قصص زوجية

مين يسمع اغاني👩‍🎤

كنت قاعد مع أحد الشيوخ .. أعرف ان زوجته بتشتغل فى تغسيل الناس والتكفين لوجه الله .. تليفونه رن .. أخد جنب واتكلم فى التليفون .. ملامح وشه كلها بتقول ان فى كارثه حصلت .قريب ليه اتوفى مثلا)  !

خلص تليفونه .. سألناه .. مالك يا شيخنا ولعله خير ؟
الراجل مبلم ومش راضى ينطق ..كنا كذا واحد. فقال (اللى منكم بيسمع أغانى يرفع ايده ) 3 مننا رفعوا ايدهم !

فقال بمنتهى الحسم طيب اسمعوا ..
زوجتى بتعمل فى تغسيل الموتى من 30 سنه مثلا .. والنهارده حصل معاها أمر لأول مره يحصل ليها (رغم انها غسلت المحروقه والعجوز والطفله ) التليفون اللى قمت علشان أرد عليه كان منها بتسألنى تعمل ايه ؟
فى جثه بتغسلها .. جسد المتوفيه وهى شابه فى سنكم يا رجاله .. ايدها مرفوعه لفوق وايدها التانيه على وسطها وطراطيف صوابعها واقفه .."بالظبط شبه الراقصه على المسرح".. !

طلبت من زوجتى تسخن فوطه .. وتمشى على ايد المتوفي لعلها تنزل .. قالت انها عملت كده .. وكل ما ايدها تنزل لتحت ترجع تانى وانها حاولت تنزلها بالعافيه فخافت تكسر ايدها

طلبت من زوجتى ..تاخد أم البنت ..على جنب وتسألها .ايه اللى حصل ؟
وتشهدها على المصحف انها تقول الحقيقه فقالت انها سألتها وكان جواب مامتها .. ان بنتها كانت مدمنه لكل أنواع الاغانى .. كل الجديد بتسمعه .. والسماعه مكنتش بتنشال من على ودنها .. وكملت انهم كانوا فى فرح ف بنتها ..قامت علشان ترقص (على أغنيه بتحبها ) وأقسمت ان بنتها مكملتش نص لفه على المسرح وكانت وقعت مكانها ميته .. وان جسمها مخدش الوضع ده الا وقت الغسل وقبله كانت طبيعيه طلبت من زوجتى تكفنها زى ماهى .وانها تطلب من أهلها اخراج صدقه جاريه ليها .. !

الشيخ خلص كلامه وفضل يعيط .. ومن وقتها أقسمت مهسمع أغانى تانى !

- طبعا  فى حد هيقرأ فهيقول أوفر (والله حصل بالفعل) وناس هتقرأ وهتعيط ممكن بس شويه وهتسمع أغانى ..انا نفسى اللى يقرأ ياخد قرار .. يفكر بيكون عامل ازاى وهو فى فرح أو كمية الاغانى اللى بيسمعها .. ممكن ؟

- ربنا يعافينا من موت الفجأه ويرزقنا حسن الخاتمة !