اليوم التاني المسا ريم جاتني جاريه في الغرفه قالت لي والله شوفت حسام جا ومعاهو هديل وشايله الطفله قلت ليها كضابه 😍 قالت لي والله العظيم امي جات قالت لي شجن حسام منتظرك في الصالون لفحت توب وطلعت اول ما دخلت عيني وقعت في الطفله ابتسمت من غير ما اشعر 😍 سلمت علي هديل وحسام بعد شويه ابوي وهديل طلعو وفضلنا انا وحسام قاعدين 55 دقايق في حالة صمت قال لي جيت انفذ وصية سمر ودي البنت وبكره سمايتها ح امشي اطلع ليها الشهاده وزي ما قالت المرحومه ح تسميها انتي عشان كده اختاري ليها اسم قلت ليهو ح اسميها زي ما كانت عايزه امها جود 😢 قال لي تمام يلاااا انا ما عندي مشكله انها تقعد معاك هنا بس ممكن نصل لحل وسط بينا انك ترجعي معانا البيت انتي وجود تكونو في غرفه وانا في غرفه وكده ممكن اشوفها في اي وقت قلت ليهو لااا بس هنا 😒 واي وقت تحب تشوفها الباب مفتوح ليك قال لي طيب بكره عامل ليها السمايه عند ناس امي ما فيها عزومه بس نحن رايك شنو تمشي معاها الليله واجيبكم بكره راجعين بقلبي قلت ليهو كمان عايزني امشي ناس امك وانسي العملتو معاي 😏 قلت ليهو انا ما ماشه سوقها هي وبكره لو حبيت جيبها قال لي تماااام عاين لي وعاين لـ يدي نظام وين الدبله بس من غير ما يتكلم قلت ليهو اديتها لـ خالتو نوره قال لي كيف اديتيها ليها 😳 قلت ليهو قبل وفاة سمر اديتها ليها لاني في غنا عنها طلع من غير ما يرد علي قال لي هديل ارح ابوي قال ليهو اقعدو شويه قال ليهو ماشين والله لكن بكره سمايه جود جيت اسوق شجن بس رفضت عشان كده ح اسوق الطفله واجيبها راجعه بكره ويا ريت تشرفونا قال ليهو ان شاء الله مشيت سلمت علي جود وشلتها لحدي ما وصلتها العربيه 😘 وفعلا عملو السمايه وسموها جود واليوم التاني جابوها لي واخيرا بقت بتي حبيبتي ما شاء الله زي الملاك 😍 وامي ما قصرت مسكتها معاي تسكت وتحمي وتغير حسام لم يجي يشوفها كانت بتوديها ليهو امي في الصالون وانا ما كنت بقابلو 😓
يوم جا ومافي زول في البيت الأ انا وريم .. بعد ريم ضيفتو جات قالت لي حسام منتظر بتو في الصالون وديها ليهو 😒 قلت ليها لا وديها انتي قالت لي والله ما توديها اقول ليهو تعال شوفها هنا قلت ليها اصلك حيوانه 😒 شلتها وديتها ليهو وقف سلم علي وشال بتو انا طالعه قال لي مستكتره انك تقعدي معاي قلت ليهو لا بس مشغوله ☺ قعد معاها حبه وناداني قال لي وين عمي صلاح وخالتو ساميه قلت ليهو مافي قال لي طيب هاك جود جيت اشيلها قال لي اقعدي عشان اديك ليها قعدت ختاها لي في رجلي وقعد علي رجلينو قدامي قال ليها متين يا جود يتلم شملك مع امك وابوك وامك تسيب عنادها بس ح انتظرها العمر كلو وعمري ما ح أيأس وباسني في خدي 😘 قال لي وصليها بدلي لـ جود الحيوان جود جنبو بس قلة ادب منو ساي 😅 بس بصراحه لم سمعتو قال لـ جود امك 😍 حسيت بـ فرحه اكتر من غزلو لي بعد دخلت الغرفه ريم قالت لي زي ما عارفه يا شجن بكره انا مسافره قلت ليها والله يا حليلك بس ح اشتاق ليك والله 😢 قالت لي وقبل ما اسافر عايزه اقول ليك حاجه عشان ضميري يرتاح بس عليك الله ماتزعلي قلت ليها شنو 😳 قالت لي اوعديني اول ما تزعلي قلت ليها انتي اخر وحده ازعل منها 😘 قالت لي والله بصراحه انا كنت متواصله مع حسام قلت ليها كيف يعني 😳 قالت لي تتزكري لم كنا في شندي واتصل علي رقم غريب وطلعت بره قلت ليها ولم سألتك قلتي لي الرقم غلط قالت لي بس ياهو زاتو ده كان حسام دي كانت اول مره يتصل علي عشان كده ما عرفتو وبقى كل يوم يتصل يسأل من اخبارك وكنت ما بقصر بديها ليهو كلها بالتفصيل وانا بسمع فيها ومصدومه 😱 قالت لي يعني ما كان جاهلك زي ما بتقولي قلت ليها لييه تعملي كده وما كلمتيني مالك من الاول 😒 قالت لي لأنو حسام قال ما عايزك تعرفي انو بسأل منك عملت روحي زعلانه منها وانا مبسوووطه انو حسام طلع لسه بحبني وما ناسيني قاطعتنا جود قعدت تبكي حتي بكاها عسسسل كانت ماخده كل وقتي 😍
الايام الاولي لم حسام يجي لـ بنتو كنت بخلي امي توديها ليهو اما حاليا بوديها انا 😍 لأني بالجد مشتاقه ليهو وهو كل ما يلقي فرصه يتغزل فيني وانا اعمل روحي رايحه بكره جود ح تتم الشهرين واتعلقت بيها شديييد بقت اغلى من حياتي 😍 حسام جا يشوفها بس صدمني لم قال لي قررت اسوقها تعيش في بيتها قلت ليهو كيف يعني 😱 قال لي بقيت ما بقدر استغنى عنها عايزها تكون جنبي علي طول لأنو الدقايق البشوفها فيها دي ما كفايه 😓 قلت ليهو لو عايز تعال ليها هنا صباح ومسا بس خليها معااي 😢 قال لي لو انتي عايزاها ممكن تمشي معاها قلت ليهو بزعل انا ما بمشي و لو مصر انك تسوقها سوقها 😒 وفعلا ما راعي لمشاعري وساقها بعد ما اتعلقت بيها وكأنو شال روحي 😭 ابوي قال لي لو عايزه تمشي معاهو امشي قلت ليهو لاااا بس قلبي كان بتقطع وبعد حياتي بقى ليها طعم رجعت اكعب من الاول وقضيت الليل كلو وصوت بكاها معلق في اضاني وفضلت ابكي 😍 ...
