أنثـى قاتلـة ~
الحلـقة السـادسة ❤
وصلنـا لحوش عمي محمود الله يرحمه .. بحكم الكبير ~ و كان عنده هلبا ولاد و بنات متزوجين .. و أني قآعدة في سـيارة تلمحت وآحد واقف قدام حوش ..
أبيض و لحيـته سودآ و شعره اسود ~ so cute .. حلو بس مش لدرجة لأنـي شآيفة جمآل اكبر في بريطانيآ .. بس لفتلي نظري هلبا .. ❤
سحر : بابا من هووووو هذااااا ؟؟! '_'
محمد : هذا ولد بنت عمك محمود الله يرحمه
سحر : اه ماشاء الله بنات عمي عندهم ولاد كبار
سحر دارت الحولة : اه شن قلتلي اسمه
محمد : اني مقلتش اسمه :-\ لآكن اسمه محمد
سحر : امممممممم
فاطمة : اسمع يا محمد سالم وليدي يبي يروح اليوم عنده شغل في طرابلس .و اني نبي نبات اليوم خلي نور و سناء و معتز يروحو مع سالم و نقعد اني وياك و كان تبي سحر
سحر : ايه يابابا خلينا نقعدو
محمد : ان شاء الله يصير خير .. هي انزلو من سيارة
نزلت سحر من سيآرة و تلفتت للكوفيني بتاخد شنطتهآ .. طبعا كانت طارحة بالجنيه كله و شعرهآ مخليآته مفتوح
:: سحر ::
وصلت و كيف انزل في شنطــي جت عيني في عين الولد .. اسمه محمد .. قعدت نشوفله نظرآته كانت حلوة مشفتش زيهآ .. حسيته قريب منى .. بدون مانعرفه ..حتا لما جت عيني في عينه نزلت راسي و حتى هو تحشم و نزل راسه .. جي سلم علي بابا و عيونه لوطة .. ❤ ،، بصراحة لفتلي نظري ~
بعدهآ خشيت لحوش عمي محمود لقيت بنآت عمتي .. هما قالولي ان احني بنات عمتك لاكن منعرفهمش .. سلمت عليــهم و حاولت ب اليد بس يحبدو فياا ع اساس ان غربة خدتنا منهم 😭 << عندي عقدة من سلآم و قصة الاربع البوسات اللي لازم منها :3
بعدها قعمزت قعدت نشوف يمين يسآر اهو بلكي تجي وحدة تهدرز و نسألها ع اللي برآ لأن كان خاطري نعرفه اكتر .. ماما كانت مقعمزة جنبي .. جت بنت اسمها منار قعمزت جنبي و قعدنا نهدرزو
سحر : فيه واحد مقعمز قدام حوش سلم ع بابا مني هذا عمي صغير ! << طبعا كنت نستعبط بس
منار : اه لا عمامك مش صغار لهدرجة هذا مواليد 89 حراام عليك تشيبي فيه
سحر : اه ههههه سوري بس منعرفاش
ماما : تي مش قالك بوك في سيارة هذا ولد بنت عمك خيرك تسألي
سحر تلخبطت و كانت تبي تغير موضوع شن درنالهم ي نبع
سحر : اه اي اي منحساباش هو
منار : هذا محمد يكون خوي ع فكرة
سحر : و الله .. متشبهوش بعض
منار : هههههه ايه
سحر : انتي مواليد كم
منار : مواليد 94 و انتي
سحر : عمر كله اني م 96
قعدو يهدرزو مع بعــض نين خدو أرقآم بعض و قآلو ان ح يتواصلو ع فايبر و واتس لان رقم سحر دولي لندن
ماما : سحر بنتي هي ولد آمال بيرفعنا لحوش عمك تانيةاحني منزبطوش طريق هي سقدي روحك
سحر : اوكي هي دقيقة
منار : عاودوها
سحر : ان شاء الله ❤ شكراً ^_* .. ماما اني سبقتك سيارة هي
:: سحر ::
سلمت عليهم و لبست كندرتي و اني نفكر في محمد خو منار .. مش عارفة شن جاني .. فتحت باب سيآرة بابا و كنت ح نقعمز لتآلي و نحسآب امي ح تقعمز قدآم مشيت و خليت امي قاعدة تسلم عليهم .. عاد تعرفوه سلام ليبيات سـ سـ.. سـلا.. سـلاام .. كأنه شريك يزرط هههههههههههه و هما يطقو حنك ع باب .. كيف حطيت شنطة ف كوفيني و خشيت سيارة بنقعمز شديت في كرسي قدآمي نحسآب ما فيش حــد غير بابا في سيارة .. بس لآحظت ان مشديتش في كرسي .. شديت في كتوف حــد قدامي ! تلفتت وشفت لقيـــت محمد خو منار :O هو ولد امال بنت عمي !
مكنتش نعرف .. تأسفت منــه ع موقف و ماما جت قعمزت جنبي و هو قعد يدلنآ ع طريق و امي تهدرز معآه
كان يتكلم معاها متحشم هلبا و يشوف في مرآية مرة مرة تجي عيني في عينـه ..
