أنثـــى قاتـلة .. ~
الحلــقـة "25"
محمد : مش عارف لا .. ممكن تسألي لو نحب او لا ح يكون جاوب اوضح
صفاء : باهي تحب ؟
محمد : امي
صفاء : اه ربي يحفظها
محمد : و بنت تانية
صفاء : من هذي
محمد : صديقة قبل
صفاء : ماضي مش مهم ... ;-)
* ع قــد ما كانت كلمات مختصرة إلا انها اطول محادتة و اكثرهااا نفخ ! مع بنت مخاطريش حتى نعرف عليها شي اللي مصرين تكون خطيبتي ! و انـــي مش قادر نسأل حتى ع اسمها و بكل وقاحة نحكيلها ع اللي نحبها .. بس كــــــانت اوقح مني وقتلي ميهمش ماضي ! هـه متفهمش !
صفاء : مش مهم هذااا كله ;-) المهم مستقبلنا و حاضرنا مع بعض :-*
محمد : هيييه هييه وين وين ؟؟؟؟
صفاء : خيرك
محمد : خشيتي في مستقبل. تي خلينا ف حاظر و ان شاء الله اتم محادتة بخير هذيـ :3
صفاء : اممممممممم خيرك متبيش تكلمني ع فووون
محمد : متحشم و الله -_-
صفاء : هههههههههههههههههههههههههههههههههههه تعجبني ^^
محمد : استغفر الله العظيم
صفاء : خيرك
محمد : واحد يذكر في ربه خيرك انتي :3
صفاء : من كساد
محمد : مغرب يأذن ماشي جامع باي
صفاء : مش لاازم تمشي صلي في حووش خاطري نحكي معاك
محمد : مصح وووجهك !!! فعلااااا مش ح نلقاااا زيهاااااااااااا كاااااااانت تهزب فياااااااا بش نمشي جااااامع و انتي متبينيش نصلي !!!!!! الفرررررررررررق كبيييييييير يااااااااااااااربي واااااه اقلبي وجهكككك من عليااا
صفتء : ح انسيک فيهآ بس بعد ما تقولي ليش سيبتو بعض ..
:: صفاء ::
كنت نعرف أنــه محمد يحب وحدة بس منعرفش ليش سيبوا بعض .. ميهمنيـش المهم ح يكون ليـا انـــي !
و بعدين ههههه مفيش حد معنداش ماضي حتى اني كنت نحب اممممممممم مش واحد .. هلبااااااااا ;-)
~~
محمود : سحر نقولك حاجة و في نفس وقت بنطلب منك طلب !
سحر : تفضل
محمود : اني مش شايفك قبل
سحر : كيف !!! املا علاش تعرفت علياا !
محمود : وساام يشكر فيك هلباااا و قالي مش ح تلقى بنت متربية زيهاا
سحر : ..............
محمود : و فعلا كان قد كلامه و مش ح نلقى بنت متربية زيگ
سحر : امم
محمود : فيک كل صفة حلوة محافظة ع دينك .. عاطية حدود .. اسلوبك راقي .. هههههههههههه و شكلك الله اعلم :-D
سحر : ههه حولة و سمييييينة و مريشة هههههههه محمد ديما يقولي هكي كان
محمود : شن دخلي في قريبك ؟ معاش تجيبيلي سيرته
سحر : ليش
محمود : و الله مش رفضتيه ؟؟ ليش تحكي عليه ؟؟ كان تحبيه امشيله
سحر : متتجاوزش حدودك
محمود : اسف .. بس طبعي نغار هلبا
سحر : شن في بينا باش تغار !
محمود : اني معجب بيك هلبا
سحر : هههه كويس
محمود : نعم !
سحر : شن تبيني نقولك يعني ؟
محمود : نقولك اني معجب بيك تقوليلي كويس !! .. قداش ليناا نهدرزوو
سحر : منعدش
محمود : لهدرجة مش هامك .. اممم لينا 3 شهور
سحر : كانوووو اطول 3 شهور
محمود : يعني اني قاعد فوق قلبك ؟؟؟
سحر : ههههههههههههههههههههههه نبصر نبصر
محمود :وقت بصارتك هووووووووووو
سحر : باه اهو معاش بنضحک هي كمل :-D
محمود : باي
سحر : اوكي باي
* مشيت لثانوية و حكيت لصاحباتي
اميرة : ههههههههههههههههههههههه ياناااري يحسابك لما بيقولك باي بتشدي فييييه
سرور : بطني خلاااص ههههههههههههههههههههههه مفييش زيك ياابنت
رنا : ههههههههههههههههههههههه تحشمي فياااا اني لاكن و حق ربي عجبتني
سحر : هههه قصده باهي شن متوقع هو ؟ نقوله نحبك :-\ تي كلمة هذي حتى ماما و بابا يسمعو فيها من عيدللعيد تبيني نقولها لولد ههه كلمة كبيرة هذيـ مش أي حد تنقآله ..
