ف منكم شجن دي دقائق وارجعها ليكم قالو ليهو اتفضل طوااالي قال ليهم كلكم ذوووق قال لي شجن تعالي دقيقه ومشي قعد في مكان هادئ في ركن الكافتريا مافيهو زول جيت اقوم البنات شغلوها لي البتقول لي اختطاف السرور يا يمه والبتقول لي اريتو اختطافي بعد ده والبتقول لي خلي اليخطفنا معاك قلت ليهم رمم حقيرات 😅👊 مشيت قعدت قلت ليهو غريبه اتنازلت من مكانتك وقعدته معاااي في الكافتريا قال لي اعمل شنو ما بقدر اقاوم زعلك ورفضتي تجي المكتب يلااا احكي زهجااانه مالك وبعاين لي في عيوني قلت ليهو مافي حاجه قال لي الزعل ده كلو ومافي حاجه جو بنتين قطعو كلامنا قالو لينا سلام عليكم ردينا السلام اتلفتو علي حسام قالو ليهو استاذ الـ Test قائم ولأ اجلتو قال ليهم قائم بدو يحنسو فيهو انو يأجلو قايلين روحهم لسه في المدرسه 😒 قال ليهم طيب لم اجي المحاضره لأنو ده ما وقت نقاش اعتزرو ومشو قال لي يعني ما عايزه تحكي طيب كان في حاجه حصلت وضايقتك انا ذنبي شنو 😢 قلت ليهو ذنبك انت السبب واتفتحت فيهو طيب انت وقت ما عايزني خاطبني لييه قال لي ده كلام شنو 😳 قلت ليهو وقت متبري وبتشمئز مني جنب الناس ومستعر تسلم علي جنبهم ما كان مجبور تلبسني دبله وترتبط بي تاني جو مجموعة بنات قطعو كلامي قالو ليهو استاذ حسام تسليم الـ home work متين قال ليهم بعد بكره وبدو يسألو فيهو اسئله عارفين اجابتها اصلا بس عايزين موضوع حسام قال ليهو لو عندكم اي اسئله اطرحوها في المحاضره بس بعتزر هسه زي ما شايفين مشغول بعد مشو قال لي واصلي قلت ليهو العندي قلتو قال لي طيب الاحساس ده جاك من وين مع انو كلو غلط قلت ليهو كفايه انك بتتجاهلني في الجامعه وما بترضى تقعد معاي جنب الناس قبيل لم شوفتني ما جيت سلمت علي وبتحاول تبعد مني زي الحاجه الكعبه وعيوني اتملت دموع قال لي يااااااه ده كلو خاتاهو في قلبك طيب اول ما حسيتي كده ما جيتي واجهتيني مالك وهسه انا ما ح اتكلم بس ح اثبت ليك انو احساسك غلط قام وقف ومد لي يدو قال لي قومي تعالي طبعا اتخلعت بمد اليد قلت يكون غلطان قال لي يلااا ارح بعد وقفت مسكني من يدي طبعا من الخلعه غلبني اتكلم مشينا الكاشير وهو ماسك يدي اشتري مويه ودفع الحساب ناولني ليها وجينا لـ هديل والبنات ولسه ماسكني من يدي وانا ما مستوعبه قال ليهم بعد قلت ليكم ح اخطفها منكم دقائق ح تتحول لساعه بس بتحصل المحاضره وانتو ما تقعدو وتنسو المحاضره قالو ليهو نحن زاتو ما عايزنها وفضل ماسكني لحدي ما طلعنا من الجامعه و وصلنا العربيه فتح لي الباب ركبت وقفلو وجا دور العربيه يا دوووب استجمعت قوتي قلت ليهو ماشي وين 😳 قال لي شريكه حياتي ونصي التاني ما فطرت وعايز اعزمها عندك اعتراض قلت ليهو بس عندي محاضره قال لي عااارف ح تحصليها وصلنا المطعم نزلنا جابو لينا المنيو قلت ليهو انا فطرت قال لي بطلي كذب لم جيت الكافتريا كل البنات ماسكين فطورهم الأ انتي طيب كالعاده ح اطلب ليك ع مزاجي وفعلاً طلب بعد فطرنا وشربنا العصير قال لي طيب بعد ده ممكن اوضح ليك خليك