انثـي قـاتلـة .. ❤ الحلــقة " 19 "
محمد : تعرفي مقعمز مع ولاد عيلة و جنبي خوتك
سحر : خود راحتك و هدرز معاهم اصلا بنرقد انية
محمد : لا خليك نبي نحكي معاك
سحر : لا مبيخها لقطة تهدرز معاي و جنبك خوتي .. سلام
محمد : براحتك .. ديري بالك ع روحك .. و متطرحيش هلبا غدوة في حنة منبيكش تطلعي حلوة تو يجو يخطبوك .. نبيك تعنسي ..باهي ؟
سحر : هههههههههههه مهما حاولت نطلع شينة قاعدة حلووة و لا عندك مانع -.- هههههههههههه هي تصبح
محمد : تصبحي ياشينة ❤
:: سـحر ::
أحساس انك قريب مني و دقات قلبي و نفسي العميق و كل شي من توتر و خوف .. أنك حاليا قاعد في حوشنا رآقد في حوشنا .. ❤ من حســـن حظي أن دآري أطــل ع صالة يلي رآقد فيها محمد ..❤ بس رغم فرحتي و توتري .، كنت مقهورة أن في نفس حوش و مش قادرين نشوفوا بعض .. طول الليل نفكر فيـك .. بأحساس قريب .. مقدرتش نرقد و مقدرتش نكلمك .. خوتي جنبك .. و طبــعاً لقطة مش حلوة أن نحكي معاك جنبهم و هما ميندروش أنىيلي تحكي معاهم أختهم .. رغم أن عـارفه روحي مدايرة حد .. و ان كل اللي بينا مجرد خواطر منا و كل الملموس مجرد صداقــــة و أخوة .. بس مهما كانت خوتي تآج راسـي منحبش نصغرهم في شـي .. حتى لو كان شي عادي .. خوتــي و أهلى قبل كل شي و قبلك ! نضت صــبح بكري .. لبسـت تيشيرت أخضر في بيج ..❤ و وشآح بيج نسقت و هک حركات :-D ❤ هههههه و فتحت روشن دآري و ضميتها .. لمحت محمد من روشن ..❤ و قعدت عالقة في هذآكا روشن هههههه نشوف فيه أول مرة نركز فيه شوي و اني خايفة يقيم راسه و يشوفني ههههههههه .. و انـــي منسجمة جت خلعتني أختي نور و لقتني نشوف لمحمد ❤
نور : حي حي و اني نقول خيرك مكبشة في روشن
سحر : اسكتي تو يسمعك راااهووو قدامنا بزبط
نور : ياا سسسسسحر
سحر : اسكتي نقصي صوووتك
نور : ههههههههههههههههههههههه سحرررررررررررررر ياااااااااااا سحرررررررر تعاااااااااالي
سحر : وووه ديما مدايرتيلي عااار تفوو ياكلبة .. شوفي هااا قام راسه طبسيي قبل مايشوووفنا
نور : هههههههههههه خليتيه شاافك !!
سحر : لااا مدخلكش قلبي وجهك قلبه تقلبك .. اني ماشية لحوش عمتي هي باي
نور : هههههههههههه ناااض ره ابصر وين مشي ههههههههههه سلملم :-P ::سحر::
طلعــت و كيف سكرت بآب حوشنـا ❤ لقيت محمــــد 😍كان ع جيهة اليسار و اني كنت ح نمشي في جيهة اليمين ❤ قلبي يدق بسرعة .. تلفتت جت عيني في عينه .. ❤ قلبي نحس فيه بيطلع من مكااااااااااااااانه .. نحكي معاه و مانتحشمش من أي شي معاه بس لما شفته وجهيولا أحمر و كأنــي منعرفتش و كأني مش نفس شخص يلي نحكي معاه ليآ اكثر من سنة .. تحت مسمى صداقة .. و كأني مش نفس شخص يلي شفته لأول مرة في شرق طرابلس و اني شادة في كتفه .. ❤ .. كانت مسافة بيني وبينه بعيدة شوية ممكن 5 متر .. خديت نفس و محبيتش نركز هلبا تلفتت و خليته ورآي و اني نمشي لحوش عمتي و هو ورآي .. حسيته مركز فيا هلبا هههههه و اني تلخبطت و معآش عرفت شن ندير قعدت نمشي كأنه رجل ألــي باش ميركزش من ورآي محبيتش يشد عليآ شي لا في لبسي و لا مشيتي و لا حاجة .. نزل عليا خوف و حتى ابتسامة مقدرتش نبتسم ! ..