اليله انا راسي بضرب اخماس في اسداس خلاني في حته حرجه ومشي تميت الباقي خيال براي و منتظر معراج ما جاء يومين ما جاء اليومين ال 3 جاء يتبسم 😂😂😂 اتغزت منو غيز ماعلينا عملت الشاي و جيت قعدت
قلت اها كنت مبسوط من الرساله جاتك من منو،،،
قالي،،، الرساله دي خليها هسي نتم بقي الموضوع،،، قرب مواعيد نادر فضل لي اسبوع و انا جاري في شغلي و بقيت مسافر اكمل شغلي سافرت اخت لي 20 يوم جيت لقيت نادر جاء و قالو خلاص حيعملو العرس مع نهايه اجازه نادر تحاول تظبط نفسها في 15 يوم ( امونه ست البنات ما محتاجه) لكن انا قلبي و جعني بعد جيت وسمعت الكلام دا و طلعت خليت ليهم البيت انا اعمل شنو انا السبب ضيعتها مني انا حيوان انا سجم انا ندم تفووو علي ياخ و الله ادردقت في الارض عديل و غلبني رجعت البيت من غير احس لقيت نفسي في نص الغرفه بتاعت امونه وهي كانت بتسرح في شعرها دنقرت واتلفت اديتها ضهري قلت لي البسي طرحه اسف بس لقيت نفسي هنا،،،، لبست الثوب الجنبها وقالت لي اتلفت علي مالك،،، قلت لي امونه انا ماعارف مالي انا مضايق شديد و قلبي واجعني،،،، انتي حاسه بي،،،، قالت لي انت شايف شنو
شايفك انتي
بعد ضعت
كنت عميان
بعد بقيت في عصمت راجل
انا حيوان و جد ما بستاهلك
حبيت شوشو
ما حبيتها
حبيتها
قلت ليك ما حبيتها انا ماعارف في شنو بس انتي
انت عارف بس ما حاسي
انا يادوب فقت
وانا انتهيت
امونه انتي لي
معراج حرقت قلبي
امونه انا عايزك (والله دمعت راجل قدم مره دي قاااسيه شديد انا جلابتي دي بقت مويه عرقان و دموع نازله براها)
عايزني كيف
انتي اصلا حقتي وانا اهبل ضيعتك با يدي
انتهي اي شي يا معراج لمن جيتك وقلت ليك انت موافق يعقدو علي كنت منتظره منك تقول لا وقلت اي
اااااسف ياقلبي
شايف ينفع الاسف بعد دا
ينفع انتو عقدتو بس و لا نادر لمن جاء وراي طلعتي مع
اي طلعت مع لان بقي راجلي اكيد ما حرفض
طلعتي مع لي يا امونه ( وانا عيوني بقت شرار)
راجلي وجاء قال عازمني بره من الخطوبه ما جاء لو رفضت حيقول شنو بعد دا حقو وانت سيد الاصول
امونه بس طلعتو ولا في شي تاني ردي علي
بس طلعنا
احلفي
( قامت اتنفضت فيني وبقت تكورك)
ما كنت قدامك كنت قدامك ما شايفني جبت لي صحبك يخطبني و جاي هسي تقوالي عملتي شنو باسني و حضني واي شي راجلي وحقو اتحرق زي ما حرقتني اطلع بره يا معراج ما عايزه اشوفك قدر ما حبيتك انت تفهتني ما كنت شايفني اصلا
طلعت طوالي ما قدرت اقول اي كلمه لان انا الغلطان انا احيوان استهال تشيل نعاله و تضربني بي مشيت غرفتي شلت هدومي و قلت لي امي انا عندي شغل حغيب كم يوم اي شي محتاجه تدق لي تلفون برسلو ليها و وقبل اطلع مشيت لي امونه في الغرفه
بست راسها و قلت لي اعفي لي انا غلطان و سامحيني بس واعفي لي ما داير منك شي تاني
تاني هاجت و كوركت ما حبيتني يا معراج انت بس عاجبك اهتمامي بيك و اني واحت راحه ليك مستودع همومك وبس ما حبيتي لو حبتني كنت حسيت
مسكته من خشمها و قلت لي هوووووس اسكتي
انا حبيتك و كنت بغير عليك و ما بقدر اعاين ليك بخاف من عيوني تاكلك وانا راجل حبيتك بس كنت اهبل ما ترجمة الاحساس دا حب خفت من روحي و خفت من قلبي و عقلي غيب حبيتك و عشقتك و زيك ما في بت ( حتقوالي شوشو مختلفه منك في اي شي انا اعجبت بيها ولمن انتهي اي شي ما زعلت علي) لكن كنت يتحرق لمن اتخطبتي ولمن عقدو عليك انا دخلت في النار و طلعت كملت دموعي و انا ما عارف بحس با كدا لي انا بحبببببك و ما حبيت غيرك انتي قلبي ولمن بقول قلبي لان مافي في قلبي غيرك حرااام عليك تقسي علي انا غلطان اني فرضت فيك بس ووالله العظيم عقلي ودر مني اعفي لي ياروحي،،،، حضنتني و قعدت تبكي و تقوالي بعد شنوووو زنبو شنو نادر زنبو شنو يكون في نص الهبل الانحنا بنعملو دا انت السبب ما حسامحك ما ديرا اشوفك خلاص يا معراج
طلعت جري علي الشارع ما شايف قدامي و لو سقت حعمل حادث مشيت با رجليني لحدي بدايه الشارع و ركبت المواصلات خليت العربيه في الباب مشيت المكتب قعدت هناك و ما حرجع تاني لحدي الصباح انا قاعد افكر حعمل شنو وارسل لي امونه ما شتغلت بي و حظرتني
حقها تعمل اكتر من كدا انا حيوان والله و قليل ادب علي قول امي عجباني امونه وبعاين بره ياخ عيني بالتنقده استفدت شنو و مرت علي الايام نهائي ما مشيت البيت والعرس اصلا في الصاله و امي في التلفون كانت بتكلمني بالتفاصيل واي شي قالت امونه قالت ما عايزه حنه بس يوم العرس و فضل لي 3 يوم العرس وانا بقيت زول تاني ما قادر اعمل اي شي كل الابواب اتقفلت وشي،،، امونه ما ديرا تتكلم معاي وانا ما قادر اتصرف امشي واقول لي نادر دي حقتي خلي لي
بعد فات الاوان جاي تقول اليله كان 😭😭😭😭
يتبع....
