وسال زوجي شفيه تخيلوا قال ولدت الولد ميت وانهم دفنوه خلاص وانه..
اللي بينا انتهى وهو تحمل لحد ما أولد وقال الحمدلله الشي الوحيد اللي كان بيربطنا راح
وطلقني وطلع💔💔 انا صرت اصرخ زي المجنونه..مدري ع ولدي ولا طلاقي ولا ع حالتي ااااه ياقلبي الظلم شين عشت يمكن ٣شهور وانا ماتكلم من الصدمه ولا انام وتجيني حالات غريبه اسولف باشياء غريبه واسمع صوت طفل يبكي بكل مكان واركض زي المجنونه..
ادوره وابوي جاب لي دكتور نفسي وصرت عايشه ع المهدئات ٥ سنوات 💔💔 بعدها
صرت اتقبل واقعي شوي شوي ورجعت أوقف على رجولي وبدعم اهلي الله لا يحرمني
منهم وصبرهم علي وحبهم لي رجعت طبيعيه كان الحزن بعيون ابوي وامي واختي هو الدافع اللي خلاني اتغير شوي شوي سمعت انه طليقي تملك مرتين وانفصل ومرت ١٣سنه 💔 طليقي ماتزوج ولا انا تزوجت كنت احبه وماقدرت اطلعه من قلبي وادري انه..
احنا ضحية صاحبه الخبيث كنت احيانا ألومه لانه ما تركني أدافع عن نفسي ولا اهتم..
لكلامي وكيف يصدق فيني انا زوجته وحبيبته واحيانا مالومه كل شي صار قدّامه مستحيل مايصدق 💔💔 طليقي خلال هالسنين نقل وظيفته للجنوب وانقطعت اخباره تماما وبحكم انه مابينا قرابه ماكنت ادري عن اهله...بيوم من الايام كنت راجعه من الدوام كنت اشتغل في بنك
ورجعت البيت ع الساعه ٤ ونص دخلت لقيت ولد خالتي في المتوسط يلعب في الحوش..
مع ولد نفس عمره سلمت عليهم و ضحكت معهم و طلبني ولد خالتي فلوس له وللولد يبي
يروح البقاله قلت له من هذا طيب قال صديقي ولانه حوشنا كبير وخالتي بيتهم شقه قريبه
منا كان دايم يجيب أصدقاءه ويلعبون كوره بالحوش المهم أعطيتهم فلوس وراحوا بس
الولد قرب مني وحب راسي وقال شكرا ياخاله انا استحيت بحكم انه كبير شوي بس مدري ليه كنت احس بشي غريب وقعدت اطالع فيه..
لحد ماطلعوا للشارع ودخلت وانا لسى علي عبايتي..بس شلت النقاب..
لقيت ابوي قدامي عند مدخل الرجال قال: خلي عبايتك عليك وتغطي و تعالي فيه
رجال ابي تسلمين عليه انا فكرت انه عمي ومعه ولده لأنهم كانوا مقررين يجونا
قلت بسلم وادخل انام تعبانه دخلت المجلس لقيت طليقي قدامي⬅
يتبع
