البارت السابع.
ياسين: طلعت من يمهم والطريق كله افكر بيهه وبتصرفاتهه وحركاتهه احس كلبي ماكدر اتحكم بيه لاول مره افقد سيطرتي عليه. وصلت للبيت طبيت رحت كبل لامي. دنكت بست ايدهه وراسهه شونج يمه
ام ياسين: هلا بنور عيوني. اني برحمة الله انت شلونك ليش طولت علينه
ياسين: اني بخير الحمدلله بس الجماعه الي جنت كاعد يمهم صارت عدهم حالة وفاة وضطريت ابقه وياهم ميصير اعوفهم وارجع
ام ياسين: اي يمه حقك فشله
ياسين: لعد براق وين
ام ياسين: يمه اختك بالكليه هسه ع جيه. جوعان تريد غده
ياسين: اي يمه جوعان بس اروح اسبح واجي بلكي جايه براق نتغده سوه
ام ياسين: خوش لعد راح اصيح ام حسن(الخدامه) تحضر الغده علما تجي اختك
ياسين: خوش. صعدت سبحت ونزلت سمعت صوت ضحك هذه اكيد براق
براق: هلاووو حبيبي حمدلله ع السلامه
ياسين: الله يسلمج شونه الدوام
براق: تمام مثل كل يوم
ياسين: يله ام حسن وين الغده كتلنه الجوع. صبو الغده اكلت اول لكمه تذكرت اكل براء اله طعم غير شكل. مبينه ام بيت وشاطره لان بيتهم نضيف حيل ونفسهه طيبه بالاكل الله يساعدهه شايله البيت كله ع راسهه.
ام ياسين: هاا يمه شبيك صافن
ياسين: هاا لا بس اتذكرت شغله بلشغل
ام ياسين: اكل يمه الشغل مايخلص
ياسين: كملت اكل وصعدت لغرفتي نمت.
براء: وره ماراح صعدت للغرفه الي جان بيهه ياسين طبيت عطره مالي الغرفه ومرتب الغرفه مثل مجانت ابتسمت من تذكرت ابتسامته. كعدت ع الجربايه هي خشب نتبهت مكتوب عليهه بقلم مال صبوره. سحرتني ذات العينبن الجميلتين. ضليت صافنه ع الكتابه. سمعت سامر صاحني. نزلت ركض. هاا سامر
سامر: اكلج اني رايح لبيت عمي ابويه دزني خاف محتاجين شي خلي بالج يم ابوي
براء: ماشي. مرت الايام والاسابيع مثل بعضهه. اكعد اقره وملتهيه ويه ابويه لان دهورت صحته بوفاة عمو واحيانا اتذكر ياسين وكلبي تزداد دكاته ماعرف يمكن خوف او بسبب ان شخصيته قويه وتحسه هيبه. مرات اسمع سامر يحجي وياه ارتاح من اطمئن هو بخير ومرات اخبث واحجي بصوت عالي حتى يسمعي هههههه.
ياسين: صار تقريبا فوك الشهر من رجعتي لبغداد مكضيهه بالدوام من الصبح لليل بس براء ابد مراحت من بالي ع طول افكر بيهه وتذكر خوفهه وخجلهه وحتى دموعهه خوب حضنهه الشي الوحيد الحلو الصار بحياتي يمكن هي اني ابد مو ع بالهه بس اني سحرتني مرات اتصل ع سامر نحجي عسى ان اسمع صوتهه واطمئن عليهه وفعلا صار هلشي اكثر من مره بأوقات مختلفه اسمعهه اما تحجي ويه ابوهه او تحجي ويه سامر واني ع الخط حيل ارتاح بداخلي.
براء: بابا
ابو براء: هاا بويه
براء: بعد يومين الاربعين مال عمو مو
ابو براء: اي بويه ونروح للمقبره
براء: الله كريم بابا. كمت اريد اروح لغرفتي رجليه اخذتني للغرفه الي جان كاعد بيهه ياسين طبيت واني اتخيل كلامنه ونظراته اليه والكتابه الي ع الجربايه. واحجي ويه نفسي شنو هذا الي دا احس بي معقوله حب زين لعد ليش اخاف منه شنو هذا الاحساس المتناقض. اروح انام احسلي اوف.
