ظل سليم هائمًا بتفكيره طوال رحلة القطار صُدم مما سمع لقد تخيلها في علاقة معه و قصة حب تخيلها ممسكة بيده ربما خُطبت له او لا لو حدث كان سمع من يوسف هذا .. ظل يحدث نفسه دون ان يلاحظ ذلك الفتي الذي يتربص به من بعيد و يعتقده مجنون و ما هي الا دقائق حين خرج من شروده علي صوت يقول : انت تعبان ولا مجنون ولا ايه يا عم انت ...
- نعم !!!
- حضرتك قاعد بتكلم نفسك فبسالك انت مجنون ؟؟
- و هو انا لو مجنون هقولك .
- احم هههه مجتش في بالي دي ... بس انت كويس يعني .
- اه والله .. انا اسمي سليم في كامل قواي العقلية .
- و انا حمزة مش واثق فيك .
جلسا الاثنان يتضاحكان طوال رحلة القطار الي الاسكندرية حتي ساله حمزة ... سليم انت كويس ؟
اطرق سليم للحظات ثم قال : لا ..
- طب عادي تقولي ليه يمكن اساعدك .
ابتسم قليلًا ثم قال : لسة بحبها .
- هي سابتك ؟
- لا انا سبتها ..
لم يتفاجأ سليم من نظرة حمزة بل كان يتوقعها لذلك اكمل و هو ينظر له : كنت بحبها كنت بحبها بقالي تلت سنين بحبها مكنتش عايز اسيبها ولا امشي بس حسيت انها زهقت و ضعفت زيي محاولتش حتي اكلمها سيبتها و مشيت سيبتها و نهيت كل حاجة قولتلها انسيني اكرهيني بس انا مش عارف اعمل اللي طلبته منها .
- كل واحد بيغلط و الكل بياخد قرارات بتغير مصيره و بيغلط فيها و مادام بتحبها و بتحبك هتفهمك و مش بعيد تكون مستنياك دلوقتي بتحبوا بعض بقالكم تلت سنين و اكيد انت شكلك طيب مش بعيد تكون كنت اقرب لها من كل حاجة يمكن كنت بتحبها اكتر من نفسك .. اقولك حاجة ارجعلها لو بتحبك هتسامحك و لو مسامحتكش ابقي كدااب .
ثم وصل القطار و سليم يفكر بكلام حمزة و ما ان عثر علي الرد لم يجده رحل ..
**********
كانت ياسمين تسير بجانب الفندق و تلتقط بعض الصور للسماء حتي وجدت من يناديها التفتت فوجدتها "سارة" جرت اليها و ارتمت في حضنها كالأم الضائعة ..
- جيتي ازاي .؟
- عندي شغل هنا .
- و متقوليليش ..
انا جيت من شوية طلعت نمت و جيت اكلمك دلوقتي لقيتك قدامي وحشتيني اوي .
- انتي اكك....
- مش تعرفينا ولا ايه يا ياسمين .
- خضتني والله يا مازن دي سارة صاحبتي من تالتة اعدادي .
- اتشرفنا يا انسة سارة اتفضلي نشرب حاجة مع بعض .
- الشرف ليا لاا مش هقدر ورايا شغل قد كدة انا هاضطر امشي دلوقتي ..
YOU ARE READING
Infinity ∞ انفينيتے
Romanceانفينيتي مش بس معناها ما لا نهاية حد فاهم يعني ايه ما لا نهاية اصلا يعني مش بس عند الموت لا ده كمان بعده مش بس بين شخصين ممكن يكون بين اسرة مش بس بين ولد و بنت ممكن يكون بين اب و اسرته او ام و بنتها ، بين بنت و اختها او بين بنت و صاحبتها . انفينيتي...