عارفه انا من خطبتك اسمك بقي مرتبط بي اسمي واعتبرتك شريكه حياتي الـ ح اكمل معاها باقي عمري صاح انا كنت في يوم طالب زيك وبقعد معاك في الكافتريا بس الوضع اختلف حاليا بس ما تقولي ما بقعد معاك عشان حاجه فيك لا سمح الله لااااااا اطلاقا بس عشان الطلبه واسئلتهم زي ما شايفه في الدقيقتين ديل حصل شنو يعني ما ح نقدر ناخد راحتنا في الكلام وانا بحاول افضي زهني من اسئلتهم عشان ادخل المحاضره وانا رااايق ودكاترنا كان بقولو لينا مقوله انو في حد فاصل بين الاستاذ والطالب لو واحد فينا اتخطاهو ح نفقد الاحترام لبعض عشان كده كان قعدت معاك في الكافتريا في الـ ح يجي يشاركنا في الونسه ودي نفس الشخصيه الـ ح تستهتر بي داخل القاعه عرفتي لييه ما بقعد في الكافتريا اما بالنسبه للمكتب اهو مره مره بتجيني وبنقعد نتونس بس ما طوالي لأنو موقفي وسط الاساتذه والدكاتره ما بصح لي اعمل كده واقلل من احترامهم وبعدين دي ما جامعه ابوي عشان اتصرف فيها زي ما عايز طبعا ده كلو وانا مستمعه وساااكته ومنزله راسي وشغاله اقطع في المنديل قطع صغيره صغيره قال لي طيب ما سألتي روحك مسكت يدك في الجامعه وهنا نحن داخلين هنا فكيتها عارفه لييه عشان في الجامعه عارفننا مخطوبين اما هنا كانو ح ينظرو ليك نظرة بنت ما متربيه واعيد واكرر البمسك باي اساءه بمسني قبلك تمااام يعني ما قصة مستعر منك وانا ساكته قال لي شجن ارفعي راسك وعايني في عيوني وجاوبيني عشان اتأكد كنتي سامعه كلامي لو غلطان في حاجه قولي لي غلطان يلااا منتظر ردك وانا ساكته وهو ساكت بعد شويه قلت ليهو طيب يومين ما اتقابلنا وقبيل لم شوفتني ما سلمت علي قال لي سلمت عليك من بعيد لأنو شايفك واقفه مع بنات ما حبيت اقطع ونستكم بس صاااح غلطان وبعتزر ولك العتبى حتي ترضي وتاني بسلم عليك حتي لو وسط عميد الجامعه تاني في حاجه وبعدين يا شجن انا لو ما عايزك ما كان قاعد في الجامعه عارفه انا وافقت اكون فيها معيد لشنو تفتكري عشان القروش مثلا في حين انو انتي عارفه ما عندهم مرتبات زي الناس بس انا بعتبر انو اكبر مرتب بالنسبه لي انتي كوني اشوفك يومي واكون مراقبك لحدي ما تنتهي عشان اطمن عليك ده المصبرني علي الجامعه واللحظه الـ ح تتخرجي فيها انا ح اقدم استقالتي عرفتي يعني سبب وجودي فيها منو انتي السبب وبعد ده كلو جايه تقولي لي اني ما عايزك 😒طبعا اتفاجأت من كلامو واصل كلامو وبعدين استحملي كلها سنتين وتبقي مرتي وابتسم لي 😉 عاين للساعه قال لي يلااا ارح فضل ربع ساعه لـ محاضرتك الوقت سرقنا وطلعنا ركبنا العربيه قال لي شجن تاني اوعك تفكري بالطريقه دي احساسك ده بتعبني انا والله 😔 تمااام وانا ساكته قال لي لم تكوني زعلانه تبقى زي الرادي ما بتسكتي ولم انا اجي ابرر ليك بتبقي زي الصنم ما بتتكلمي قعدت اضحك نزل لي العاكس حق الشمس الفي العربيه فتح المرايه الفيهو مسكني من حنكي قال لي عليك الله عايني للوش ده وهو بيضحك لو شفتيهو في المرايه عمرك ما ح تزعلي تاني الضحك قلبتو لخجل خجلني الحيوان🙈 .....
