نتهيت من البسبوسه وساعدت هديل في بلح الشام خالتو نوره جات داخله قالت لي والله الليله تعبتي يا بتي هديل قالت ليها اي والله انا تعبت شديييد قالت ليها ما انتي ... انتي بتعرفي شنو البركه في شجن انا قاصداها هي قلت ليها تسلمي ده الواجب بعد انتهيت قعدت شويه قلت ليهم بعد ده استأذن خالتو نوره قالت لي علي وين 😳 قلت ليها راجعه البيت قالت لي يعني ما ح تنتظري الضيوف قلت ليها يا ريت والله بس ما عامله احتياطي اني اقعد هديل قالت لي انتي جاده 😳 قلت ليها اي والله قالت لي حسام مش جايي بهنا قلت ليها اي بس زي ما قلت ليك ما عامله احتياطي من حيث الملابس خالتو نوره قالت لي اقعدي وبضرب لحسام يغشى البيت يجيب ليك حاجاتك قلت ليها لا مره تانيه ان شاء الله بقلبي قلت ليها بعد ما خليتني اضوق الضُر قالت لي خلاص اقعدي اتغدي يا بتي قلت ليها ما جعاته والله ودعتهم وطلعت وهديل زعلت مني ركبت في اقرب امجاد وما صدقت وصلت البيت صليت العصر واتغديت ودخلت الغرفة انوم واصلا البيت كان فاضي سمر لسه عند اهلها من التعب نمت من غير ما اشعر ما صحيت الا بصوت حسام ويدو في راسي حبيبي اصحي فتحت عين واحده عاينت ليهو وتاني غمضت قال لي شجن انتي كويسه 😢 قومي اتكلمي معاي فتحت قلت ليهو عايز شنو قال لي جيتي راجعه لييه قلت ليهو انت هسه مصحيني عشان تسألني 😒 قال لي لا يعني انتي كويسه قلت ليهو اي قال لي امي قالت لي شجن اصرت ترجع البيت قلت اكييد حصلت ليك حاجه وما عايزه تكلميهم يا اتدفق فيك زيت حار يا حصلت ليك حاجه وانتي شغاله عشان كده جيتي طيب ما انتظرتيني لييه قلت ليهو عشان كنت تعبانه وزي ما شايف جايه انوم قال لي طيب ما كان تدخلي غرفتي هناك تنومي لحدي ما اجي قلت ليهو قلت احسن اجي وبعدين مصحيني عشان تحقق معاك قال لي لااا صحيتك اطمن عليك طيب خلاص تمي نومتك وباسني في خدي قلت ليهو بعد ده المغرب ح يأذن بصلي وبنوم قعد يضحك قال لي حبيبي مغرب شنو العشا قرب يأذن قلت ليهو كضاب قال لي والله اكلتي حاجه قلت ليهو اي قال لي خلاص صلي وتعالي 😘
وعدت الشهور وعلاقتنا انا وسمر مره نتناقش ومرات كتيره نتمغرز ومره نتونس زي الاخوات
وعدا الشهر وفي يوم سمر تعبت وحسام كان في الشغل بضرب ليهو ما برد ركبنا امجاد و وديتها اقرب مستوصف بعض الفحوصات طلعت النتيجه انها حامل رجعنا البيت سمر قالت لي شجن كلمي حسام انتي انا بخجل 🙈 قلت ليها انتي هبله البخجلك شنو ده طفل ود الجيران مش طفل حسام تكلمي طوالي وانا بجوه كنت بتقطع بقلبي قلت يا ريت لو كنت في مكانك كان حتي ناس الشارع كلمتهم وفي اللحظه دي اتزكرت شريط زكرياتي وطفلي الاجهضتو عيوني اتملت دموع 😭 دخلت غرفتي نزلتها ومسحتها قريب لجيه حسام طلعت هدومو من الدولاب وختيتها في غرفة سمر ورجعت غرفتي سمعت باب الشقه فتح قفلت بابي بالفتاح حسام بقى ينادي فينا شجن يا سمر عشان متعود يلقى وحده فينا في الصاله جا يفتح باب الغرفه لقاهو مقفول بالمفتاح قال لي شجن قلت ليهو امشي لـ سمر عايزاك ضروري 😭 وانا في اللحظه دي دموعي نزلت عشره عشره بس المره دي ما دموع فرح دموع حسره علي حالتي 😢 في يوم من الايام كنت ح اكون مكانها وبقيت اتخيل منظرهم ودموعي نازله بعد شويه باب الغرفه دقه حسام قال لي شجن افتحي الباب قلت ليهو حسام هدومك في الغرفه التانيه قال لي عندي هنا حاجه اهم من هدومي افتحي عشان ما اضطر اكسرو مسحت دموعي وفتحت الباب قلت ليهو سومي الف مبروووك وحضنتو طوالو لأنو لو عاينت في عيونو كنت ح انهار تماما زحاني منو ورفع راسي بيدو قال لي حبيبي انتي عارفه انو الطفل ده طفلك انتي قبل ما يكون حقي صح 😢 هزيت ليهو راسي قال لي يعني ح نهتم بيهو سوا وح يتربي في وسطنا صح في اللحظه دي اتزكرت وعدي لـ سمر لم قلت ليها بعد تحملي ح اتفصل عن حسام ودموعي جرت وهزيت ليهو راسي اااي قال لي طيب الدموع دي شنو قلت ليهو دموع الفرح شوفت عيونو زاتها اتملت دموع طلع من الغرفه وانا حسيت بروحي مخنوقه وعايزه اطق فكرت اني امشي لامي لاني كنت بالجد محتاجه ليها في اللحظه دي 😭
