Makita kag makaupod talang ka
Kumpleto na adlaw ko
Kalipay nga di kaya makumpara
Akon naangkun halin simo
Bulag ko? Di kaman gani gwapo
Pero nagwapuhan si Mama simo
Mana-mana lang ni siguro
Buang man dabi si Kopido
Maabtik ilong ko kong kaparehas sang pahumot mo akon masinghutan
Kulang nalang ubuson ko na singhut ang hangin sa bilog nga kalibutan
Maabtik dalunggan ko kong mabatian ko ngalan mo
Halos bilog nga adlaw ikaw yara sa painu-inu
Kadlaw mo nga nagapanami sang modo ko
Ngirit mo gapasanag sang kalibutan ko
Tungod simo nagbugtaw ang tulog nga ako
Isa ka kahimaya halin sa ginoo
Swerte gd ko nga nakilala taka
Napadula mo ang akon mga problema
Napapakadlaw mo ko bisan gusto ko maghibi
Ginaubra mo gd tanan para lang ako magngisi
Isa mo lang katulok daw ako matunaw
Wala gd iban nga makapabatyag sakon sang muna kundi ikaw
Indi ko magsawa nga nabatian ang pagsambit mo sang akon ngalan
Di ko man pagakuon simo, pero huo manami sa pamatyagan
Ginapabatyag mo sakon nga ako importante
Feeling ko ako na ang pinakagwapa nga baye
Ako ang baye nga waay arte sa tsura
Pero kong para simo kinahanlan ko magpagwapa~
Tagaadlaw tagipusuon ko ngalan nimo iya ginahuni
Muna ikaw ka importante sakon nga kabuhi
Nasanay nako dabi nga ara ka permi
Basi di ko makaya nga waay kana sa ulihi
Pero bal an ko naman ang posible nga matabo
Bal an ko hindi na gd man halin pa sang sadto
Ging punggan ko kaugalingon ko kay dumdum ko malupos
Ulihi ko na nabal an amat-amat nako nagakalumos
Nabudlayan nako magbutwa
Masyado na kadalum akon pagpalangga
Galing kinahanlan ko piliton akon kaugalingon
Kay waay naman ko sang iban nga dapat pa himuon
Nakapuy nako, nasakitan kag kis a natatak-an
Damo gahambal sakon nga ikaw dapat bayaan
Galing yanda indi ko pa kaya
Gina amat-amat ko lang ulo ko saka
Batyag ko ako nagaisahanon
Kabay man nga may magasalbar diri sa akon
~~~~~~~~~~~~~
Published: January 15, 2018
