والله يا معراج ان شاء الله ربنا يسهل نسئل ليك و نرد و اشاور اعمامه،،،، قلت لي خير اخدو راحتكم و استاذنت طلعت لان العشاء اذن،،، طلعت منهم و جري علي البيت لان امي كانت منتظراني اودي ناس خالتي عندا حجات هناك،،،، وصلت البيت لقيت امي زعلانه مني راضيتها و سقت هي امونه وديتها ناس خالتي و طبعا الكلام ما بخلص مع خالتي طوالي استلمت لي سرير نمته قلت ليهم لمن تخلصو تقولو ماشين صحوني،،،، صحوني الساعه 12 والله ما جادين نهائي،،، رجعنا البيت و كنت تعبان تعب،،، و ما داير افكر والله ما قدرت استحما زاتو غيرت بس ونمت صحيت الصبح مشيت الجامع والله كنت تعبان نفسيا صليت و قعدت اقرا شوي ارتحت رجعت البيت جهزت ماشي الشغل امي قالت لي فضل 5 يوم للعقد تعال بدري عندنا 100 الف حاجه تمشي تحجز الصيونات و ما بعرف حجااات كتيره قلت لي خير،،،، وصلت الشغل كان لخمه شديد لحدي الساعه 2 راسي ما قادر احكو اتصلت شوشو،،، قالت لي عايزه اشوفك،،، قلت لي مشغول ما بقدر نهائي اليومين دي،،، زعلت ما شتغلت بي لان مافاضي لي الدلع دا هسي و ابوها ما رد علي ما ينفع الفارغه دي،،،، المهم رجعت بدري عشان احجز الحجات و سقت امونه وديتها بيت ناس امها حتقعد هناك لان خالاتي و نسوان خالي كلهم جو البيت الخبيز و الجوطه دي كلها حيقعدو لي يوم العقد،،، وانا في الشارع قلت لي امونه نمشي ناكل ايسكريم رئيك شنو،،، قالت لي اوكي،،،، مشيت و قعدنا نتونس سئلتني انت بتحب شهرزاد،،، قلت لي لا طبعا ( 🙄 والله ماعارف قلت لي كدا لي باخلعه كمان) قالت لي طيب لي هي زعلت مني،،، قلت لي وانتي عرفتي من وين ان هي زعلت،،، قالت لي سمعتك وانت بتتكلم مع في التلفون،،، قلت لي ابدا ما زعلت دا موضوع تاني تزعل منك لي اصلا،،،، المهم دخلت با زيد و طلعت با عبيد عشان اتخارج من الموضوع و تاني سئلتني انا عقدي بعد 4 يوم يا معراج وبعدي حمشي اخليكم كيف اقدر اعيش بعيد عنكم،،،، انا عايزه نادر يستقر في السودان او ما ديرا،،،، قلت لي انتي جنيتي و شغلو اتكلمي با عقل و نحنا ان شاء الله ما بنخليك انتي حتجينا اكيد ونحنا بنسئل منك كل يوم زي كانك معنا في البيت و العبره خنقتني بدون ما احس دموعي جات نازله قمت طوالي عملت روحي داير اشرب جبت مويه و قفت بعيد غسلت و شي،،، وجيت راجع لقيتها بتبكي سقت ركبنا العربيه،،، قبلت علي و مسكت يدها امونه مالك بتبكي قالت لي خايفه من غيركم،،، قلت لي نحنا ما حنسيبك،، قالت لي توعدني،،، قلت لي با رقبتي اوعدك،،،، و صلتها ناس امها و دور العباطه بتاعت اخواتها اشتغل الا تقعد الا تشرب الشاي الا والا قعدت والونسه معاهم لا يمل منها والله قربت ابيت امونه قاعده هنا انا بحرس 😂😂😂 دقيت لي امي قلت لي امي انا ما جاي حارس امونه ( قالت لي امونه دي وقت ما بتقدر تفوتها كان تعرس) قفلت الخط و نطيت من السرير الا ارادي و قمت طوالي استاذنت و طلعت،،،، بعد مسافه استوعبت ان ديك كانت امي الفي التلفون،، رجعت لي قلت لي اعفي لي رصيدي قطع،،،، وانا جاي علي البيت،،،، مرت الايام و جاء يوم العقد انا طلعت 6 امشي المكتب استاذن وارجع طوالي لان كان عندي حجات الازم اعمل الصباح والحمدلله البيت اي شي جاهز،،، تمت و رجعت طوالي الساعه 9 انا في البيت،،، الساعه 12 دق تلفوني رقم غريب ما رديت بعد شوي دقت شوشو قلت لو ما رديت حتكرهني التلفون رديت قلت لي انا مشغول اليله انتي عارفه قالت لي ابوي دق ليك ما رديت قلت لي مابعرف رقمو برجع لي هسي،،، رجعت لي طوالي،،، سلم علي و قالي انت زول مافي منك اثنين والله وان شاء الله
يتبع.....
