قصص زوجية

صحن الفطائر

بقول لكم وش صار بملكتي طحت بموقف يفشل مره 🤦🏻‍♂️ دخلوني عليها عشان البسها الدبله والاشياء هذي كنت متوتر لابعد درجه ومن بدايه اليوم وانا متوتر ومرتبك وللاسف ما اكلت شي من صحيت حتى ما نمت الا كم ساعه وجايهم وانا جيعان وبعد ما لبستها وخلصنا اشوف بالغرفه انواع الحلويات والفطاير وصحن داخل وصحن طالع وانا عيني على صحن الفطاير اقول لكم ميت جوع من بعد عشاي امس ما شربت الا مويا عاد بعد ما حسيت ان التوتر شوي خف حطو قدامي صحن الفطاير وهي صغيره ماهي كبيره وللاسف ما تشبع بعد ما حسيت ان العالم مو منتبه لي والعروس منزله راسها مستحيه اخذت فطيره وحسيت انها صغيره قلت بدخل الثانيه بفمي قبل لا ينتبهون لي دخلتها واشوف خالها جاي بيسلم علي ومتجه لي والفطيره بفمي لازم ابلعها قبل ما يوصل وانا واقف له احاول ابلعها هنا الطامه فجاءه غصيت واحاول اتنفس ما قدرت وصاير وجهي احمر وانا احاول انزلها هنا تجمعو علي شفيه العريس 😕😶؟ ويسعفني خالها بكأس المويا والحمد لله تمت المهمه لكن وجهي لسى احمر من الفشله الحين بيقولون هذا مشفوح وكأنه اول مره يشوف صحن فطاير 💔 جلست وجالسين يسولفون عندي وانا عيني ع الصحن للان فيني جوع مو طبيعي بس مستحي بس الشي الي ذابحني اكثر صوت بطني يا جماعه الصوت الصوت يفشل والعروس جنبي وخالها يساري حسيت اني جالس اسبوع بدون اكل مو يوم الحين بيقولون هذا جاي من مجاعه 😂 لكن بعد زواجي تقول زوجتي يطقطقون عليك يقولون خلص صحن الفطاير وانا احلف لها ان بس فطيرتين صغار شوفو عاد مين مخلصها مو انا والله 💔💔 .