قصص زوجية

صدمتني بليلة زواجي😨

 بقول لكم قصتي بليله زواجي وبلشتي مع زوجتي و وش صار اذكر زوجتي من دخلنا الغرفه وهي تصيح وتبكي يا حرمه وش فيك ماني ماكلك والله خلاص اسكتي وهي مكمله صياح ودموعها اربع اربع اتصلت على اختي بما انها صديقتها وقلت طمنيها واخذت الجوال وطلعت انا وجلسو فوق النص ساعه يتكلمون وانا برا عند الباب اتسمع وماني فاهم شي مقصره صوتها قلت ذي شفيها وش وجالسين يتكلمون طول هالمده😑؟ دخلت الغرفه والا هي تشاهق قلت خلاص خلاص والله العظيم ترا ما اكل اوادم انا يقال بستضرف يعني 😒 انسدحت على السرير قلت بنام وانتي غيري ملابسك ومتى ما تبغي تنامين نامي وانسدحت حول نص ساعه والا البنت ولاهي راضيه تقوم من مكانها قلت نروح للخطه باء يلا سو نفسك تشخر عشان تتاكد انك نايم وتاخذ راحتها واجلس اشخر لكم وفيني الضحكه وحابسها واشوى اسمع صوت خطواتها وانا مكمل شخير بهذي اللحضه اسمعها تتكلم بالجوال ومقصره صوتها ويالله اسمعها من صوت شخيري قلت اوقف دقيقتين خل اسمع وش تقول ومين تكلم طلعت تكلم اختي تقول فلانه ليه غشيتيني انا سألتك مره اخوك يشخر ولا لا وقلتي لا ليه تكذبين على صديقتك تدرين ان نومي خفيف واصحى من اي شي الحين شلون بنام مواصله وتجلس تشارهها قلت ماش ذي من اولها حش 😕؟ تنحنحت وقلت الشرهه على الي يمثل وماسك ضحكته عشان تاخذين راحتك وتوقفين بكاء وتتحركين بالغرفه وتبدلين ملابسك بما ان الحياء ذابحك ومن اليوم تصيحين من الحيا اشوف وجهها صار الوان تحسبني معصب جد ضحكت وقلت عطيني اختي كلمتها قلت فلانه هاه طلعتي غاشتني بصديقتك وطلعت مو مؤدبه وتحب الحش والغيبه وانتي تقولين انها مالها بذي الاشياء؟ اشوف عيونها غورقت دموع قلت لا لا تكفين امزح معك وجلسنا ٤ ايام كل ما تكلمت معها ارتبكت وخنقتها العبره واخيرا طلعتها من حياها بس سؤال ليه انتم ترتبكون وتستحون مره لذي الدرجه وتوصلون لمرحله انكم تبكون من الخجل ؟