رنا : تعرفي وسااام يبي يجييي يشوووفني
سحر : كوويس
رنا : مرات يجي معاه محمود
سحر : حقا علاش كذبتي علي و قلتلي شافك ؟؟؟؟
رنا : مش انـــي اللي كذبت وسام ميبيش يخسرگ يبيگ لمحمود
سحر : حيوانة انتي ع فكرة .. انـــي و حق ربي ماني مكلماته اهو قتلك اللي بينا كلام سطحي و صدااقة يحلم في يوم نحبه !
رنا : شن شاايفة منه ولد
سحر : شي بس يتحكم هلبا و ياريتني حتى حبيبته -_- و يغار
سرور : هههههههههههه هذا معناها يحبك
سحر : قالي معجب بيك
اميرة : شن قلتييييييييله
سحر : كويس ..
رنا & اكيرة &سرور : هههههههههههههههههههههههههههههههههههههههه ووه ياناري ع ولد سخفني طااايح في وحدة باااااردة متحسسسش
سحر : باردة .. جداً
رنا : تعرفي من بكري نحاااول نتصل بوساام ميردش هو قالي مروح للحوش سحر : ممكن يسوق معاش تكلميه
رناا : تلفوووووونه داره مقفل !!! مصحه
سروور : خيره هذاا
سحر : متحكميش مرات صايرة حاجة
اميرة : اي مرات شحن خلاص يروح و يكلمك
رنا : قلبي مش متريح
سحر : هههههههههههه اسكتي بالله عليک قالك قلبك قاال
سرور : عاد انتي معندكش قلب ..
سحر : هه ياريت
:: سحـر ::
يــــــاريت معنديش قلب .. مكنتش ح نتقطع كل يووووووم بشكل هذاا .. مكنتش نحسب في أيآم بشكل هذاا ليا سبع شهور محكيتش معاگ .. كل مرة نطمن عليك من اختك و خلاص .. كانت تحكيلي انك تعرفت ع بنت اسمها صفاء .. نساتك فيا ؟ .. منبيگش تنساني :-( لأنـي و الله و الله مش ح ننساك .. و الله قاعدة نتعذب .. وليت انسانة باردة .. مقدرتش نحب .. مقدرتش نتقبل أي ولد .. كنت ننقرف من أي حــد مهما كان كويس كنت ننقررررررررف منهم منحبهممممممممش جنس ااااااااادم نكررررررررررررررهم متقبلتهمش متقبلتش حــد غيرک .. حد بحنيتگ و خوفك عليا و غيرتك .. كنت من حقك تغااااااااار لأني صديقتك .. بس محمود مش من حقه يغار لأني صديقته .. كانت الفكرة كلها عليك و ليك و ملكگ .. ❤
نحبك .. كلمة معمريش نطقتهآ لولد هههههههههههه و محمود يستنى فيها مني .. بصراحة يسخف فياا -_- كان متسلط و متحكم في آي حاجة يحسابني بنسمع كلامه ! ههههههههههههههههههه من انــــــت ! لآ عندك مكانة في حياتي و لآ في قلبي ... لأن هو خدي الأمآكن كـ❤ـلها
~
محمود : مبي نشوووووفگ يابنت
سحر : لا
محمود : ليييش !
