الود معراج

الجزء 21

نعم نعم كيف ما ماشه افهم شنو

معراج ماعايز اتكلم خليني

ما حخليك اطلعي لي بره

ما طالعه

حجيك داخل

معراج ما قادره اتكلم ما تضغط على

طيب ارتاحي بس لازم نكمل كلام

حاضر

تحضري ما تغيبي

ت ع خير

يالله كان احسن ما اسئل جاطت لي راسي وبقيت ما فاهم شي نهائي صبحت الصباح و لسه البت دي خشما ماديرا تفتحو اليله مجتبي و مرتو جاين مشيت الشغل و جبت معاي حجات لزوم العرسان و امونه جهزت ليهم غرفه مرتضي و اي شي ظبطتو لان مرتضي لسه ما خلص بنيان شقتو فوق،،،، جيت لقيتم جو والله انبسطت شديد قعدت اتونس مع مجتبي و شغلتها لي و اتعورنا كدا زمن من الحركات دي،،،، و امونه اول يوم اشوف بتضحك بتتونس مع مرت مجتبي و ساقت مع الغرفه و الله فرحت انها حتغير جو شوي و حتلقي لي زول يتونس معها من سنها ارتحت شوي و قلت ما بضغط اسئل خلي تجي براها تحكي،،،، و شوي شوي اندمجت مع مرت مرتضي و عدت الايام والاستفهامات كترت دا الشهر التاني،،، يوم جيت من الشغل الساعه 9 بليل الصراحه كنت زهجان خلصت الشغل و طلعت مع الشباب في المكتب و الله عادتي ما بتاع سهر ولا طلعات لكن زهجت،،، جيت لقيت البيت صاني امي اصلا بتكون نامت وابوي نفس الشي وامونه كان بتكون قاعده في التلفزيون ما لقيت دخلت غرفتي وانا بغير الباب دق،،، منو امونه قالت لي دي انا قربت ارقص لبست سريع سريع الجلابيه كم في والتاني مافي وكنت ماشي استحمي خليت الحمام و جري دي امووووونه ياخ وجاتني كمان ( ما تفهمو غلط قصدي جات تتكلم معاي) فتحت الباب هلا اتفضلي

عاينت لي قالت لي اتفضل وين نعم

قلت لي اسف قصدي اتفضلي قولي

وانا واقفه هنا تعال الصاله

حااااضر ممكن دقيقه بس واجي وارك

اتفضل

رجعت الغرفه عشان اعمل ييييييس ييييييس و انطط والله انا زاتي ما عارف مبسوط لي 😂😂😂😂 غشيت اثر الفرحه من وشي و كرفست حواجبي و طلعت

اها اموشي الحاصل شنو

ديرا اتكلم معاك في موضوع

عيوني احكي

انا و نادر مختلفين

في شنو

في موضوع كبير

بتين لحقتو عملتو موضوع كبير قوالي بسم الله

جد يا معراج

طيب الحاصل شنو

اتفقنا نطلق

ننننعم انتي جنيتي