❤ وصلت لحوش عمتي طبعا بحكم انه في نفس شآرع فقآعد يشوفلي و انى بحركاتى عبيطة و مشيتي بآش تكون مستقيمة هههههههه اكيد فآهميني :'( وصلت لحوش عمتي وقفت قعدت نفكــر نتلفت نشوفله أو لا ! و أخيراً قررت منتلفتش تو يقول خفيفة .. هههههههه خشيت للحوش .. منار : صبااحوو
سحر : صباااح العسسسسل و الورد ❤
منار : حمااامة زاهية :-D
سحر : هههههههههههه ابداااا اني ديماااااا فرحاانة❤
منار : :-\ هههه دوم عليكة
سحر : تعااااااااالي تعاااالي نخشووو للصاالة بنفتح منظوومة خ نرقصووو :-*
منار : مهبوولة هههههههههههه هي
سحر : شفت خوك حقا :-D
منار : و حق ربي توقعت ههههههههههههههههههههههه :-P
سحر : مصحححك ههههه
منار : هذا ليش فرحانة انتي
سحر : نفرح و نزعل من وخي اي ^^ :-)
منار : ههههه ❤
حنان : يا بناااااات برووووو بدلووووو راهو قريب يووصلوو اهل العريس و يجيبو قفة
سحر : باهي اني بنروووح نبدل و نواسي روحي و نجـي
منار : امشي لحقي بسررعة و طبعا منووووصيكش عيونك لووطة ههههههههههههههههههههههه
سحر : هههههههههههه خزي خزي لوطة ديما عيوني :-P
:: سحر ::
روحــت ملقيتهآش قدام الحوش ~ خشي للحـوش لقيت ماما ❤
فاطمة : تي اسمعي يا بنت
سحر : نعم ماما
فاطمة : امشي ديري قهوة لجمال و ولده محمد في دار قاعدين و خوك معتز باعتته للمحل تو يجي مهم دخليهالهم كان ملقيتيشي
سحر : منووووو منووووو 😳
فاطمة : تي جمال ولد عمك و ولده ديريلهم قهوة و بعدين بدلي و امشي لحوش عمتك
سحر : من عيوووووووووووووووووووووووونـي :-*
فاطمة : :-\ ~ مشيـت وتيت سفرة القهــوة و درتها و انـــي خايفة كأنـي معمري درت قهوة في حيآتي و خايفة أنها متجينيش بوجه .. ❤ وتيت سفؤة و كيف نزلت دور تآني بنرفعها و قلبي يدق .. صارلي ضيق تنفس ههههه .. و سآويت روحي و وشاحي ;-)
و كيف جاية بندخلها طقطقت ع باب شفت جمآل قدامي .. قدمت خطوة بنمدله قهوة و بنسلم عليه .. جـــي خوي معتز .. :-(
و فنص فيا بتاع متخشيش .. كأنه مش رايدنا نتلآقو .. خدي مني سفرة و قالي امشي .. مشيـت بدون ما نسلم لا ع محمد و لا بوه جمال .. وقفتني ماما
فاطمة : سحررر مش قتلك ارفعي قهوة
سحر : خذاها مني معتز :'(
فاطمة : تي خشي خشي نبيك تعطيهم قهوة بش تاخدي سفرة فطور و شاهية من قدامهم امشي جري
# سلمها ماما تي نخدمها بعيوني اني
سحر : حااااااااضر :-*
خشــيت .. وووووووووه خشيت ..❤ معتز يفنص درت روحي حولة منشوفش فيـه ..
ناض بو محمد و قعد يسلم علياا
جمال : اهلا اهلااا يا بنت عمــي وووووينك وووينك مشفنكاش بكل شنو داسينك
سحر : ههه لا كيف حالك عــــــمي جمال
جمال : الحمدلله و انــــــتي وينك لا ادوري لا شي
سحر : هههه قاعدة انتم متجوناش طرابلس ..
