ان شاء الله تلاقي بت الحلال التسعدك انا والله شاورت اعمامها و ود عمها قال دايرا و غير كدا انت زول محمول ولسه ما جاهز و انا بتي زي ما شايف ما ناقصه شي،،، و عندنا في عاداتنا ود العم اولي من الغريب و شاورت شوشو قالت موافقه علي ود عمها،،، ان شاء الله ربنا يوفقك،،، قلت لي كتر خيرك و قفلت الخط،،، قعدت لي في حجر في الارض و الدنيا دي ضاقت بي لمن حسيت نفسي ما شايف في قعدتي دي امي جات و اتكلمت وانا نا سامع بتقول شنو،،، لمن ضربتني في راسي قلت لي نعم يا امي الحاصل شنو قالت لي بتكلم من قبيل ما سمعت شي امشي ودي امونه الكوفير سريع و تعال لان بعدين حتطلع اهل العريس دايرين يشوفوها،،،، قلت لي خير،،، قبل امشي اتصلت على شوشو،،، ماردت اتصلت كتييير،،، ردت لي با صوت باكي قلت لي ما قلت لي ابوك ما موافق لي ما قلت لي لي تحرجيني كدا و تمهزلي بي انا اي ما مستواكم لكن كنت حكسر رقبتي ليك.،،، قالت لي انا ابوي قالي ما تكلم معاك في شي هو برد عليك و انا فاكره وافق لام قالي كل خير و ماعرفت ردو الا لمن اتصل عليك جاء كلمني بالقالو ليك،،،، لكن انا ما اتوقعت كدا والله انا من قبيل ابكي قالي الموضوع منتهي،،،، قلت لي ربنا يسعدك و قفلت الخط،،، و بقت تتصل تاني مارديت علي و حظرت رقمها،،، ( كان ممكن يقول لي داير ود عمها بدون ما يقول لي مستواكم و مستوانا دي) لكن خير مافي قسمه مشيت لي امونه اودي،،، و شافتني،،، قالت لي سيد الناس مالك متغير كدا في شنو،،، قلت لي لا ابد بس كنت شغال تعب ساي،،، كانت معها اختها قالت لي انزلي جيبي لي الشنطه نسيتها،،، نزلت اختها و مسكت لي يدي قالت لي انا بعرفك كويس مالك يا معراج في شنو،،، قلت لي كنت متوقع لي شغل كويس حيعمل لي مستقبل وراح مني،،، قالت لي اي شي لي خير ما تزعل علي شي ما من نصيبك.،،،، انت صبرت علي الكتير لمن ربنا فتح عليك،،،، لو ربنا كان كاتب ليك فيهو الخير ما كان بقي ما ليك قول الحمدلله،،، ارتحت بعد الكلمتين ديل و اختها جات سكتنا و وصلتهم الكوفير و هي تبكي ساي لمن نزلت عاينت لي عين خلتني انا دمعت،،،، و جاء العصر و عقدو علي امونه 😭😭😭 انا بكت بكي مسكت امي وقعدت ابكي و ابوي و ما خليت بكي في الدنيا دي ما بكيتو و ضايقت شديد،،،، مشيت جبت امونه اول ما شافتني قعدت تبكي ما قدرت احضنها خلاص بقت مرت راجل حتي لو اختي بس هي بت خالتي،،، مسكت يدها وقلت لي الف مبروك يا احلا عروس وانا دموعي في عيوني،،، وصلنا البيت وانا دخلتها و طلعت سقت العربيه و مشيت قعدت في الشارع بعيد و ما قادر ارجع البيت والله بس ببكي ماعارف ببكي لي لكن غالبني اي شي،،،، لحدي ما وعيت لي روحي مفروض ارجع عشام الناس بتكون مشت اساعد اخواني،،، رجعت لقيت بس اهلنا قاعدين بقيت اشتغل من سكات ولا كلمه ما اتكلمت لمن خلصنا و شلت لي كرسي و قعدت في الشارع جو خالاتي طالعين مشيت و صلتهم تاني جيت راجعت و صلت خيلاني و امونه امها واخواتها بايتن معنا انا انتهتزت الفرصه شلت غياري و انسحبت قبل زول يحس بي مشيت بيت في المكتب،،،، و ماعارف مالي،،،، عديت علي الايام كلها زي بعض و امونه حدود العرس بعد شهر تاني اجلو قالو بعد 5 شهور نادر في الشغل ما قدر الا اجازتو الكبيره لان في السنه دي نزل مرتين،،، المهم انا كنت بس مركز مع الشغل و لقيت لينا بيت كلمت مرتضي و مجتبي القروش العندهم لمنها و قروشي الميتها و نشيل قرض با ضمان شغلنا نشتري البيت،،، الحمدلله اتوفقنا في القرض لان مرتضي عندو علاقات و ناس في البنك،،، اشترينا لينا بيت في الثوره الثامنه بيت ظريف شديد،،، امي وابوي فرحو والله انا فرحت لي فرحم كتبنا البيت با اسم ابوي وامي،،، و رحلنا عفشنا ومجتبي عندو زول بتاع اثاثات شال منو بالقسط طقمين جلوس و قلت لي شوي شوي عشان الديون ما تكتر علينا و ظبطنا البيت وعملنا كرامه و الله ارتحنا راحه من الايجار و التعب و العذاب دا و خلاص صفينا مقحطين قروشنا كلها المنها ختينها في البيت 😂😂😂 نعمه غايتو،،،، العرس فضل لي شهرين بتاع امونه وامي قالت ديرا تحبسها خلاص،،، وفي طول الفتره دي نادر ما جاء وانا جاني تاني شغل سفره لي بورسودان،،،، سافرت و اول ما وصلت بعد 3 يوم امي دقت لي قالت لي امونه عيانه ما عارفين مالا ودينها الدكتور قال تايفود لكن دا ما تايفود البت دي تعبانه شديد قلت لي كيف تعبانه مالا اديني ليها،،،، اتكلمت معها ما قادره تتكلم قالت لي امي محمومه شديد طوالي مشيت ناس الشغل عشان استاذن عندي ظروف اسريه اتعابطو معاي لكن تاني قالو لي تجيب زول محلك،،، بقيت احنك مع زملائي و كلهم اندال غايتو بس بعد تعب واحد ( دا لو ما حبيتو في بورسودان زاتو ما كان بجي) قالو لي لمن يصل هو حتي تسلم انت و تسافر اهم هو في نفس اليوم الجاي في انا رجعت بعد يومين يعني،،،،،، لقيت امونه تعبانه من غير احس ضميته علي و قعدت تبكي ياااااااااااااااه يا امونه لي كدا
يتبع.....
