اول م خلص المكالمة مع خالتو قام قاليها على فكرة انا للان م عارف إسمك لما أصل اقول لخالتي إسمك منو لما أعرفه بيك م ردت عليهو بقت بتعاين في الشارع من قزاز العربية بعدها قال ليها انا ح احترم رغبتك بي إنك م عايزة تتكلمي أو تخلي الناس تعرف قصتك شنو بس كمان عمرو السكوت م كان حل لمشاكلنا انا متأكد انو خالتي هي م فضولية ولا ح تضغط عليك عشان تحكي ليها ح تسيبك براحتك هي اطيب مخلوق على وجه الأرض كفاية انو هي بقت لي أم بعد م فقدتة امي وانا صغير كانت بتعاين ليهو مرة وبترجع تعاين في الطريق مرة تانية من غير م تقول ولا حرف قطع ليها سرحتة لما قال ليها وصلنا نزلو مع بعض اول م ضرب الجرس الباب اتفتح اول كلمة قاله اعفي لي ياماما إشراقة خليتك تساهري بسببي قالت ليهو لا ماف مشكلة يلا اتفضلو سلمت عليها قال ليها دي خالتي الحكيت ليك عنها قال لي خالتو دي البنوتة الح تقعد معاك كم يوم قالت ليها اتفضلي يابتي اعتبري البيت بيتك دخلتة وفتحت ليها غرفة قالت ليها اعتبري الغرفة دي غرفتك دخلت ونطقت كلمة واحدة بس قالت ليها شكراً هاشم كان قاعد منتظر خالتو بعد م خالتو جات حكى ليها كل القصة قالت ليهو غريبة بس هي معقول م عندها أهل طيب ياولدي انا م عندي مشكلة انها تقعد حتى لو مية سنة واصلا انا قاعدة براي وغير الحبشية البتمشي وتجي م معاي زول على الأقل تتقلني قال ليها عارفك ياماما إشراقة مستحيل ترفضي لي طلب شكراً بالجد قالت ليهو انت اكتر من ولدي قال ليها دي الحاجة الأنا متأكد منها قال ليها انا للان م عارف اسمها ولا هي راضية تتكلم بس احتمال تتكلم معاك انتي قالت ليهو انا ح أتكلم معاها بكرة الصباح طيب ياماما إشراقة انا امشي لانو الوقت اتأخر قالت ليهو نوم هنا الليلة قال ليها عندي شغل الصباح بدري م بقدر يلا تصبحي على خير ح اجيكم بكرا بعد أخلص شغل قالت ليهو طيب مع السلامة طلع مشى وهي مشت دخلت غرفته اول م الصباح جا قامت لقته قاعده بتشرب في الشاي صبحت عليها قامت قالت ليها انا جهزتة الشاي قالت ليها م كان تتعبي نفسك انا كنتا ح احضرو قالت ليها م مشكلة ياخالتو إشراقة اصلا انا قمتة بدري وقلتة اجهز الشاي قعدت شربت معاها الشاي قالت ليها م سألتك يابتي انتي اسمك منو قالت ليها إسمي رغبه قالت ليها إسمك حلو بعدها خلصو شراب الشاي إشراقة قالت ليها الغرفة الانتي فيها دي افتحي الدولاب ح تلقي ملابس نضيفة البسي منها دي غرفة بتي سامرين وديل ملابسة رغبه قالت ليها طيب هي وين وليه انتي قاعدة براك فجأة إشراقة وشها اتغير كأنو عايزة تبكي قالت ليها ماتت من تلاتة سنة وهي عروس رغبه قالت ليها ربنا يرحمه قالت ليها امين اتصل هاشم لي إشراقة رفعت التلفون قال ليها ماما إشراقة صباح الخير قالت ليهو صباح النور قال ليها البت أصبحت كيف قالت ليهو رغبه كويسة قال ليها رغبة يعني طلعت اسمها رغبة قالت ليهو ايواا قال ليها هسي دا اسم ولا أهله خلاص الأسماء كملت عشان يسموها الاسم دا إشراقة قالت ليهو ياولدي مالو الاسم دا هسي م سمح م فيهو حاجة قال ليها اصلا وانا مالي أن شاءالله يسموها أي حاجة المهم هي قاعده تتكلم ولا لسه بكمى قالت ليهو من قبيل بنتونس قال ليها يعني فكت حصار الصمت طيب م حكت ليك عن أهله قالت ليهو لا وانا م حبيت اسألة قال ليها طيب انا ح اعدي عليكم بعد الشغل قالت ليهو مع السلامة في شركة هاشم كان قاعد جنبو صاحبو محمد قال ليهو انت بتتكلم عن منو ياهاشم قال ليهو دي وحده لقيته في الشارع ووقعت لي قدام عربيتي وديته المستشفى وطلعت م عندها أهل وديته تقعد مع خالتي محمد قال ليهو يازول انت م نصيح بت من الشارع كيف تدخلة بيتكم ولو حصلت حاجة المسؤل منو ولو عملت لخالتك حاجة وهربت ح تلقاها وين وانت بتقول م عندها أهل واصلا هي شكلها من البنات إياهم بنات الليل والا م كانت للوقت داك حايمة في الشوارع هاشم قال ليهو م أعتقد انو هي تكون كعبة اصلا هي صغيرة والبراءة ظاهرة في ملامح وشها وانا حاسي إنو البت دي عانت وانا احساسي عمرو م خاب وانا عايز اعرف قصتة شنو محمد قال ليهو اسمع كلامي ياهاشم البت دي رجعة مكان م لقيته واطلع لي من جو الإحساس الانتا فيهو دا البت دي ح تعمل ليك مشاكل م ليها اول من آخر قال ليهو اطمن م ح تحصل حاجة في البيت إشراقة مع رغبه كانو طول اليوم مع بعض رغبه طلعت بتتكلم وبتتونس وبتحكي وكانت إشراقة بتسمع ليها وكانت بتحكي ليها عن أولاده العايشين برا وبتحكي ليها عن هاشم وحكايتو مع مرت ابوهو بعد م امو اتوفت
خلص النهار وهاشم جا لقاهم قاعدين يشربو شاي المغرب اول م سلم وقعد رغبه قامت دخلت جوا هاشم قال ليها ياماما إشراقة البت دي هبلة ولا حاجة بدل م تقول لي شكراً ليك لأنك عملتة لي كل الحجات دي شوفيها بتعمل شنو والله صحي كلام محمد صحبي إشراقة قالت ليهو م تزعل هي بتخجل منك قال ليها م علينا بيها اصلا انا حاسبة كأنو م موجودة قالت ليهو بكرا الصباح عايزة اسوقه نمشي السوق أجيب ليها شوية ملابس م عندها ملابس حالياً اديته ملابس سامرين القديمة تلبس فيها هاشم قال ليها سامرين ياماما إشراقة وليه تديها ليهم قالت ليهو ح يقعدو في الدولاب وماف حد ح يلبسهم احسن اديها ليهم وتكون صدقة لروح بتي قال ليها بس قالت ليهو عارفاك عايز تقول شنو كفاية حزن ياهاشم عمرها م ح ترجع
يتبع....
