Pwede bay magpalangga nga waay nasakitan?
Pwede bala nga kalipay nalang ang nabatyagan?
Pwede dulaon nalang ang sakit?
Tani madula na ang pagkapait
Pwede indi pagsakuan?
Pwede waay atrasan?
Tani matuod lang, wala peke
Tani daug lang, wala perdi
Pwede kita liwat bisan dali lang?
Pwede waay na iban, kita lang?
' Pwede ' bay ang sabat sakon pamangkot?
Galing paano? Indi ko maabot
Indi ko kaintindi ngaman masakit
Pero kong makita ta ka kanamit
Indi ko gd man gusto masakitan
Pero ngaa permi taka nahibian?
Ikaw ang sakit nga akon nasanayan
Ikaw ang sakit nga waay ko ginakahadlukan
Pero gusto ko mabal an mo nabatyagan ko
Huo, masakit gd kaayo.
Ikaw lang nakapabatyag sakon sang muni
Bisan mabudlay kag masakit, kayanon ko ang hapdi.
Kay tunggod palangga ta ikaw
Pagpalangga ko simo gapanglalapaw
Palangga ta ikaw maskin kita lang kabalo!
Nahadlok ko, nahadlok ka pero batyag ko pagpalangga mo
Batyag ko ang dako nga harang saton nga duha
Muni ang sakit nga indi naton makuha
Sa graduation ko gusto ko tani ara ka
Sa pagsaka ko sa stage gusto ko mabatian ka
Gusto ko ihambal sa tanan nga, huo
' Para gd ini sa saton ang pagbakas ko! '
Pero indi ta mahimo kay mabudlay
Nahadlok kita nga duha sa mga panulay
Masakit, pero kaya pa man
Ok lang kay ara ka man
Waay sila kabalo kong ano kasakit
Kung ano kasubo nga ara ka lang malapit
Mabatian, matandog kag makita ta ka
Pero masakit, kay indi pwede nga kita.
Bisan kapila ko nga banggon
Bal an ko perdi man ko gyapon
Patawara ako kung daw di ko na masaranggan
Kapuy kag luha di ko mapunggan
~~~~~~~~~~~~~~~
Published: February 04, 2018