:: مــحمد ::
شفتك صبح بس معرفتش هل هذيـ انتي ولا وحدة من خواتك .. بس اللي أكدلــي أنك أنتــ لمآ خشيتلي سلمتي ع بوي و قلتيله عــمي ! طول عمري نتعارك مغعاك لأنك تقوليله جمال حااف .. صدميتني لما قلتي عمي عيوني كانوا عليك سرحت و معاش نندري ع عقــلي .. تتكلمي مع بوي و اني سرحان فيك .. عمي .. طالعة منك حلوة كلمة ..❤ يــــــارب يجي يوم و يكون عمك حق ! تتكلمي و اني قلبي ح يطلع من مكآنه كنت نبي نجي نحضنك .. و الله حسيت روحي قاعد معاك انــــــتي بس معاش شفت بوي و لا خوک ! خشيت في عالم تاني .. قعدت نتأمــل فيك و بس .. ❤ .. ياغالية ~ متوقعتكش طرف هكي .. و ضاعفـــة هلبااااااااا مكنتش نتوقعك بضعف هذا لآنك كنتي بطة .. و تهبلي ❤ و حالياً هيكل عضمي ! و في الحالتيـن كنتي في عيني أجمـل بنت ❤
:: سحر ::
بعد ما حكيت مع جمال .. عمي جمال .. ههه طلعت بروحها كلمة عمي ! بعد ما حكيت معاه و انـــي نشوف لخوي معتز كيف متعفلق و يبيني نطلع جيت بنسلم ع محمد بس عيني في عين خوي مقدرتش .. أشرت لمحمــد بأيدي و قتله نورتنــ❤ـا .. و خلآص طبست بنقيم سفرة فطور من قدآم محمد و اني خايفة و متوترة محمد مخلآنيش نقيمها .. قامها و عطاهالي .. ❤ شديت ضحكتي و شاد ضحكته .. و نشوفوآ لبعض و هو يمدلي في سفرة ..❤ عيني مقدرتش تجي في عينه و انـــي متحشمة هههههههههههه و نسيت خوي و عمي جمال و ماما اللي اضبح عليا و العرس يلي ف حوش عمتي و اهلى العريس و قفة و كل شي و عشت لحظـة معاه ..❤ انـــي متأكدة خوي معتز حس أن نحكو مع بعض .. لأن نظرآتنا كانت مكشوفة و ضحكتنآ كانت خجولة .. ❤
طـلعت من مربوعة و أمي قتلي ارجعي معاي بنعطيك حاجة .. هههه خشيت من جديد وقفت ع باب و قتلها هيا يا ماما وقت عليا .. و طبعا نرقق في صوتي و حركات ههههههههههههههههههههههه ❤ قلبي قلبي قلبي .. نحبــــ❤ـه ركبت لدآري و انـــي بنمووت من الفرحــة .. ❤
لبست قفطآن و وآسيت شعري و درت مكياج خفيف بكل مرح و اني نفكر فيه .. لبست عبآيتي و مشيت لحوش عمتي ..
منار : خيرك تأخرتي ؟؟
سحر : ❤ و لآ حاجه درت قهوة
ممار : متاكدة ولا حاجة
سحر : هههههههههههه اكيد
منار : واضح عليك ان ولا حاجه ❤ عموما تقدريش ادسي شي عيونك واضحات
سحر : عيـوني .. خيرهم ❤
منار: و لا حاجة :-\
سحر : هاااتي ايديك و تعالي نرقصوو خاطري نهيج ❤❤ اللي بينا مش مجرد احساس اللي بينا ضحكة جاية من قلب من شكلنا خلاص بان علينا في حالة عيشينها متغيرة دنيا في عينينا بأينا حبينها في أحساس بيكبر سوا في عيني انااااا شايفه حقيقي و انا حسـاه مع بعضينا اكيد بكرا اجمل جي وقتينا نعيش احلى سنين في ايامنا .. ❤ اللي بينا مش مجرد احساس ضحكة جاية من قلب .. ❤
حاجة جميلة حياتي تحلو في حاجة في جو بدفيـنا ..~ أُعللُ قَلبي في الغرامِ وأكتمُولكنَ حالي عن هَوايَ يُترجمُوكنتُ خَلياً لستُ أَعرفُ ما الهوىفأصبحتُ حَياً والفؤادُ متيمُ . ..
يتبع
