اول مادخلت الشهر التاسع بأسبوع تعبت مرررره ودخلت المستشفى قالوا: ولاده..
وتعذبت عذاب ااااه بس تعسرت وكل شوي يغمى علي من قوة الالم وحاولوا يطلعون..
البيبي ماطلع وجابوه شي اسود جهاز شفط اسمه يقولون لازم نشفط البيبي وتعبت كثيييير
واخر شي اول ماطلع راْسه الدكتوره تصرخ تقول الحبل السري على رقبته وترجعه مدري..
كيف بس هذا اللي سمعته ودخلوني العمليات وعطوني بنج موضعي ولانه حالة الطفل..
خطره ما انتطروا لحد ماياخذ البنج مفعوله..
وكنت احس بكل شي💔💔 شفت الموت ربي لا تحرمني الأجر و جبت ولد 💔💔 وشفته..
لمحه بس لمحه من ظهره ورجوله كان صغير ولونه ازرق واذكر اخر شي انهم يسوون له..
إنعاش وانا بس لمحته اغمى علي والرحم عندي تضرر وسوو لي عمليتين غير القيصرية..
و٣ ايام انا مو حاسه بشي رابع يوم صحيت لقيت زوجي جالس قبالي ويطالعني 💔💔
بس كانت نظرة بارده حتى مافيها رحمه سالته عن ولدنا سكت شوي بعدين قال: طلع..
البيت عند امه لانه ماله..
داعي يجلس بالمستشفى وانتي شدي حيلك عشان تطلعين وقام وطلع وجاني بعدها..
بيومين وانا ميته ابي اشوف ولدي قلبي تقطع من الشوق عليه وقالي يلا بنطلع من المستشفى ماتتخيلون قد ايش فرحت اخيرا بشوف قلبي وروحي لدرجة نسيت برود زوجي وتصرفه..
الغريب طبعا ماكنت اقدر امشي وكنت في حال مايعلم فيها الا الله جاب لي كرسي متحرك وساعدني جلست فيه ونزلنا تحت وركبنا السياره نسيييت الالم والتعب وكنت بس اتخيل كيف اضمه..
واشمه وارضعه كان صدري يعورني لازم ارضعه واحنا بالطريق اطالع الا مو نفس طريق..
البيت واسال زوجي وين رايحين مايرد سكت شوي بعدين اشوف الا احنا طلعنا من الدمام
ورايحين ع طريق الرياض قلت له: وين موديني ابي ولدي قال امس اخته الكبيره ودت
ولدي لاهلي لانه ماقدروا عليه وهو بيوديني لهم عشان اقضي النفاس عندهم زي ماتفقنا
وترا كل هذا واهلي مايدرون اني ولدت اصلا عشان تعبت فجاه ودخلت المستشفى..
وهو ماقالهم شي المهم تخيلوا ع التعب اللي فيني وعمليات ونفاس وماسكين خط ٤ ساعات
وطول الطريق ولا كلمه وانا تعبت زياده وارتفعت حرارتي وصرت اهلوس مدري..
شقول ع المغرب وصلنا الرياض ورحنا بيت اهلي ونزلنا وابوي مصدوم شفيه وانا اسال
وين ولدي ماكنت قادره امشي كنت ماسكه الجدار ويدي ع بطني وصوتي يالله يطّلع
وابكي بس واسال عن ولدي قام ابوي جلسني وسال زوجي شفيه تخيلوا قال ..
يتبع>>
