ورجعت البيت وبالي مشغول علي حسام كيف ما جا الجامعه اذا كان وصلني لحدي الباب 😢 بعد شويه تلفوني ضرب جيت جاريه لقيتها هديل قالت لي خلاص لقيتو قاعد في البيت بس قافل علي غرفتو بعد يطلع بتصل بديك ليهو قلت ليها لااا ما عايزه اتكلم معاهو كفاية اطمنت عليهو وقفلت الخط والليل بالنسبه لي كان طويل زي السنه حضنت الزكريات لحدي ما نمت اصبحت الصباح ونفسي مسدوده من اي شي لو ما تساؤلات امي وابوي ما كان مشيت الجامعه بس قررت اني ما اخلي موضوع انفصالنا يأثر علي مستقبلي وفعلا وصلت الجامعه وقبل ادخل كنت شايله هم اني اقابلو لاني ما كنت عارفه اتصرف كيف اسلم عليهو عادي او اطنشو واعمل روحي ما شايفاه فوضت امري لربنا ودخلت بس الحمد لله ما لقيتو قابلت اصحابو سلمت عليهم عااادي لم دخلت القاعه سلمت علي هديل قالت لي اصبحتي كيف قلت ليها الحمد لله قالت لي شكلك تعبانه ما نمتي ولأ شنو قلت ليها لا نمت قالت لي والله ازمه وبتعدي قلت ليها والله انا اصلا نسيت وانا كضابه 😔 كان نفسي اسألها منو بس عزة نفسي ما بتسمح لي طبعا احلي حاجه انو علاقتنا انا وهديل ما اتأثرت لينا يومين انا و حسام ما شوفنا بعض يوم قاعدين انا وهديل في البينش جات سمر قالت لصحباته واااي ما شوفتو الليله جيت مع منو قالو ليها مع منو قالت ليهم بأعلي صوت جيت مع حسام طبعا قاصده انها تسمعني قالو ليها وااااي كضابه قالت ليهم وربي الخبر نزل علي زي الصاقعه 😢 هديل قالت لي ما تشتغلي بيها وانا حسام والله ما بخلي قلت ليها والله قلت ليك انا نسيت وحسام بالنسبه لي بقى شخص مبهم وبعدين لو عايزه خوتنا تستمر تاني ما تزكري اسم حسام جنبي ولا تجيبي سيرتي لـ حسام والله يا هديل احس بيك ساااي اتناقشتي معاهو بسببي ح يكون دي اخر علاقتنا قالت لي يخسي عليك 😐
وعدا اسبوع في يوم انا وهديل نازلين الكافتريا قبل ما ادخل لمحت حسام مع سمر واخر ونسه وضحك ومعاهم عمر صاحب حسام في اللحظه دي غلبني اتمالك نفسي حسيت بدمعتي عايزه تنزل حبستها بالمنديل 😢 هديل لاحظت لي بس عشان ما تحسسني عملت رايحه قالت لي ارح نرجع القاعه ونجي بعدين قلت ليها لااا انا جعانه مشينا الكاشير وهو لمحني بس ما اهتز و واصل في ونستو وضحكو اشترينا وجينا وسمر كل مره تزيد في المياعه والضحك الـ من غير سبب 😒 صاح انفصلنا بس روح الغيره الجواي ما ماتت قلت لـ هديل امشي اقعدي مع اخوك عااادي والله لو عايزه قالت لي لااا ما ماشه وشغاله تحمر لـ سمر كأنو هي المشلوبه ما انا 😅 جا ولد اسمو محمد من دفعتنا قعد معانا وفضلنا نتونس في اللحظه دي حسيت بوش حسام اتغير وبقي مركز معانا ما اديت الحكايه اهتمام قلت اكييد عشان اختو اليوم التاني ونحن قاعدين في القاعه جات سمر سلمت علينا قالت لـ هديل اخوك ظريييف امس وانا طالعه من الجامعه حلف الأ يقدمني في طريقو هديل قالت ليها اخوي وانا عارفه طبعو بيساعد اي محتاج من باب عمل الخير ليس الأ 😊 شكلها اتحرجت تستاهل
وعدا شهر من انفصالنا والجامعه كلها عرفت في البجي يسألني وحاولو يصالحونا وفي البنات المنبرشات في حسام كانو فرحانين وشمتانين فيني واقرب مثال سمر طبعا طوااالي حسام وسمر بقعدو يتونسو في الكافتريا وانا كنت اي ولد ماشي الكافتريا بمشي معاهو كنت بحاول اثبت لـ حسام انو ما هاميني ويمشي هو وبجيب عشرة بدلو وكنت لم اصل جنبو بتونس واضحك مع الولد البكون جايي معاااي 😌 وقبل ما نصل الكافتريا كنت بديهو القروش يمشي الكاشير وانا بقعد انتظرو ويجي يجيب لي الفطور عشان حسام يشوفنا يفتكر الولد عازمني وكنت بقرأ ملامح الغضب في وش حسام وانا بكون مبسوووطه 😌 مع انو علاقتنا انتهت من شهر
