يوم حسام بكاوي في جود كان عايزها تقلب شفاها زي كل مره بتزعل فيها قال ليها ح اشتري للبيبي حلاوه وشوكولاته 😍 وانتي ما ح اشتري ليك جود اتغاظت منو شدييييد بدل تعمل ليهو حركة الزعل قالت ليهو بابا ثين توف أليك 💦حسام اتخلع من كلمة توف مسك دقاها وانا كنت في الغرفه سمعتنا تبكي قلت ليهو جود مالها 😳 قال لي دقيتها انا “ قلت ليهو كيف يعني دقيتها انت وعملت شنو عشان تدقها 😒 قال لي دقيتها عديل كده عشان قلة ادبها وتفت لي 💦قلت ليهو جود قدر شنو عشان تقول قلة ادبها 😒 مش ممكن بس تقول ليها عيب قال لي مرات عيب براها ما كفايه 😊 قلت ليهو لااا كفايه وخاصه مع جود حاجه تقول ليها عيب تاني ما بتعملها قال لي ما عايز اتناقش معاك جنبها بس اي واحد عندو طريقتو الخاصه في التربيه وانا دي طريقتي ☺ شلت جود ودخلت بيها الغرفه بعد هدت قالت لي ماما دولي لـ بابا أمثي بيتم 😒 ما عرفت اضحك ولأ اقول ليها كده عيب بقلبي قلت ليها يا بتي ده بيتو كان سمعك بطردنا الاتنين من هنا 😅 حسام جا داخل قال حبايبي معتصمين هنا وما عايزين يقعدو معاي ما رديت ليهو بس صاره وشي وجود برضو صاره وقالبه شفاها نظام زعلانه منو 😒 مسكها من حنكها قال ليها من قبيل انا عايز اشوف الحركه دي لو كان عملتيها بدل ديك ما كان حصل ده كلو 😅 جود رقدت في كتفي نظام ما عايزه معاهو كلام وانا ماسكه الضحكه بالجلاله من تصرفاتها 😅 قال لي وانا اقول جود جايبه الصره دي من وين طلعت منك ما لقت حاجه تورثها منك غيرها عايزني اتكلم بس اصلو ما علقت ليهو 😏 قال لي افهم كده انك زعلانه معاها طيب لم ما عايزين تتونسو معاي قومي اعملي لي شاااي اظبط بيهو راسي شلت جود وماشه اعمل اعمل الشاي قال لي جودي خليها هنا ختيتها في السرير وجبت ليها المكعبات قلت ليها ألعبي هنا هسه بجيك دخلت المطبخ عملت الشاي بعد شويه حسام جا لاحقني في المطبخ قال لي ناوليني مويه اشرب من التلاجه قلت الحيوان ده فاكرني جايبني ليهو حبشيه هنا غالبو يشرب براهو 😏 فتحت التلاجه قفلها وحاصرني فيها قال لي مشكلتك معاي شنو قلت ليهو حسام زح جود هسه بتجي قال لي ما بزح قبل ما اعرف مالك زعلانه عشان جود يعني 😒قلت ليهو مش قلت دي طريقة تربيتك خلاااص 😏 بنتكلم كده جود جات جاريه من الغرفه بابا بابا ثوف عملت ثنو 😊 حسام بعد مني خطوتين قلت اجييي يا بابا 😳 متين صالحتو قلت احتمال غلطانه في الاسم وقصدها تقول ماما بس فعلا مشت لأبوها حسام شالها قالت ليهو ثوف وشايله مكعبين ملصقاهم في بعض قال ليها حلوه حبيبتي وانا لسه مصدومه قال لي اها انا وجودي اتصالحنا انتي مالك زعلانه ☺ قصف جبهتي بصراحه 😅 قال ليها تعالي نوريها لـ جدو ساق جود ونزل بيها تحت ناس خالتو نوره بعد شويه جا طالع براهو انا كنت قاعده في الصاله وفاتحه التلفزيون جا قعد جنبي قمت قال لي ماشه وين قلت ليهو اجيب ليك الشاي 😒
