أجمل غرور

الجزء 73

فاديه

كنا بالبيت سمعت صوت أبتسام الباكي .. و صوت مشاري .. كان مشاري واقف ثوبه مغبر و مشوب بقطرات دماء و خده مخدوش ..

سألته أماني : وش صار !

أجاب بغضب موجه لأماني : كله بسببك .. بسببك .. لأنك أخذتي مفتاح السيارة .. اعطاني هو سيارته .. و صدمت فيها

ردت أبتسام و هي تمسح خده بحمية : بسيطة و لا يهمك ... دام جت بالحديد و أنت سلمت

سألت أماني : لمن السيارة؟؟

رد : لطارق

وقفت أبتسام ‏: راح أكلم عناد يتدخل

لكن أماني منعت الكل و هي تأكد : محلولة ...
قال وكان على وشك البكاء : السيارة معدومة .. ماينفع تصليحها

كيف عسى تكون محلوله .. كيف ..!
باليوم الثاني عرفت كيف تكون حلول أماني .. فطارق قد تقدم لخطبتها من عمي .. وافقت و ملكتها يوم الأربعاء .. و سوف يأخذها بعدها .. رفضت أن يعمل لها حفل زفاف كبير .. مردده : ما لبست الفستان الأبيض و أبوي حي فماله داعي و هو ميت

كنت ضد نظريتها فما دام هذا المعتوه يريدها فليقبل بشروطها ..
صحيح أليس هذا الغبي هو صديق لياسر و هناك مثل يقول " عالج السم بالسم "
إذا كان ياسر سم فطارق أسم ..
أخذت رقم ياسر و اتصلت به .. فأنا أكيدة أماني وافقت على طارق بسبب ما تدين به له .. رد ياسر بعد اتصالين : مرحبا

همست برقة : ياسر
تغير صوته و سأل : فدوى ..
رديت بجدية : كيفك ياسر ؟

قال باستهزاء : على حطت يدك ..
دخلت بالموضوع مباشرة : طالبه منك خدمة ياسر !
رد بتريقة : وش المقابل ؟؟

قلت : ارجع لك

ببرود سأل : كيف أخدمك !
قلت : أختي مديونة لطارق صاحبك ... و عشان كذا راح تتزوجه .. لو تقدر ياسر .. تمنع هذا الزواج ..

قال باستهزاء : و كيف أمنع الزواج و أختك موافقة .. اذبح طارق .. أو أسرق الأوراق إلي تثبت الدين

قلت : بلا غباء أكيد الأوراق فيه منها مليون نسخه .. لكن تذبح طارق فكرة حلوه .. مو تذبحه اممم .. أشغله بنفسه

ضحك .. و بداء قلبي يتخبط بصدري ثم قال : فدوى عليك أفكار ... على يوم الأربعاء راح أحل السالفة

قلت : لا يوم الأربعاء الملكة لازم تحل المشكلة قبل الأربعاء

رد بحسم : ما قدر قبل يوم الأربعاء ..
قبل أغلق الخط همس : فـــدوى
_رديت : نعم
_سأل بفضول منزعج : ليه تركتيني ؟
_رديت بحنان : ما يهم ياسر ..موضوع و انتهى .. لو حليت السالفة هذي راح ارجع لك ..