ياسين: كعدت من النوم سبحت وبدلت ونزلت اتريك ويه الوالده وبراق. صباح الخير
براق: صباح النور حباب وصلني وياك للدوام اتاخرت والخط ميجي اليوم
ياسين: ماشي لعد امي وين
براق: لسه نايمه عوفهه خلي ترتاح
ياسين: اتريكت وطلعنه اني وبراق
براق: ياسين
ياسين: نعم
براق: انت شبيك صارلك فتره متغير
ياسين: هاا لا مابيه شي. شلون يعني متغير
براق: مادري بس تصفن هواي وتوزع بتسامات
ياسين: عادي يعني ماكو شي
براق: خاف تحب😌
ياسين: اف يمكن
براق:😃 كول والله صدك
ياسين: شبيج تخبلتي. تره كتلج احب ماكتلج راح ازوج حتى تفرحين هيج
براق: ربي يفرحك واشوف البنيه الماخذه كلبك. يله وصلت هنا اوكف. باي
ياسين: باي
براء: كعدت الصبح جسمي كله مكسر وراسي يوجعني. عزه يمكن تمرضت. نزلت جوه لكيت بابا وسامر. صباح الخير
بابا. سامر: صباح النور
سامر: شبيج مو ع بعضج
براء: يمكن تمرضت فلونزا
سامر: مو اليوم العشه مال الاربعين حتى تروحين لبيت عمي وشلون تروحين للمقبره ويانه
براء: باجر تروحون مو
سامر: اي. اجرنه سياره جبيره. راح نروح كلنه سوه احسن ما كل واحد يروح بوحده.
براء: منو ومنو راح يروح
سامر: بيت عمي كلهم واحنه. وحسام اجه البارحه بالليل هم راح يروح بس مرته ماتكدر تروح.
براء: اجه حسام مشتاقتله هواي. اشوف نفسي اذا صرت زينه اروح وياكم......
البارت الثامن.
براء: تريكت ونضفت شويه بس كوه اشتغل تعبانه حيل وسويت غده وصعدت اسبح لان احس جسمي شتعل نار يمكن صخت. سبحت طبيت لغرفتي خابرت سامر وصيته يجيبلي دوه وياه ورجعت نمت.
سامر: اجيت من الدوام جبت دوه لبراء صعدت اودي الهه. لكيتهه نايمه. براء اكعدي جبتلج دوه
براء: هاا سامر مابيه حيل اكوم
سامر: كومي تغدي واخذي دواج ونامي
براء: لا بس انطيني الدوه وخلي انام. وعفيه انت صب غده الك وابويه
سامر: ماشي. نطيتهه دواهه ورجعت نامت. نزلت صبيت الغده وصحت ابوي
ابو براء: لعد وين اختك
سامر: نايمه مالهه خلك خطيه فلونزا
ابو براء: وديهه للطبيب
سامر: جبتلهه دوه اذا مصارت زينه اخذهه. تغدينه ورحنه لبيت عمي علمود العشه مال الاربعين. وعفنه براء نايمه خطيه
ياسين: رحت للدوام خلصت شغلي بس مرجعت للبيت جبت غده وتغديت ويه جماعتي. خلي اخابر سامر احس نفسي من احجي وياه ارتاح من ريحتهه ههههه. هلو ابو السوم شونك
سامر: حبيبي بخير انت شونك
ياسين: بخير الحمدلله. الوالد شونه
سامر: برحمة الله
ياسين: شنو هذه الهوسه اليمك
سامر: اني بيت عمي اليوم الاربعين
ياسين: الله يرحمه ويصبركم. لعد اخليك ع راحتك حبيبي. مع السلامه
سامر: ماشي الله وياك.
براء: كعدت بالليل من النوم. نزلت جوه لكيت حسام وسامر وابوي كاعدين. هلا حسام حبيبي حمدلله ع السلامه
حسام: الغاليه الله يسلمج. شون صرتي
براء: تعبانه حيل ومثوله هي هاي الفلونزا. ماكدر اروح وياكم اعذروني
ابو براء: بويه ابقي ارتاحي من تصيرين زينه ناخذج اني وسامر
براء: انشالله. اكوم اسويلكم عشه
حسام: لا اتعشينه ابيتي نداء سوتنه عشه
براء: هاا خوش. بيش الساعه اطلعون باجر
سامر: ب7 الصبح
براء: توصلون بالسلامه. اني راح اروح اسوي شي اكله حتى ارجع لغرفتي اخذ دوه وانام. رحت اكلت شويه وصعدت لغرفتي اخذت دوه وكلبت بتلفوني شويه ونمت.
ياسين: رجعت للبيت تعبان كلش تعشيت ويه امي وبراق ورحت لغرفتي بدلت ومددت ع الجربايه ضليت مغمض واتذكر براء لحد منمت.
براء: كعدت ب9 لكيتهم رايحين للمقبره تريكت ودا اسوي غده خاف يجون جوعانين خطيه وسمعت صوت صياح بره طلعت اركض. هذه نداء(مرة حسام) تصيح وتبجي. شبيج نداء شكو
نداء: ولج شحجي وشكول
براء: ولج احجي شكو مو موتيني يمعوده
نداء: ولج مسوين حادث وكلهم ميتين لوري ضاربهم.....
توقعاتكم شنو حيصير
YOU ARE READING
قلوب مائله لعشق
Romantik🔞🔞🔞 القصه شويه جريئه 🔞🔞🔞🔞 #قلوب_مائله_للعشق اني براء عمري21 سنه ادرس سادس علمي خارجي من بابل مواصفاتي حنطاويه ع بياض وعيوني خضر واكبار شعري واصل لنص ضهري مجعد او اني سويته مجعد لان حلو عليه لونه اسود مامحجبه طولي 159 ووزني 55 جسمي رشيق واحيان...
