..لحد ما اكتشفت اني اذا رحت لاهلي زياره طبعا زوجي معاي يومين ونرجع..
كان يقول لزوجي عطني مفتاح بيتكم لاسمح الله صار التماس او شي الا المفتاح معاي..
واشيك ع البيت وزوجي يعطيه تخيلواكان يتصل علي يقول انا انام ع سريركم واتخيلك
جنبي واشوف ملابسك واشم عطورك يالله انصدمت وبعد من غبائي ماقلت: لزوجي لكي لا
تهاوشت معاه وزعلت عليه وقلت: له لا تدخله بيتنا اخر شي زوجي وافق وصار مايعطيه
وبعدها بشهرين جاء كالعاده..
يسهر مع زوجي في المجلس اول مادخل قال لزوجي انه تعبان ويبيه يجيب له مسكّن من الصيدليه اللي تحت البيت على طول زوجي قال تعال أوديك الطبيب قال رحت وكتب لي ع مسكّن بس ونسيت اخذه وزوجي نزل بسرعه يجيب المسكن اللي طلبه صاحبه وانا متعوده اذا زوجي يبي شي يدق الباب اللي بينا مثل يطلب شاي او قهوه وانا بالصاله الباب دق نفس دقة زوجي ورحت بسرعه اشوف وش يبي فتحت الباب الا هو يدخل يده و يسحبني عنده..
للمجلس وانا بطني شكبره في السابع ولا قدرت اخلص نفسي منه تخيلوا ماسكني
ويقول بصوت عالي انتي مثل اختي وانا مستحيل أفكر أضر فلان وعيب عليك هالكلام
وكل مره تطلبيني وانا ساكت مابي اخرب بيتكم واقًول طايشه وبتعقل ويكرر الكلام
ويعلي صوته اكثر وانا منصدمه مو فاهمه شي واحاول اسحب نفسي منه ابي ارجع داخل
ماقدرت وهو طرف عينه ع الباب ويكرر كلامه ويقول خافي ربك فلان مايستاهل💔💔
ودقيقه..
الا زوجي داخل علينا ومصدوووم بعدين صاحبه طلع و ماقال: حرف وزوجي يطالعني
وانا اطالعه والله ماقدرت اقول حرف وجلس زوجي ع الارض وانا مدري شفيني خفت
ودخلت غرفتي وقفلت علي واليوم الثاني الصباح بدري طلعت مالقيت زوجي وجلست
انتظره وطول الليل كنت احاول ارتب الكلام عشان افهمه وكنت من داخلي حاسه انه
بيصدقني 💔 جاء ع الظهر وجهه اسووود ولا يطالع فيني تخيلوا اكلمه واحاول افهمه..
وهو جالس ويطالع بالأرض بعدين قال حصل خير وقام بعدها زوجي مو نفسه ومالومه
صار زي الجسد بدون روح 💔💔 وانا صرت اتعب كثير عشان نفسيتي ولا قلت لابوي اللي
صار وهذي غلطتي الثالثه 💔 قعدنا كذا شهر ونص يادوب كلمه ورد غطاها وكان ينام..
بالصاله ولا ياكل من طبخي ولا شي واضح انه كارهني ومايبي مني شي بس مدري ليه..
ساكت كنت احس فيه غرض في نفسه يبي يوصل له وصديقه اختفى ماله حس ولا خبر
ولا اتجراء اسال عنه..اول مادخلت الشهر التاسع بأسبوع تعبت مرررره ودخلت
المستشفى..
>>يتبع
