوات. اوك بس خلي ننتظر براق
ياسين. ام ياسين: ماشي.
براء: بله اذا حجه وياي وكلي كتيلي احبك شنو راح اسوي اوف يافشلة الفشله بله هسه شسوي. امممممم 😕خلي افكر. اي لكيت خوش فكره......
البارت السادس عشر:
براء: احسن شي كلما يحاول يتقرب مني اشوفلي حجه واطفر هههههه اوف ماكو غير حل.
ياسين: رحت جبت غده واجيت طبيت للمطبخ لكيتهه كاعده تلعب بتلفونهه. احم احم
براء: هاا ياسين😮
ياسين: هذا الغده
براء: يسلمو. اخذته منه واني كلبي يدك ع السريع وكوه امشي.
ياسين: براء
براء: لتفتت عليه. هاا
ياسين: تقربت عليهه وخليت ايدي ع كصتهه. خو مامصخنه لسه
براء: 😮هاا لا صرت احسن
ياسين: يعني العلاج الي انطيتجياه فادج
براء: ياعلاج?
ياسين: من صخنتي الصبح نطيتج علاج
براء: ماتذكر يمكن من تأثير الصخونه. سويت نفسي مادري
ياسين: صفنت عليهه. خرب عمي هاي صدك تحجي بس لا تطلع ماتتذكر من كالتلي احبك. يعني ماتتذكرين كلتي اي شي
براء: ليش هو اني كلت شي?
ياسين: هاا اي قصدي لا ماكلتي. خرب طفرت روحي عفتهه وصعدت لغرفتي.
براء: هههههه متت عليه من الضحك وجهه كام ميتفسر. فدوه طلع يحبني. يربي اموت عليه احفضه اليه.
ياسين: اوف خرب بحضي طلعت ماتتذكر شي جانت مصخنه بس الي ادري بي اذا صخن الواحد يحجي الي بكلبه بس شلون اتاكد هي تحبني. يافرحه الما دامت ضليت افتر بلغرفه اروح وارجع.
براء: كاعده بلمطبخ دا احضر بلغده وافكر بياسين شلون حضني وشلون خايف عليه من تمرضت.
براق: السلام عليكم. وين صافنه عيني
براء: هاا هلو شونج
براق: الحمدلله. اكلج حبابه حيل جوعانه
براء: هههههه ام بطن روحي بدلي ونزلي محضره الغده وصيحي ياسين وياج
براق: شنو ممداوم اليوم
براء: لا ماداوم
براق: اوك.
براء: كملت تحضير الغده ورحت صحت خالتي واجيت لكيت ياسين وبراق كاعدين ع الميز. بعدهه اجت خالتي وبلشنه كمنه نتغده وكل شويه اشوف ياسين يباوعلي واني اضحك بداخلي.
ياسين: نزلت دا اتغده واباوعلهه شلون تاكل. فديت النزاكه. دك تلفوني هاا اياد شونك
اياد: حبيبي انت شونك. خير اليوم مجاز ليش
ياسين: مايصير ارتاح يعني
اياد: لا من حقك. اكلك شصار ع الموضوع الكتلك عليه
ياسين: ياموضوع
اياد: هذه البنيه كرايبك الي جانت وياك البارحه. اني حاجيت الوالده واريد اجي اتقدملهه.
ياسين: من كلي هيج كمت اغلي حتى الاكل عفته وكمت وطلعت بره.
ام ياسين: يمه ماكملت اكلك وين رايح
ياسين: متفيدك هذه ارمله كلت بلكي يغير رأيه بس ع اعصابي احجي
اياد: لو متزوجه ميه هم موافق اذا هي جنهه الكمر.
ياسين: انت تخبلت شبيك متحجي عدل
اياد: بروح ابوك حاجيهه وردلي خبر
ياسين: الله كريم باي. شلون اكللهه افرض وافقت يعني اخسرهه طول عمري ضليت حاير خاف هذا يسويهه ويجيب اهله ويجي. ساعة السوده الطلعتهه بيهه لو كاعدين وساكتين بالبيت مو احسن. احسن شي احاجيهه واذا تحبني راح ترفض اكيد.
براء: ضلت عيوني ع الباب هذا وين راح ضل بالي عليه. براق راحت نامت وخالتي هم اخذت دواهه وراحت نامت. ضميتله اكل وضليت بلمطبخ احوص وكل شويه اباوع ع الباب.
ياسين: شويه بردت وطبيت شفتهه بلمطبخ. شسوين
براء: ضميتلك غده احمي الك
ياسين: الحكيني لغرفتي ماريد سم. عفتهه وصعدت
براء: عزه هذا شبي شيريد مني. يمه كلبي اتنفسي شهيق زفير اوف. صعدت وراه دكيت الباب
ياسين: تفضلي.
براء: هاا ياسين تريد شي
ياسين: كعدي😒
براء:😮
ياسين: عندي موضوع اريد احجي وياج
براء: اسمعك
ياسين: تتذكرين الولد الي البارحه سلم عليه بلمول
براء: امممم مادري ماتذكره كلش
ياسين: المهم هو طلب ايدج مني شتكولين
براء:هاااا?😨. تفاجأت واني اكول شبي ضايج فديته اليغار خلي اشعل الغيره زايد. احم الرأي رأيك اذا انت موافق اني موافقه.....
YOU ARE READING
قلوب مائله لعشق
Romance🔞🔞🔞 القصه شويه جريئه 🔞🔞🔞🔞 #قلوب_مائله_للعشق اني براء عمري21 سنه ادرس سادس علمي خارجي من بابل مواصفاتي حنطاويه ع بياض وعيوني خضر واكبار شعري واصل لنص ضهري مجعد او اني سويته مجعد لان حلو عليه لونه اسود مامحجبه طولي 159 ووزني 55 جسمي رشيق واحيان...
