Undeniable Feelings

Chapter Seventeen.

Para akong lutang habang naglalakad papunta sa sakayan ng jeep. Lumulubog na yata kami kasabay ng pag-angat nila Uno. Katulad ng pag ibig ko kay Uno, lumulubog ako habang s'ya ay inaangatan ako.

Napayuko ako at nagpasyang hindi na lamang papasok. Gusto kong mag isip isip muna.

Akala ko kasi ayos na ako, mula 'nong kausapin ako ni Uno. Pero hindi pala, isang gabi at sandaling umaga lamang ang itinagal ng kasiyahan ko. Nawala agad at dahil iyon sa Uno'ng iyon.

"Tangina, ang galing nga naman ng tadhana!"

Naiinis na kumuha ako ng alak sa kabinet na nasa itaas ng lababo. Nag-cutting ako. Ako lang mag isa dahil gusto kong mag-isip isip.

Sunod sunod ang pag-salin ko sa shot glass at ang paglagok ko rin doon. Nasa ibabaw ng lamesa ang cellphone ko kaya nang tumunog iyon ay madali ko lang din na nakuha iyon.

Nangunot ang noo ko nang mabasa ang text. Unknown number iyon.

Unknown number:
Nasaan ka?

Umirap ako at hindi na lamang iyon pinansin. Inilapag ko ulit ang phone ko at nagsimula na muling magsalin ng alak. Muli na namang tumunog ang phone ko. Tamad kong kinuha iyong muli at binasa ang text.

Unknown number:
Where the hell are you?!

Sa inis ko ay ni-replyan ko iyon. Hindi ko ugali ang mag-reply sa mga unknown number pero sa pagkakataong ito ay ginawa ko.

Me:
Sino ka ba? I'll block your number.

Pagkatapos ko iyong sabihin ay akmang pipindutin ko na sana ang block para hindi na s'ya makapag-reply nang tumunog iyon. Tumatawag s'ya!

Walang pag aalinlangang sinagot ko iyon, handa na sana s'yang bulyawan ngunit naunahan n'ya ako.

"Nasaan ka ba?! Kanina pa kita hinahanap!"

Natigilan ako. Sinilip kong muli ang phone number, unknown parin iyon pero hindi ako pwedeng magkamali kung sino 'to.

"Wala ka ng pake kung nasaan ako, pwede ba? Huwag ka ng makialam."

Inalis ko ang phone sa tenga ko at pinatay ang tawag. Pinatay ko ang phone ko at nagsimula na muling uminom.

Hindi ko alam kung hanggang kailan ako uminom ng uminom basta naalimpungatan na lang ako sa malalim na pagkakatulog nang maramdaman kong para akong lumulutang.

Didilat sana ako kaya lang ay naamoy ko ang pamilyar na pabango n'ya. Kung hindi ako nagkakamali ay si Uno na naman ito.

Hinayaan ko s'yang buhatin ako. Tutal ay ayoko naman s'yang makausap. Ayokong makarinig na naman ng kahit na anong salita mula sa kanya. Nakakabwiset lang.

"Bakit ka ba naglasing?" He said then gently lay me down on the bed.

Nagpanggap akong tulog. Ayoko s'yang kausapin.

"You're really a pain in the ass."

Hinaplos n'ya ang pisngi ko. Ramdam na ramdam ko ang init ng mga daliri n'ya. Parang may kung anong boltahe ng kuryenteng ang dumaloy sa katawan ko.

"Jamila, why are you doing this to me..." Garalgal ang boses n'ya nang sabihin n'ya iyon.

Naramdaman ko ang labi n'ya sa ibabaw ng labi ko. Sa gulat ko ay napadilat ang dalawang mata ko. Mabilis ko s'yang itinulak palayo sa akin. Namumungay pa ang mga mata n'yang nakatitig sa akin.

"Bakit mo na naman ako hinalikan?!" Pasigaw na tanong ko sa kanya.

"J-jamila..."

Hahawakan n'ya sana ako kaya lang ay hinawi ko ang kamay n'ya.