قصص زوجية

عريس من بيت الفلاحين

#قصة_وعبرة

اللهم بارك 😍👐
فعلا رجالة الفلاحين او الارياف فكرتي اتغيرت عنهم كتير بعد م قعدت ف دمنهور 🌸
#منقول 👇💚

جالى عريس من بيت فلاحين بصراحه مشمأزه جدا منه قبل ما اعرف حتى اسمه اى

وفضلت اقول ازاى انا هدخل ف البيت ده
طب اصحابى اما يجوا يزرونى هيقولوا عليا اى !!!!

المهم فضلوا يزنوا عليا انى بس اقعد معاه
وابقى ارفض بعد ما يمشى ونقول اى عيب وخلاص!!

وبالفعل جه وقعد معايا وبدأ يكلمنى عن نفسه ومن هنا بدأت حياتى ❤

طلع شخص كويس جدا وخلوق جدا جدا واحلى حاجه فيه البساطه
كلمنى عن امه وان هى اهم واغلى حاجه عنده حتى بعد جوازنا ان شاء ربنا هتبقى رقم واحد ف حياته

قالى بس عشان تكون واضحه من دلوقت عشان ماجيش بعد كده وتقولى انت مهتم بيها اكتر منى وﻻ حاجه

شده حبه ﻻمه خلتنى احترمه جدا واثق انى هبقى ف ايد امينه

معرفش ازاى بعد ما كنت رافضه المبدأ اصلا خلانى كده اوفق بشده وانسى الهبل اللى كنت بقوله وشكلى ادام اصحابى وكلام فارغ

بعد ما خلصنا ومشى جه ابى وبيقولى ان شاء الله هنرد عليه بعد بكره وﻻ حاجه ونقوله انك لسه هتكملى تعليمك وانك مش بتفكرى ف الموضوع ده دلوقت

قولتله ﻻ انا موافقه

كان مستغرب جدا قالى ازاى انتى لسه مش كنتى عاوزة تنزلى تقعدى معاه !!!!!

قولتله معرفش!! بس انا ارتحت جدا

قالى طب صلى استخاره وبعدها نشوف

فعلا صليت استخاره والراحه زدات

قولت ﻻبى انى خلاص موافقه سبحان الله

وتمت الخطوبه والناس مشيت خلاص ﻻقيته جه وقالى

بعد اذنك ممكن طلب ؟!

ممكن ف فتره الخطوبه دى منكلمش موبايل خلاص ﻻنى سالت شيخ وقالى ف حاله الضرورة فقط وادام وجود محارم

زاد احترامى ليه جدااااااااااا....... كبر ف نظرى جدا

واتخطبنا سنه كامله وبعدها جه كتبنا الكتاب

والله العظيم ما رأيت وﻻ سمعت قبل كده عن شخص بالحنيه دى وﻻ بالرومانسيه دى

كان شايل كل ده ف قلبه ازاى ؟!

حفظنى القران ....يجى بالليل واحنا بنكلم يقولى يلا ياماما روحى صلى القيام ده اهم من الرغى ده 🙂

لما كنا بنخرج كنت بشوف غيرته جدا حتى من عيون الناس رغم انى مش بيان منى حاجه اصلا 😀

حبيت فيه كل تفاصيله وطلع فوق ماكنت متخيله

ده طلع ربنا كريم اوى ياجدعان والله^^

دايما كنت بدعى بزوج صالح بس ربنا فاق توقعاتى

الحمدلله كثيرا كثيرا:)

وبعدها بشهور اتجوزنا ❤

قسمابالذى رفع السموات بغير عمدا

انى رأيت شخص ما فى مثله قط

حسسنى ملكه متوجه ....والله حقآ ده اخره انتظار الحلال وصوم قلبك عن الحرام😍💚

فعلا ندمت ع كل كلمه قولتها وانى ازاى كنت هرفض شخص بغبائى كدا

وامه اللى هى امى حاليا والله طيبه جدا وكويسه جدا عرفت تربى

وبيت الفلاحين ده عرف يربى ويطلع راجل اد الدنيا وحفظوه القران وربوه ع خلق اﻻسلام

نعم يا ساده انه الحب الحلال ❤

الحاجه اللى عاوزكوا تغيروها ف طبعكم
اوعى تحكمى ابدا ع حد من خلال مظهره..بيت الفلاحين اللى مش عاجبنى انشأ راجل بجد وبقى كل حاجه ف حياتى

الجواز مش وحش احنا ال بنختار غلط