والحفله كانت رهيبه بـ محمد بشير لم غنى ( الله ورسول انا غيرو ما بدور ) حسام جا علي ويرقص مسكني عشان اقوم ارقص همس لي في اضاني قومي قلت ليهو ما بقدر شايله جود شالها مني وناولها لأمي كانت قاعده جنبي قال لي مافي طريقه الأ تقومي طيب عشان خاطر الاغنيه دي ما ينفع ارقصها براي ماسكني من يدي وماشي هو يرقص وانا اطرقع باصابعي ساااي لم وصلنا الداره شغال يكشف معاااي وانا شغاله اصفق 👏 لم جيت ارجع مكاني مسكني من يديني الاتنين وفضلنا نرقص الاغنيه انتهت قال لي فكرت اعيد عرسنا رايك شنو قلت ليهو قبل ما تفكر شوف جود وانت تلغي الفكره 😅 رجعنا التربيزه شال جود قال ليها ماما ما عايزه ترقص تعالي نرقص انا وانتي والكاميرا مره تثبت العرسان ومره تثبت حسام وجود خالتو نوره جابت حسام وجات قالت لي الأ تقومي ترقصي قمت معاها ماسكاني بيدها الشمال وباليد اليمين ماسكه حسام وهو شايل جود والكاميرا مركز معانا لحدي ما وصلنا الداره وهديل وهيثم جو رقصو معانا 😍 بعد الحفله عملو الجرتق والعرسان سافرو شهر العسل 💕
رجعنا البيت تعبانين وجود نايمه عايزه انوم حسام قال لي اقيفي عايزه تنومي قلت ليهو اااي جاب الحبه قال لي ودي ابلعها انا 😒 قلت ليهو حسام والله ما منها فايده ختاها لي في خشمي وناولني المويه بلعتها وضماني عليهو قال لي انتي خسرانه حاجه لو بلعتيها 😘 قلت ليهو خسرانه قروش خت اصبعو في شفاي نظام اسكتي قال لي تاني ما اسمعك تقولي كده 😠 دافعاها من جيبك انتي طبعا كل يوم كان بخليني ابلعها بالغصب 😔 بعد شهر من عرس هديل كنت دايما تعبانه حسام قال لي ده كلو من مشيك مع هديل هسه هي عايشه حياتها 😉 وانتي هنا عيانه امي جات تشوفني قالت لي والله يا بتي وشك ده ما طبيعي ما عايزه اعشمك ساااي لكن كده امشي اكشفي الحمل قعدت اضحك قلت ليها حتي انتي مصدقه كلام الدكتور ومقتنعه بيهو زي حسام 😅 قالت لي خلاص امشي الدكتور شوفي عندك شنو قلت ليها ده تعب العرس برتاح يومين وبتحسن ☺
المساء نومت جودي وجيت احضر مع حسام في التلفزيون قعدت جنبو في الكنبه بعد شويه تعبت ختيت راسي في رجلو مسح في خدي وقال لي حبيبي الكسلان 😘 قلت ليهو ده كلو بسبب اختك لفلفتني معاها السودان كلو وسافرت خلتني عيانه قال لي رايك شنو نلحقهم عشان هيثم يقتلنا الاتنين 😅 وبدينا نسترجع في زكرياتنا لحدي ما دخلنا الغرفه ...
