قصة..زوجي وصديقه الخبيث
الجزء_٦ والاخيرة
.
يالله في لحظه تفتحت جروح قديمه و كان واقف وفرحان بشوفتي
وقال ابوي اجلسي فيه موضوع مهم فلان يبيك فيه قلت لابوي خلص الكلام بينا من زمان
يبه قام ابوي ومسك يدي وشد عليها وكان وجهه متضايق وكانه بكى كثير و طالعني
وقال طالبك تسمعينه للاخر وكانت الدموع في عيونه 💔 جلس ابوي وجلست جنبه وقام
ابوي حطه يده ع كتفي وكانه يبي يخفف عني صدمه او خبر بسمعه قلت لطليقي تكلم
واخلص قال تذكرين فلان يقصد صاحبه الخبيث وانا أهز راسي قال جاني واعترفه
لي بكل شي وطلعت براءتك وانا احبك وماتزوجت لأَنِّي مابي غيرك ووو تكلم كثير
وانا كأني مو بوعيي كأني احلم وجلس يعتذر وقال سامحيني وبعوضك انا وعزيز ...
هنا انا كأني صحيت عزيز هذا الاسم اللي اتفقنا نسميه ولدنا لما كنت حامل وعرفنا انه
ولد قلت من عزيز قال ولدنا قلت ولدنا مات قام نزل راْسه بالأرض قال انا خبيت عنك
وقلت انه..
مات عشان ماكنت ابيك بحياتي ولا ابي شي يربطني فيك حسّيت زي التنميل في جسمي
قلت ولدي عايش كل هالسنين وانت حارمني منه ؟؟؟؟ قال سامحيني وصار يبكي انت
ماحسيت بنفسي الا اضربه ع صدره بأقوى ماعندي واصررررخ واقوله الله يحرق قلبك زي
ماحرقت قلبي وفجاءه ذكرت الولد اللي يلعب بالحوش مع ولد خالتي
.
وبلحظه تذكرت انه صدق لو ولدي عايش بيكون عمره ١٣ 💔💔 طالعت
في طليقي قلت هو الولد اللي برا ؟؟قال ايه رجعت سالته نفس السوال يمكن ٥ مرات
وهو يقول ايه اييييه هذا عزيز ولدك وانا اعيد وأعيد وابي أتأكد 💔💔 قال ايه وماحسيت
بنفسي الا انا اركض واطلع للشارع ادوره واروح للبقاله وألقاهم راجعين في الطريق واطالع فيه اطالع في عزيززز 💔💔 صار رجال واركض واضمه بأقوى ماعندي وأفكه اطالع بوجهه..
وأقوله انت عزيز يقول ايه وارجع اضمه وانا ابكي بحرررقه والولد مصدوم مايدري ايش
فيه جاء ابوي ودخلنا البيت والولد خاف مني وراح عند ابوه الله لا يسامحه طلع قايل له
انه امه ماتت 💔💔 بعد يومين رجع عزيز عندي وبعد مافهمه ابوه حاول يتقبل وكان زعلان
مني ومن ابوه لانه مو فاهم وحاولت أتقرب منه بس كنت احس بإحساس غريب ماكنت
احس له بأي مشاعر وهو كان يقولي خاله 💔 وانا بعد ماراحت الصدمه..
كنت استحي اضمه واقرب منه أحسه غريب بعد كم شهر حاول ابوه نرجع ورفضت رفض
قاااااطع ونقلت ولدي عندي وحاولت اعوضه الحين صار عمره ١٧ بس علاقتنا غريبه مو
زي ام و ولدها ادري هو يحبني بس مو نفس حب الولد لامه وانا احبه واخاف عليه بس مو
نفس حب اختي لعيالها فيه بينا فجوه كبيرررره وحواجز ماقدرنا نتخطاها بس نحاول قد
مانقدر نقرب من بعض..
ياقلبي عليه انحرم مني وعاش زي آليتيم وانا انحرمت منه وعشت ايام مايعلم فيها
الا الله ادعوا لنا الله يألف بين قلوبنا ويحنن قلوبنا على بعض انا و ولدي ضحايا صاحب
طليقي الخبيث هو مات الحين بس عجزت أسامحه وزوجي ضحيه بعد بس ماله..
حق يحرمني من ولدي ويحرمه مني 💔💔💔 #انتهى .
