وحشي اناا😚

الجزء عشرين

22؛مشا وخلاها واقفة كتشوف فراسها...دخلات للحمام وهي معصبة كتعاير فراسها علی استسلامها ليه البارح...كان المفروض ميوصلوش لهدشي...هي ممعتارفاش بهاد الزواج...وليني الداخل ديالها فرحان بزاف بالبارح....كانت امرأة مكتملة وهي بين يديه...علمها شناهو الحب بالفعل....حسات باكتمال أنوثثها بين يديه....ضربات خدها علی أفكارها اللي كتتاجه لمنحی أخور غير دكشي اللي باغة....خرجات ومبان ليها حتی حد ...بانت ليها ورقة صغيرة محطوطة حدا راسها...مشات كتجري تقراها...( سمحي لينا أحرمنا المصون....مشيت وخليتك...خرجات خدمة ضرورية...غنعوض حبيبتي...كلشي الخدامة فالبيت تحت أمرك...ونسيت وحد الحاجة...نتي ديالك وخا ترفع الأرض وتلاقا بالسما...)حطات ديك الورقة وهي كتوعد لأسد....سلاف؛ هاحنا غنشوفو...ديالمن أنا...لبسات حوايجها وهبطات كتجري باش تخرج من هاد المشنقة اللي نصبها ليها أسد....مجاتش تفوت الباب الكبير حتی وقف عليها....شدها من يدها وطلعها للفوق وهو مزير عل يدها....كيخنزر فيها وكيخنزر فالخدامة الیي كيشوفو فيها باينة فيهم هومة اللي عيطو ليه....أسد؛ وهو كيدخلها للغرفة (فين كنتي غادة بالسلامة؟)سلاف؛ تنترات منو( فين ما بغيت...أنا ماشي سجينة عندك....أنا مباغاش هاد الزواج)أسد؛ قرب حداها وشدها من فكها حتی تجمعو شفايفها( حسن ليك متهضريش دابة محد اللهفة اللي فيا ليك كتغلب)سلاف؛ دفعاتو بلا ميتزحح...( هادشي لاش جايبني ....تخزي فيا اللهفة اللي فيك)أسد؛ زير عليها وطلعها باش يتساوا مع وجهها...ورك علی كلماتو ( أنتي غير كل الناس...أه نخوي لهفتي فيك حنت نتي الملاذ ديالي....انتي النصف اللي كنقلب عليه...منقللش علی شي وحدة تكون بين يديا غيرك...مبقاتش بلاصتك تعمر بغيرك....أه نبغيك ونبوسك ونوريك الحب ديالي بكل الطرق....حنت هاد الحب معمرو بان لشي حد...نتي مراتي وشي حاجة كتعنيني...ومعمرك تفكري تخرجي من تحت جناحي حنت غنحبس حتی نخنق نفسك ميطلع بلا متشاوريني)سلاف؛ كتبكي ( انت مريض....بعد مني )أسد؛ كيشوف ففمها المجموع وانتافض قلبو...بان الجوع ديالو ليها...معارفاش الدقايق والثواني اللي حسب فالخدمة باش يرجع ليها ويعلمها الحب بكل الطرق باش تعرف شحال كيبغيها....وهاهي قدامو بكل هاد الأنوثة وهاد الحمال اللي كيقتل كل ذرة تعقل عندو باش يخرج الإنسان الهمجي المتعطش ليها ويخطف حبو منها....هضر وهو كيتنهد( بلا بيك يوقف الكون عندي....كنبغيك) ودخل لعالم ديالو ....يروي داك العطش من شفايفها باش يروي شوية من داك الإحساس د العطش والجوع اللي فيه ليها....حسات بانتعاش شعورها الأنثوي.....مقدراتش تقاوم...كانت مساهمة أنو يتطور الأمر من قبل لأشياء بزاف....ناعس حداها كيلعب بشعرها.....عنقاتو بلا متحس....قلبها كيضرب....كيضرب ليه ولإحساس غريب تزرع فيها ليه....يمكن هذا الحب كتكتاشفو....خشات راسها فحضنو وهي كتتفكر غير دابة شوية كانت نقيض تصرفاتها الحالية تماما....دوزات معاه نهار فالنعيم....تعرفات علی أسد الشخص ماشي المدير....تعرفات علی حركاتو شوفاتو...دازو أيام وهي معاه فنعيم مبغاتش تفيق منو...زادت تأكدات من شعور خفي كيتربی فقلبها وبدا كيتطور بزاف..... فاقت فصباح زوين...مزال كتفكر أحداث البارح وكتحسس شفايفها وتتبسم...كيفاش كيخليها تكتاشف عوالم تانية وتغيب عن الوجود....لبساتحوايجها وخرجات من الدار....مشات هضران مع جداها وطلبات منها تجي...دوزات النهار برا حتی جات للدار.....أول موقفات قدام الباب حسات بيد قاسحة خطفاتها من شعرها باش يجرها وراه وهو كيعير فكل مخلوق فالدار......