سحر : ليش بتشوفني ؟؟؟؟
محمود : كيف نحكي مع وحدة مش شايفها
سحر : ههههع تقدر تمسهحها وحدة هذي و بأذن الله ح تقعد متحكيش مع وحدة مش شايفها
محمود : مبردگ بنجي نشووفك
سحر : وسام جآي يومين هدو لرنا
محمود : بنجي معاه
سحر : باه براحتك .. بس نقولك
محمود : شن
سحر : احلــم نوقف عليک او حتى نسلم عليك ..;-)
محمود : ليش وااعرة بشكل هذاااااااا
سحر : طبعي
محمود : باهي انخلوها صدفة ع اساس جاي نسلم عليك و اني منعرفكش
سحر : صــــدفة ! :O مستحيل .. حجات الحلووة مستحيل تتكرر .. معاااااااااااااااااااااش تقوووووووووول صدفةةةةةةةةةةةةة.. صدفةةة مش معااااااااااااك
محمود : خلاص كنت نبصر ! :O
سحر : قتلک احلم لو شفتني من بعيد ما زيك حد ..-_-
~
محمود كــــــان كل يوم يحكي معآي ع فيس .. مرة نرد و مرة نتسبل و مرة قرآيا .. رغم انــه كويس بس كان حمل ثقييييييل هلبا و شايلآته .. كنت نراجي امتى نحكي مع وسام و نقوووله يديرلي حظر من أيميله .. كان مقعمز ع قلـبـي لحد مآ جي اليووم اللي كلمني فيه محمود ..
محمود : سحررررررر
سحر : نعم
محمود : واااااه يارب فرجهااااا وساااام دااااار حاااااااااااااااادت في مستشفى قااااعد اني توااا
سحر : كيف ؟؟؟؟؟؟؟ رنا تعرف ؟؟؟؟؟ وساااام شن صاااااااااارله
محمود : لااااا متعرفش متقووليلهاااش
سحر : ليييش !!! خيره كيييف حااااالته توااا ؟؟؟؟؟
محمود : وااااك مش كووووووووووويس ارتجاج في جمجمة و ضلع مكسور حااالته خطير خااايفين من نزيف داااخلي
سحر : واااه ياربي فرجهاا ان شاء الله خير
محمود : وووووواه اقرب رفيييق لياا بنخسر خووووووووووي بنخسسسسره
سحر : هدي باالك ان شاء الله خير خلاص اللي كاتبه ربي بيصير .. ادعيله بس
محمود : بالله عليك متقوليش لرناااا متصدميهااش
سحر : كييف متبينيش نقووللهاا و هياا صاحبتي لقريبة ؟؟؟؟؟؟
محموود : قتلك متقووليلهاااش لما تستقر حالته قوليلهاا
سحر : ان شاء الله
محموود : سلااام توااااا
:: محمود ::
سحــر انسانة صاعبـة و كنت نبي نكسبها بأي طريقة .. كانت انسـانة تصد .. غريبة .. بنت جــدعة بمئـة راجـل .. مكانتش محتاجة راجل يغار عليها أو يدافع عليـها و لا يسمعها كلام حلو .. كانت متكفــلة بكل شي بروحهآ ..أتحس في روحها أنها انسانة كاملة و مش محتاجة ولد يقاسمها حيـاتها مش محتاجة حد يكون سند ليها .. ح تكون ليـا ههههه و ح تشوف !
أي أي علآقتي بالبنات هلبا تستاهل لان متبيش تحكي معاي ع فون .. علاقتي مع بنات هلبا بس يلي كنت مدايرة في بالي بنخطبها سحر لأن نعرف قداش ما متربـية كنهذا كانت زيها زي أي بنت نحكي معاها ع موبايل قبل و بعد ساعة 12 !
~
يوووم ما صاااحبي دار حادث انغمييييت و معااش عرفت شن ممكن ندير صاااااحبي ح يمووووووت بين أيدياااا عنده ارتجاج في دمااغ و ضلـع مكسووور يــــــارب فرجهااااااااااااااا صااااحبي خووووووووووووووي قداامي مش قادر نديرله شي ..
:: سحر ::
كانت تتصل بيا رنا كل دقيقة و تقولي اساااامة نلفوونه مقفل ليه يووووومين و كنت نقووولها ماافيشي شي عنده شغل في مدينة تاانية معنداااش تغطية بس .. و كل مرة نتسبل بحاجة
لحد ما فتحت فيـس و لقيت مسج من محمود
محمود : اخييييي ع دنياااااااا اخييي ع دنياااا صااحبي مااات وسااااااااااااام خللااااااني خووووي مااات ياسحر
يــــــارب نطلع نحلم ! :-(
ملاحظة : حبيت أنزل حلقة هذيـ اليوم لسبب معين .. قصة حقيقية طبعاً .. و حبيت أنزل حلقة هذيـ لأن في الحقيقة اليوم ذكـرى وفاة وسام .. ترحموآ عليه .. ربي يرحمه و يجعل مثواه جنة .. بـ تاريخ 6/4/2014 توفى
يتبع