يوم حسام دخل لـ هديل في غرفتها قال ليها عاجبك البتعملو صاحبتك دي قالت ليهو مالها عملت شنو غدرت بيك وطعنتك ومشت صاحبت ولد دفعتكم 😒 طبعا هديل قاصداهو هو وسمر قال ليها هديل ما عايز معاك طول لسان بس احسن تكلميها تبطل البتعمل فيهو ده كلو يوم مع ولد شكل 😠 قالت ليهو مش اتفصلتو ما بحق لي امنعها حره في نفسها طلع منها وقفل الباب بكل قوه اليوم التاني هديل جات مبسوووطه قالت لي وااااي يا شجن ما شوفتي امس حسام قال لي شنو والغيره في وشو قلت ليها هديل مش اتفقنا انو ما تفتحي لي سيره حسام ولأ ح نخسر بعض قالت لي والله بس احكي ليك دي وخلاص وانا بصراحه الشمار كان قاتلني 😅 حكت لي الحاصل كلو بعد سمعت قلت ليها والله ما بهمني وانا وحسام وصلنا للاخر من غير رجوع يكفي انو الجامعه عرفت علاقتهم هو وسمر قالت لي والله متأكده ما عندو علاقه مع سمر قلت ليها ما بكضب عيوني واصدقك جات سمر لصحباته وكالعاده بأعلي صوت قالت ليهم وااااي حسام عازمني الليله فطور 😍 طبعا بتتكلم بصوت عالي وبتعاين لي اتلفت علي هديل قلت ليها سمعتيها ولأ اناديها ليك تعيد ليك كلامها 😒 قالت لي والله متأكده انها كضابه وهسه ح امشي اشاكلها قلت ليها هي ما عندها ذنب ولو عايزه تتأكدي اسألي اخوك قالت لي انا اخوي متشاكله معاهو ما في بينا كلام قلت ليها
ولا عندك حق تسأليهو لأنو دي حياتو الشخصيه وهو حر فيها 😔 بس من جوه كنت بغلي بعد ما انتهت المحاضرتين الاوائل سمر قالت لصحباتها بعد ده ماشه لـ حسام عشان ما اتأخر عليهو وادتنا انا وهديل ابتسامه وهي طالعه بعد شويه هديل قالت لي والله ما اخليهم وطلعت وراها مشت قعدت معاهم وسمر ما راضيه هديل تقعد وانا نازله اشوف الحاصل لمحت احمد صاحب حسام الـ كان عايزني ناديتو وقف بعد سلمت عليهو قلت ليهو ماشي الكافتريا قال لي اااي قلت ليهو خلاص نمشي سوا وفعلا وصلنا الكفتريا هديل شافتني لم اتخلعت ما متوقعه انو انا واحمد نكون مع بعض تعاين لينا ومنططه عيونا 😳 وحسام قاعد عكس ما شايفنا وانا همي كلو كيف اخلي يتلف علينا قلت لـ أحمد عاين ناس حسام قال لي انتو مختلفين ولأ شنو شايفو الايام دي مع البنت دي كتير بس ما يكون شوكشوك قلت ليهو لاااا يااااخ ما كده هسه اثبت ليك تعال نسلم عليهم وانا اصلا ده كان هدفي انو حسام يشوفنا مع بعض مشينا عليهم قلت ليها هدول طبعا حسام بسرعه رفع راسو عاين لي بس مسكين اتصدم لم شاف احمد معاااي وانا اعجبكم واصلت كلامي يخسي عليك تبيعيني بس ما مشكله 😙 وهديل المسكينه بقت مخلوعه من تصرفي احمد سلم علي سمر وانا اتلفت علي حسام قلت ليهو حسام اخبارك ومعاها ابتسامه ☺ بس من غير ما امد ليهو يدي في اللحظه دي شوفت الوان الطيف في وشو وعيونو شرار وبعد ده كلو ما رد لي السلام بس انا وصلت للعايزه 😌 قلت لاحمد يلااا عشان ياخدو راحتهم ولاحظت لحسام كان شايل قلم في يدو بدأ يلعب بيهو بعد اتحركنا احمد قال لي شجن انتي عملتيني كبري صاح 😅 قلت ليهو كيف يعني قالت لي عايز توصلي مفهوم لحسام عن طريقي صاح قلت ليهو ما عرفتك يا المحلل السياسي 😒 قال لي المشكله ما هنا االمشكله عندنا ماده ومعتمد علي حسام يشرح لي يلااا من هسه مبروووك علي شيل الماده قلت ليهو يلااا عزومه رسوبك علي 😅 قال لي حيوانه وقعدنا نضحك واتفارقنا و حسام كان مراقبنا بعد شويه قام منهم هديل جاتني قالت لي شجن يا خطيره كان تكلميني انفذ معاك الخطه قلت ليها يا بنت خطة شنو انا واحمد اتقابلنا صدفه قالت لي ما شوفتي لم قعدت مع ناس حسام سمر ما فضل الأ تاكلني بسنونها قلت ليها النصيحه لو دي انا كان فرمتك وعملتك فسيخ وفجأه اتزكرته اني في يوم كنت في مكانها وعم الصمت بينا انا وهديل واترسم الحزن في ملامحنا 😔 ......