23؛ طلعها للغرفة الفوق ولاحها وسد عليها بالساروت وهي كتغوت..سلاف؛لا عفاااك...أسد...أسد...لا لا...متسدش عليا عفاكأسد؛ سمحي ليا...مخليتي ليا حتی حل..كتضرب فالباب وتغوت....لصقات علی الباب وهي كتبكي....لداخل ديالها تحنقات....كانت كتضرب بالجهد ولات كتضرب بشوية....(لااا أسد...متخلينيش محبوسة....أسد؟)حطات يديها علی ودنيها وغمضات عينيها....كتشهق وتحبس النفس وتعاود ترجعو....عينيها محبسوش من الدموع....ورمو وحمارو....وجهها حمار بالبكا.....معرفاتش شحال دوزات ديال الوقت....بقات فبلاصتها كتبكي....كتدق عليها الخدامة مكتجوبش....اضطرات الخدامة تعيط لأسد...فدقائق معدودة كان حداها.....حل ااباب بالساروت وحبسو ضهرها اللي حابسو حنت بقات لاصقة عليه وهي سادة ودنيها وكتبكي وعينيها مغمضين.....كتشهق شهقات صغار بحال بنت صغيرة....أسد دفع الباب بشوية وسدو وجلس حداها....هز ليها وجهها بيدو كيشوف فيها...عينيها الوارمين....شعرها الفوضي...حناكها الحمرين.....لعنراسو وأفكارو اللي كيفكر فيها بحال مفترس لشي فريسة.....دور ليها شعرها ورا ودنيها باس فوق جبينهت وهزها بين يديه....حطها فالناموسية وحيد صباطو والكوستيم وبغا ينعس حداها...لكن الشهقة ديالها خلعاتو....كانت كتشوف فالفراغ...مواعياش ليه....أسد؛ يلهفة وخوف (حبيبتي....حبيبتي....مالكي أقلب أسد....؟)دون جواب....شهقات صغار كيخرجو منها ويديها كيشدو فالفراش د الناموسية ...أسد؛ كيتحسس فجبينها...ودخلها لحضنو وهو كيحبس الدموع حفاضا علی رجولتو( سمحي ليا....سمحي ليا...مقصدتش....أنا منستاهلكش سمحي ليا....)دخلها لحضنو وشد عليها....كيبوس فراسها ويحط خدو علی خدها باش يحس بانفاسها....كيبوس فمها بخفة وهو خايف علی حبيبتو قلبو....هاد الخوف اللي جرب معمرو جربو اتجاه شي انسان فحياتو...تحركات تحت يديه وحاوطوه يديها الرقاق الرهاف...اللي كيف النسمات وكيقتلوه بشوية بشوية....هبط فمو يبوس يدها اللي محاوطها كلها علی طولها...سمع همسها من تحت حضنو مخلط ببحة بكاء..سلاف؛ متعاودش تخليني ...مدرت والو...أسد؛ عنقها وجرها ليه كتر( سمحي ليا...أنا ...حبيبتي سمحي ليا....أنا طفلك الصغير كنغير من خيالي....متبعديش عليا...غنموت بلا بيك....)حاوطات بيدهت عليه...سلاف؛ عفاك متعادهاش...تخلعت منك..أسد؛ كيبوسها وفصوتو نبرة حزن واسف ( أخر مرة فحياتي....أخر مرة....)عنقاتو وهي مسامحاه حنت بالفعل إلا فرقاتو تموت بلا بيه كما هو....شافت الحياة فعينيه....وهو مبخلش عليها بحبو.....