May mga bagay nga pwede mo makita kag matandog
Pero di gyapon makuha maskin nano mo kabaskog
Daw parehas ka sang mga bituon
Bisan anhun ko di ko kaya abtonMalapit ka, pero batyag ko ngaa malayo?
Tagipusuon naton malayo gd kaayo
Kung pwede lang tani nga ikaw akon kwaon
Ugaling di pwede nga ikaw maging akon.Masakit man sa tagipusuon,
pero kinahanlan batunon
May ara dabi mga bagay sa kalibutan nga di ta kaya bag-uhon
Bisan baliktaron ta ang kalibutan kag bisan ano atun nga himuonBatyagan ko nga ara ka sakon nga luyo
Galing kabudlay kay di ta pwede maako
Tagipusuon ko gasinggit sang kasakit
Sa tama kag sala ako daw ginaipitBisan ano naton kapalapit sa isa kag isa,
May harang nga mataas nga gapatunga saton nga duha
Paghigugma naton indi mabaton sang mga tawo
Kay ako isa kaistudyante, kag ikaw maistroSa edad palang masyado na kalayo
Sa panulukan pagd sang iban nga tawo
Maskin mismo sa aton pamilya
Malain ang panulukan nilaGing punggan ko man nga indi ka paghigugmahon
Galing mabudlay gd diktahan ang tagipusuon
Kung pwede lang tani nga maging parehas ta sa iban
Pwede maupdanay kag waay may ginapanaguanKung pwede lang naton mahambal sa ila nga gapalangga-anay kita
Galing mabudlay na kung layi na mismo kag korte ang aton kuntra
Gapalangga malang kita, anong sala didto?
Parehas malang kita sang iban nga mga tawoKadaya kay indi taka makup-an bisan gustuhon ko
Indi mo man ko pwede halukan bisan gustuhon mo
Indi kita pwede kaupdanay bisan gusto naton
Kay damo daun mga tawo nga gusto kita gub-onPero sige lang ah, basi maluoy man saton ang ginoo
Di lang ta mag-untat nga duha sa pagpangamuyo kag pagtuo
Basi sa ulihi pwede man nga maging kita
Kung kita sa ulihi, kita gd na yah.Hultanay lang ta galing nga duha
Asta nga handa nako maging asawa~~~~~~~~~~~~~~~~~~~~~~~
Published: October 30, 2017