وصلنا الجامعه اول ما نزلت من العربيه جا مسك لي يدي للمره التانيه قلت ليهو خلاص صدقتك فك يدي ضغط عليها شديييد قال لي ما ح افكها تزعلي علي كيفك وترضي علي كيفك مش قلتي انا ببتعد منك وسط الطلبه طيب خلي الطلبه يشوفونا كده وفضلنا متماسكين واصلا كلهم عارفين قصة حبنا وارتباطنا لم وصلت القاعه لقينا الدكتور دخل ليهو 5 دقايق قال لي يلا منتظرك دقي الباب وادخلي قلت ليهو ادخل وين 😳 ده دكتور ياسر صعب ما بدخلني قال لي طيب تعالي مشى دق ليهو الباب وانا واقفه بعييييد الدكتور جا فتح الباب حسام اتكلم معاهو قال لي تعالي ادخلي وخليك عارفه بس عشان انا السبب في تأخيرك لو ما كده كان خليتك بره
دخلت القاعه وكالعاده بعد المحاضره شغلوها لي بمسكت اليد هديل قالت لي الولد ده عملتي ليهو شنو قلت ليها وحياتك بس اتكلمت معاهو انا زاتي اتخلعت 😅 نهاية الدوام لم طلعنا انا وهديل مشينا لـ حسام في مكتبو دخلنا عليهو قال لـ هديل البنت الزعووله المعاك دي منو قصدو انا هديل قالت ليهو انا زاتي ما بعرفه لقيتها هنا وصاحبتها قلت ليهم هووووي 😠☝ قال لي خلاااص خلااااص قال لـ هديل صحبتك دي طلعت حساسه وبتزعل وقعدو يضحكو طلعنا وصلني البيت قال لي بالمناسبه بكره ما تطلعي ح نجي غاشنك قلت ليهو ما في داعي قال لي لا في داعي وخلال السنتين ديل بنمشي مع بعض ونجي راجعين مع البعض ويوم التخريج ولحظه استلام الشهاده طلع معاي المنصه استلم شهادتي وكذلك استلم مع هديل واسرتي واسرتو كانو قاعدين مع بعض بعد التخريج انتهي خالتو نوره ام حسام قالت لامي يوم الجمعه شرفونا من الصباح عشان عايزين نعمل لـ هديل وشجن مع بعض عزومه بمناسبه التخريج وبتمنى انكم توافقو امي قالت ليها والله شجن زاتها ابوها عامل ليها كرامه خالتو نوره قالت ليها مالو نعملها مع بعض في بيتنا عشان اهلي زاتهم يشوفو خطيبة ولدي لانو يوم الخطوبه ما كان جو كلهم عليكم الله خلو الحاله وحده وتعالو وانا بهناك شغاله ونسه مع ناس الدفعه وبنودع في بعض وما جايبه خبر.. طبعا لم امي كلمتني قلت ليها ما كان توافقي قالت لي نوره اصرت علي ومن حقها توري اهلها مرت ولدها المستقبليه يعني ما فيها حاجه
يوم الجمعه من الصباح قمت لفيت شعري كعكات عشان التسريحه تظبط 😅 بعد صلاة الجمعه اتظبطت وطلعنا وانا متوتره عشان اول مره اجتمع في بيتهم وصلنا لقيت حسام واقف جنب الباب ولابس جلابية الجمعه وااااي ثم واااي 😍 سلم علينا واداني غمزه الحيوان دخلنا لقينا خالاتو وعماتو اكرمونا اخر كرم بعد شويه هديل جات قالت لي تعالي معاي خليك من ونسة النسوان دي طلعت معاها في الحوش عندهم زي جنينه فيها كراسي لقيت الشباب ماشاء الله كلهم قاعدين عرفتني علي بنات واولاد