رشا..: لا بعدها ما تزوجت .. خطية ... صايرة ام لخواتها و اخوها و جهاله... تحدم بيهم و هي راجعة ليورة ... معتمدين عليها بكلشي و لا تكول لا ... شكد اجوها و اكثريتهم اقارب بس معن ميقبل ينطيها ... و هي هم تقتنع بكلام اخوها و متريد تكسر اله كلمة
يوسف ..: شفت طفل وياها عبالي متزوجة...
رشا ..: هذا ابن معن ... هي مربيته... اكلك صدك لازم نعزم العرسان ... امي كالت نعزمهم ع غدا و بيت خالتي ام مهند كلهم ...
يوسف ..: رشا هاي الامور انتو اعرف بيها ... اني طالع محتاجة شي...
رشا..: اشياء مو شي واحد ... غراض العزيمة و محتاجة اروح لبيت خالتي رجاء ناني موصيتها ع شغلة اروح اجيبها ...
يوسف ..: اوك لعد روحي بدلي اوديج هسة لبيت خالتي ...
رشا ..: شبيك مستعجل مو هسة ع العصر ...
يوسف ..: ما عندي مجال العصر ... هسة متفرغ ... روحي بدلي و امشي ...
رشا.: زين خلي اخابرها ع الاقل ... يجوز نايمين طالعين ... ساعة عشرة و نص الصبح شبيك يوسف ....
يوسف ..: هسة انت بين ما تبدلين و تتحضرين صار الظهر و منو ينام لل ١٢ متكوليلي
،،،،،،،،..........،،،،،،،،،،،...........،،،،،،،،،،،.........
ناني....
اندك الجرس و رحت ردت افتح الباب لان معن طلع و سهير راحت لاهلها و نبراس و منال نايمين ...
بيدي الچفچير و شادة الربطة بشعري و جنت اطبخ ... هذا ستايلي المعروف عليه ... و اني و دا امشي بالطرمة ... انتبهت ع رجلي لابسة تك نعالي و تك نعال معن ... ما اهتميت ... لان اكيد هذا اما الفلاح او ام وداد الي تجي كل اسبوع انطيها هالالله قاسمه خطية عدها ايتام ...
فتحت الباب و انصدمت ....ياااا رشااااااا!!!! يوسف!!!!!!
رشا و تضحك ع منظر ناني..: هلة حبي شلونج ...
ناني و همستلها اثناء ما بوستها ..: يا رعنة اكو شي اسمه تليفون ... ليش ما خابرتي كبل ما تجين
رشا وبهمس..: هو اني لو ابن خالتج المستعجل ...
يوسف و بابتسامته المعهودة ..: السلام عليكم
ناني...
سرحت بتفاصيله.. و اناقته ... و قبل كلشي ابتسامته الي تسحرني دوووم و تخدر كل حواسي....
رشا..: ناني... ناني ... رح نظل هنا واكفين.؟؟؟
ناني...
حسيت ع صوت رشا تصيحني... انشدهت حتى ما رديت السلام ...
حسيت بي يضحك و يخبي ضحكته ...ع شنو يضحك ؟؟؟ اندار للجهة الثانية و شفته يباوع ع رجلي... نزلت نظري ع رجلي و عزاااااا العزاج ناني...
حسيت نار وجت باذني ... يا گع انشگي و بلعيني ... و لا هالموقف ...
جريت رشا و كتلها امشي وراية و صيحي اخوج يدخل ....
YOU ARE READING
احلام ناني
Poetryفتاة تعيش حياتها كقربان لعائلتها ..تلبي احتياجاتهم ... تخدمهم ...و قد نست نفسها بين كومة الاوامرالتي تلاحقها يومياً..... لا تعرف الكسل و لا التعب.....تظن انها قد خُلقت هكذا.. و عليها ان تكمل مسيرتها هكذا... لكن هناك حلمٌ قديم ...يراودها كل ليلة...
البارت 2
Start from the beginning