اليوم التاني بعد حسام طلع الشغل فكرت في كلام امي وقررت اني اكشف الحمل بس من غير ما امشي لدكتور شلت جود ومشيت اقرب صيدليه جبت شريط كشف الحمل ومتررده اكشف ولأ لا اتشجعت وكشفت وطلعت النتيجه عكس المتوقع اداني ايجابي 😳 قلت استحاله اكيييد كشفت بطريقه غلط عشان كده اداني حامل رميت الشريط في السله ونسيت الموضوع بعد شويه جاتني خالتي نوره بعد ما سلمت علي واثناء الونسه قالت لي يا بتي والله عايزه اطلب منك طلب لو قبلتي تبقي ما قصرتي ولو ما قبلتي ما بلومك 😔 قلت ليها انتي تأمري يا خالتو نوره قالت لي والله يا بتي انا عارفه غلطت في حقك كتير بس والله مكانتك عندي زي هديل و واحد وزي ما عارفه يا بتي هديل سافرت وانا وعمك محمد بقينا برانا وانا عندي الضغط والضغط غدار عشان كده عايزاكم تجو تقعدو معانا واصلا الشقه الفوق دي بناها عمك محمد لحسام عشان لم يتزوج يسكن فيها بس حسام قال عايز يأسس حياتو بنفسو ومن يومها مقفوله بس هسه للضروره احكام لو سامحتيني و وافقتي تجي تسكني معانا يبقي كتر خيرك 😘 ولو رفضتي بعتبر روحي ما جيتك ولا فتحت معاك الموضوع ومكانتك عندي برضو بتكون زي هديل يعني في الحالتين والله ما ح ازعل منك اتفاجأت من كلامها يعني علي لخبطة راسي بموضوع الحمل جات لخبطتو لي زياده بالقرار ده😔 طبعا وافقت من غير ما اتردد في الاخر ام حسام تعتبر امي التانيه قالت لي والله جميلك ده عمري ما انساهو ليك وتسلم البطن الجابتك حقيقه والله امك ولدت وربت 😘 قلت ليها ده الواجب 😊 قالت لي طيب ح تشرفونا متين قلت ليها انا ما عندي مشكله اول ما حسام يقول لي نمشي بنجي قالت لي الله يكملك بعقلك 😍
😍
حسام جا من الشغل سلم علي امو واثناء ما بنتونس حسام قال رايك شنو يا أمي اعرس في شجن تاني خالتو نوره قالت ليهو بري بري حرمت تاني ما تعرس ولا تدخل علي وحده كفايه شجن 😍 والله ما في زول قدر ياخد مكانه اها يا ولدي ح ترحلو معانا متين حسام عاين لي وما رد قلت ليها خلاص يا خالتي بس نلم العفش قالت لي الشقه هناك بـ عفشها بس ناقصاكم قلت ليها خلاص بعد اسبوع ان شاء الله وحسام يعاين لي ومستغرب من كلامي قالت لي خلاص منتظرنكم وطلعت مننا مبسوووطه 😍 حسام قال لي بتتكلمي بجد انو نرحل عند ناس امي قلت ليهو اي قال لي والله لي زمن عايز افاتحك في الموضوع وما قادر لاني عارفك مجروحه من بيتنا وخفتك تكوني لسه ماخده موقف وما توافقي تسكني هناك 😢 ومن ناحيه تانيه كان في امي وابوي المفروض اكون جنبهم قلت ليهو اهم حاجه راحتك ومن واجبي اسكن معاك محل ما تسكن انت قال لي والله بحسد روحي انو عندي ملاااك زيك 😍 المسا نومت جودي في حضني وضاماها علي وانا سرحانه في تحليل الحمل الطلع ايجابي يعني بالجد بعد السنين دي كلها يكون عندي طفل وح ينوم في حضني كده زي جودي واثاء ما انا سرحانه فجأه حسيت بحسام زح يدي من جود وشالها انتبهت قلت ليهو موديها وين 😳 قال لي لـ سريرها وداها وجا رقد جنبي قال لي تعالي جراني عليهو ورفع راسي في صدرو ويدو وسط خصري قال لي حبيبي انا شايفك اليوم كلو سرحانه مالك قلت ليهو مافي حاجه قال لي ما يكون عشان قلت عايز اعرس تاني حبيبي انا بهظر والله بس كنت عايز اشغلها لأمي 😅 قلت ليهو عارفه والله قال لي طيب عشان موضوع الرحول عند ناس امي صح قلت ليهو اكيييد لاااا قال لي بس خليك عارفه حياتك ما ح تتغير كتير غير المكان واطمني الشقه فوق مكتمله حتي المطبخ فيها يعني انتي وبتك ح تعيشو زي هسه بس انا بدل امشي المشوار ده كل يوم عشان اطمن عليهم ممكن في اي لحظه انزل تحت واشوفهم ولو قلت لااا نلغي الفكره ويومي امشي ليهم قلت ليهو سومي والله ما عندي مشكله في الرحول وخالتو نوره امي التانيه والبيت تحت وفوق بالنسبه لي واحد قال لي والله لو قلت ليك حياتي انتي وروحي فداك تكون برضو قليله عليك 😘