خالتها واولاد عمتها ظريفين شدييييد بعد شويه جا حسام قال ليهم هوووي خطيبتي دي ما تخربوها لي ما عندي غيرها ود خالتو قال ليهو وبالنسبه للبنت التانيه ديك طبعا انا اتخلعته 😱 حسام قال ليهو هووووي يا زول البنت دي بتصدق والله قال ليهو ما تصدق مش دي الحقيقه وانا بقلبي بقول ليهو طيييب كمان جابت ليها بنت بعد شويه ود خالتو قال لي والله كنت بهظر معاك حسام ما بعرف اي بنت البنات البعرفو بس كان فاتح ليهم 😅 نطت بنت عمتو قالت لينا ما حددتو مواعيد العرس حسام قال ليها قريب ان شاء الله قالت ليهو متين عليك الله عشان نلحق نمشي السوق قال ليها قريب والله بس خليك جاهزه وانا اتخلعت من ردو اجييي يا قريب وانا ما عندي علم عدا اليوم ونحن طالعين حسام قال لي بالمناسبه هديتك حقت التخريج ما ناسيها بعد يومين ح تصلك في البيت وفعلا بعد يومين امي صحتني من الصباح قالت لي يا بنت قومي نسابتك ضربو قالو جايين قلت ليها جايين وين 😳 قالت لي جايين للجيران ح يكون جايين وين يعني قومي بطلي نضمي وقومي نضفي قلت ليها جايين لييه 😒 قالت لي ناس قالو جايين يشربو معانا شاي المغرب نقول ليهم جايين لييه 😒 قلت ليها القال منو جايين قالت لي ضرب محمد ابو حسام لأبوك وكلمو هسه قومي علي البيت ده نضفيهو وامي طلعت طوااالي مسكت تلفوني اتصلت علي حسام جرس لم قطع ما رد قمت شربت الشاي وربطت شعري و نضفت البيت زي بكره العيد تلفوني ضرب لقيتو حسام قال لي شايفاني في احلامك ولأ شنو ضاربه من الصباح قلت ليهو اول وريني جايين لشنو قال لي يعني ما مرحبين بينا ولأ شنو قلت ليهو لاااا بس عايزه اعرف السبب لأنو غريبه فجأءه كده جايين قال لي ما ح اوريك لم نصل بتعرفي وبعدين انا افتكرتك اشتقتي لي وعايزه تصبحي علي بس يا خساااره غيرت الموضوع وقلت ليهو يلااا ح اعرف من هديل وقفلت الخط تميت نضافتي والمسا منتظره اشوف حسام بفارق الصبر طلعت سلمت عليهم وكانت المفاجئه جو يحددو موعد العرس وصدموني انو بعد 3 شهور بعد رجعو البيت حسام اتصل علي قال لي اها هديتي عجبتك 😍 قلت ليهو ختيتها وين ما شوفتها 😳 قعد يضحك قال لي كونو احول الدبله من يدك اليمين للشمال دي براها ما هديه قلت ليهو بس 3 شهور قريبه يااااخ 😔 قال لي حرام عليك انا شايفها زي الـ 33 سنين لو اهلنا بوافقو كان جبت معاااي الماذون قبيل والله اصلا ما في حاجه بتهمني غير نجتمع انا وانتي وتبقي حلالي 😍 قلت ليهو عايز توفر حق الصاله صاح 😏 قعد يضحك قال لي شوفي انا همي شنو وانتي همك شنو الله يصبرني عليك قلت ليهو شنوووو 😠 قال لي قلت الله يقدرني واسعدك اتونسنا مسافه وقفل الخط طبعا حسام قدم استقالتو من الجامعه واشتغل في شركه خاصه وعدت الايام و ال 3 شهور ....