هههههههههههه طبعا حاولت نثبت وجودي و نتكلم ع اي حاجة قدآمه في سيارة
ف قلت لامي .. و ياريتني ما تكلمت هههههه
سحر : ماما مكنتش نتوقع هلباا هكي هههههههههههه فعلا ع قولت بوي يتكاثرو بسرعة هني
محمد قعد يشد في ضحكته << حتى تفرقوآ لما نحكي ع اب سحر ح نقول بابا و لو قلت محمد معناهآ قريبهآ ~
بوها حاول يغير موضوع و امها تفنـص :-D
هههههههههههه و طول طريق سـاد الصمت بينهم .. :-) .. نيـن سحر تكلمت من جديد و بصوت عالي نست روحهآ قآلت
سحر : يااااماااامااا قوليلهم نبي نلبس هذاكااا شن يقولووله !! اللي قتلك خاطري نصور بيه
فاطمة : الردي .. تحشمي عاد اول مرة نجوهم من قداش سنة طول بتقوليلهم عليه
سحر : مش هما عيلتي ؟؟ اني خاطري نلبسه .. و بعدين الله غالب لو امي عصرية و متعرفش تلبسه
فاطمة : باهي باه
بوها : هههههههههههه عصريةةة
محمد كآن ساكت و مرة مرة يلقط في كلمة و يضحك ع نطق سحر لبعض كلآم ~
وصلوآ لحوش عمهم و نزلوآ ..
بوها : بارك الله فيك يا محمد
محمد : لا ياعمي مدرنا شي جيتكم ب دنيا و الله
فاطمة : سلمه ياربي .. هيا بنتي نزلي سآكو بنباتو هني ره
سحر : هي هي ماما شوية
:: سحـــ❤ـر ::
بعد مآ وصلنا الولد اللي اسمه محمد نزلت من سيآرة و خديت شنطي و خشيت لحوش عمي تاني .. كان عندهم 4 ولاد و بنت و ولاواحد متزوج من صغار عمي هذا .. تعرفت عليهم و ع بنت عمي اسمهــا ندى .. هدرزنا و انسجمت بس مش هلبا جو في دواخل كان مينفهمش ضغط .. معرفتش .. بس حسيت بضيق في صدري ..
ندى : تبي حاجة نديروها
سحر : لا مش جعانة ثانكس
ندى : ماشاء الله بطة ايام كنتي صغنونة ضعيفة
سحر : هههههههه اي ف لندن كله وجبات سريعة
ندى : بضوقي عندنا البازين غدوة
سحر : ديما بابا و ماما يحكولي ع بيزان
ندى : بازين :-\ ههههههههههههههههههههههه
سحر : اه هههههههههههه اي خاطري نضوقه تشوقت
ندى : تمممم غدوة غدانا
" سحر ''
قعدنا نهدرزوو نين خدانا نووم و نضت صبح بكــري :3 مع ان كان خاطري نرقد هلبااااااااا لآكن الله غالب هكي عندهم هما .. دارو سفرة فطور .. اوكي اني نفطر و مفيش حد ميفطرش لاكن سفرة كانت غريبة .. نعرف كل حد يحطو قدامه حاجته او سفرة صغيرة .. لاكن يلي حطوه كأنه غدي مش فطور اكيد شايفين صورة فوق بتاع فطور :-D هههههههههههه مش مهم بدلت حوايجي و ساعدتهم و بابا قال بعد غدي ح نروحوآ ..
حطو الغدي .. و اخيرا شفت بازين ❤:-D ..
سحر : وين كواشيك ؟
فاطمة : شمري درعانك مفيش كواشيك
سحر : كييييييف :O
ندىى: يتآكل باليد
سحر : مش فرض .. نبي كاشيك
ندى : :-\ !!
فاطمة : راهو عيب هني تاكلي ب كاشيك
سحر : اوك نبيش نتغدى
ندى : تو نجيبلك كآشيك "_"
سحر :شكراا .. اممم حلو :-D بآزين ! .. بس ع ماعتقد نفس البنه ب كاشيك او باليد ..
ندى : كل شي ليه حاجته ماهو
سحر : ممكن متعودوش تكلوه بكاشيك
ندى : باهي جربي ب يدك ..
سحر : لااااااا صحيتي
ندى : هههههههههههه مرت عمي راه عمي يضبح
فاطمة : هي بنروحو بوك مستعجل
سحر : كان خاطري ندهور هني .. مرة تانية ان شاء الله
ندى : هههههههههههه انتي لبسك هذا ح يقعد حديث ساعة هني املا لو طلعتي شن يصير
سحر : نعم
ندى : و لا شي .. مش متعودين ع بنات يطلعو هك اهني
سحر : اه .. :-) .. نستأذنك توا بنروح و تشرفت بمعرفتك هلبا
ندى : و انا اكثررررر ❤❤
سحر ~
روحنا و طول طريق نفكر في محمد .. كيف ياربي شديت كتفه .. حشمت روحي و حشمته .. اممممممممم ليش شايلة همه اني اصلا -_- .. روحنا للحوشو هدرزة مع نور .. نور كانت تعرف اخت محمد منار .. و تهدرز عليها .. ف سألت نور ان شفت واحد و حكيتلها ع موقف .. و بعد يومين منار اتصلت ب نور تهدرز معاها و قتلهآ ان خوي محمد
قعد يسأل فيهااا عليآ
سحر : امممم شن قااال بلا براااادة
نور : هههههههههههه قتلي قعد يسال فيا شن اسمهاو مواليد كم
سحر : اه و شن قالت
نور : اكيد حكتله .. قتلي شكله خوي انضرب في سحر
سحر : بجديات :-D قصدي بلاش برادة .. وشن قلتيلها
نور : قلتلها انك حتى انتي سالتيني عليه و هكي
سحر : ووووووووووووه ديما تفسدي في برستيجي خيررررررك
نور : علاش بنكدب ايه سألتي عليه و لا غالطة
سحر : اي سألت لاكن عادي .. احني بعد تلاتة ايام بنسافروو .. شن هي دوة اللي ح تقعد غير كلام فاضي. يمشي و يجي
نور : اييييي مقتلكش !!!
سحر : شنوووووووووو
نور : ......
يتبع..