قال لي اقعدي ما عايز شاي قبيل قلت ليك اعملي لي عشان عايز اطلعك من الغرفه عشاان اراضي جود وفعلا صالحتها زي ما شايفه 😘 وهسه وديتها لأمي عشان ما تقاطعنا ونتم نقاشنا اها انتي زعلانه مالك عشان جود غلبني ارد عليهو اصلا جود خزلتني وصالحتو اودي وشي وين تاني 😅 قال لي حبيبي انا عارفك ما بترضي في جود عشان بتقولي انها يتيمه صح بس كلامك ده غلط جود ما ناقصها حاجه عشان ترأفي عليها زيها وزي اي طفله عايشه وسط امها وابوها عشان كده طبعيها وادبيها قبل ما تدلعيها قلت ليهو بس ما بالطريقه دي 😒 قال لي يعني انا لم ضربتها تفتكري اني بكرهها وما بحبها طبعا لااا وانتي عارفه مافي اغلى منكم في حياتي بس بعلمها الصاح من الغلط الضرب هسه قتلها لااا بس هي عرفت غلطتها وبعدين بعرف اني بضربها وين يعني ما بضربها كف ولا في مكان حساس وهي هسه رضت وانتي لسه زعلانه 😒 قلت ليهو بس بكاها بقطع قلبي من جوه 😢 قال لي اتعودي علي كده لااازم الليله تبكي وبكره تضحك مافي زول طول حياتو ضاحك وبعدين اكيد لم اعمل حاجه زي ما قلت ليك قبل كده لمصلحتكم قلت ليهو والله انا زاتي ما عارفاها سمعتها من وين قال لي سمعتها من اولاد رشا بنت خالتي امس لم جونا انتي ما لاحظتي لي بسبب قلة ادب اطفالها خليت ليهم البيت تحت وجيت قعدت هنا هسه اجي القى بتي معاي في نفس البيت عايزه تشيل طبعهم وبعدين تصرفاتها من صغيره بترجع لتربيتنا ليها يرضيك يقولو عليها قليلة ادب وما عرفنا نربيها قلت ليهو اكيييد لاااا 😔 قال لي بس ده غرضي وبعدين والله بتك زاته كضابه وعايزه تفتنا في بعض ما دقيتها حار عشان تبكي البكا ده كلو بس احتمال اتخلعت عشان اول مره امد يدي عليها 😔 قلت ليهو عليك الله اوعدني تكون اخر مره والله انا متأكده لو قلت ليها بس عيب ما بتكررها 😔 قال لي حااااضر من عيوني طيب النجربها معاك انتي اول هسه ما عيب عليك تشاكلي راجلك عشان شافعه قعدت اضحك 😅 قال لي تدوم ان شاء الله وعمرها ما تفارقك حبيبي الله يرضي عليك خليك دايما مبسوووطه كده وخلي الزعل والتوتر علي الأقل عشان خاطر ده وخت يدو في بطني قال ليهو ما زهجت من هنا وناوي تطلع تشوف الدنيا قال لي فضل ليهو كم قلت ليهو 6 شهور قال لي كتيييره ياااخ قلت ليهو طيب انا اقول شنو 😢 باسني في خدي قال لي الله يعينك والله قلت ليهو غريبه جود ساكته لحدي هسه قال لي ما تسكت كيف وماسكه بقره في يدها قلت ليهو بقره كيف يعني 😳 قال لي مسكتها 500 جنيه قلت ليها امسكيها عشان نمشي نشتري بيها وهسه منتظراني قلت ليهو ما تعلمها لي حركات الكيزان دي قعد يضحك قال لي حبيبي انتي لييه ما زي باقي الحوامل قلت ليهو كيف يعني 😳 قال لي ما حصل قلتي نفسي في كده ولأ عايزه كده قلت ليهو خلعتني قلت الحوامل مختلفين مني في شنو بس احمد ربك انو الحمل ما اثر علي 😅 قال لي الحمدلله يلااا بعد ده نازل لـ جود بسوقها اشتري ليها واجي تمااام باسني في خدي 😘 عايز يفتح الباب ناديتو حسام قال لي حياتو قلت ليهو جيب لي معاك باسطه وكتر لي فيها الجوزيه قال لي خلاص بدينا بس غلطان انا الزكرتك وزي ما قالت ليك جود انتي كده سمينه 😅 صريت ليهو وشي قلت ليهو خليتها 😒 جاني راجع قعد وضماني عليهو قال لي خلاص بوزتي والله دي تشغيله سااااي وجود طفله لم توضعي وترجعي للوضع الطبيعي ح تعرف وبعدين انا لاقي لم نور عيوني تطلب مني حاجه وانا ألبيها ليها 😘 طيب رايك شنو تمشي معانا انتي زاتك قلت ليهو ما بقدر والله قال لي دقيقه مشي جاب لي العبايه من الدولاب قلت ليهو حسام قاطعني قال لي ارح عشاني حبيبي وكلها دقايق ونجي راجعين وبعدين ما تخليك كسلانه كده من هسه 😘
