اظهر سليم قلقه من عدم حضور ياسمين للحفل حتي الآن مما جعله يقوم بردات فعل غريبة حتي لاحظ يوسف ذلك فقال : مالك يا ابني مش علي بعضك ليه .
- لا ماليش ولا حاجة ...
فهمه يوسف فبادره قولًا : حياه هي ياسمين و مازن فين مظهروش يعني .
- من الصبح و هي مختفية سارة كلمتها و قالتلها ان هي جالها تليفون مهم و مشيت مضطرة .
نظر يوسف لسليم و قال بابتسامة : كويس طمنتينا ..
ابتسم سليم لمداعبة صديقه معه فمهما كان هم اصدقاء منذ الصغر و يفهمان بعضهم بدون كلام .
**********
- طمني يا دكتور ..
- للاسف مش هعرف اطمنك زي ما كنت متخيل بس للاسف الاستاذ مازن عنده ورم "كانسر" في المرحلة ما قبل الاخيرة و خلاص في اخر ايام حياته .
انهارت ياسمين علي الارض و قالت : ازاي يا دكتور ازاي اتصرف يا دكتور و هديك الفلوس اللي انت عايزها .
- للاسف يا استاذة ياسمين انا مفيش في ايدي حاجة اعملها الموضوع دلوقتي بين ايدين ربنا .
جلست ياسمين بجانب الحائط و انهارت بالبكاء و ظلت تذكر الله حتي اتاها صوته ..
- متخافيش ..
وقفت بسرعة و امسكت يده و قالت : انت اللي متخافش يا مازن خلي عندك امل في ربنا كبير و انا مش هسيبك هفضل جنبك .....
- و نعم بالله انا عارف انك مش هتسيبيني في اخر يام عمري .
- متقولش كدة ربنا يديك طولة العمر .
- اوعي تعيطي علي الاقل هموت و انتي جنبي و انا جاتلي فرصة اني احب واحدة زيك هموت و انا عارف و سايب ورايا اللي يذكرني بعد موتي و يفتركلي الحلو و يدعيلي ...
امسكت يده و قالت : خليك عايش خليك عايش و انا مش هسيبك و هتقضي معايا احلي ايام في عمري مش هخليك تزعل ابدًا .
قال مازن بابتسامة : هتعيشي انتي الايام دي اوعديني .
- وعد .
**********
خسرت قبل كدة خسرت اغلي حاجة عندي خسرت السند خسرت الظهر سابني و مشي من غير اي حاجة اتاخد مني هو خد نفسه مني هو مشي و سابني و عيشت و استحملت و ربنا عوضني بالانسان ده بحبه اه بس بحبه حب اهتمام حب اخ حب ظهر حب سند مش اكتر من كدة مش عيزاه يروح مني مش عيزاه يتاخد مني يا رب عوضتني بيه بقي هو سندي و اخويا فعلًا يا رب خليه يا رب مفيش تاني هيعوضني عنه احس بالامان مع مين من بعده يا رب مين يكون صديق و اخ و اب يا رب مين ...
عارفة ان ده ورق و ان كل ده اي كلام و حروف بيكتبها قلم رصاص و في اي وقت سهل تتمسح باستيكة بس حضرتك كبير انت كبير اوي يا رب انت سامعني و شايفني و حاسس بيا و عارف انا عايزة ايه ...
YOU ARE READING
Infinity ∞ انفينيتے
Romanceانفينيتي مش بس معناها ما لا نهاية حد فاهم يعني ايه ما لا نهاية اصلا يعني مش بس عند الموت لا ده كمان بعده مش بس بين شخصين ممكن يكون بين اسرة مش بس بين ولد و بنت ممكن يكون بين اب و اسرته او ام و بنتها ، بين بنت و اختها او بين بنت و صاحبتها . انفينيتي...
